Día de Rosalía - A Estrada 2024 - Un pelouro que roda - A Banda da Loba

No ano 1880 publicouse 'Follas Novas'. Neste poemario, Rosalía de Castro incluíu un poema no que a imaxe dun "Pelouro que roda" representa a súa idea do desexo e o pracer, dando mostra do avanzado do seu pensamento para a época na que viviu.
Non foi ata o ano 1965 que Bob Dylan estreou o seu coñecido tema "Like a Rolling Stone" (outra pedra que roda), que ademais deu nome a unha das bandas de rock máis icónica de todos os tempos.
Foi ou non foi Rosalía unha auténtica visionaria?
Este videoclip foi posible grazas ao talento creativo de A Banda da Loba e a animosa colaboración dos centros de primaria estradenses. Grazas a todos e todas pola vosa implicación!
Letra: Rosalía de Castro
Música: A banda da Loba
Arranxo da sección de ventos: Adrián Real
Sección de ventos: Adrián Real (trompeta), Lara Porto (saxofón alto), Diego Suárez (saxofón tenor), Cristóbal Fernández (trombón).
Gravación e masterización: Arturo Vaquero (Abrigueiro Estudios)
Realizado por Lucas Terceiro e producido por Paula Cereixo (Tres Insuas Audiovisuais)
UN PELOURO QUE RODA (Follas Novas, 1880)
Dou encomezo pensando,
Despois, gustoulle pensar;
E deste gusto o deseio
A toda présa se vai.
E decote descendendo,
Descendendo sin parar,
Desde o deseio ó pecado
A toda présa se vai.