2023日本單車旅行 | 單車旅行小貼士 | 東京單車大冷 | 東京-河口湖-富士山-箱根-東京，肥仔能否成功踩單車爬上富士山？ (附中文字幕)

[@jethroleung6745]

尾燈唔太建議放呢個位, 因為如果唔小心隻腳踭撞到隻燈, 隻燈又咁巧撞到 D 輻條, 撞爛尾燈事小, 撞斷輻條事大 ! 如果無地方放尾燈, 可以直接綁上頭盔後, 咁高後車一定見到.

[@HeatBloodUncle]

謝謝教練紀錄！每一次長途既單車之旅都要珍惜，真係唔知幾時先有下一次。
---
補充d文字分享~
--
第一日開波由東京踩去河口湖就踩到爆偈，最後20公里踩到懷疑人生。天氣、實際路況、體能與預期有落差，但由天陰踩到天晴，由無力到火箭回程，預期失落之處，正正係造就難忘旅程的關鍵。
東京市區出郊區既路比預期中難踩好多。因為有無盡咁多燈位。就算一早出發少車d，但都唔係快好多。反而因為有d送貨車停係路邊，為成段馬路增加左d危險，途中都遇到疑似醉駕既司機。(天下Benz一樣西,好似係)。
東京既馬路係一旁都會有標單車線，睇落好bike friendly，但實際上本地人多數都係踩行人路。反而同香港一樣，踩馬路都係比較hard core少少既行法。途中遇到既日本車友都係轟住去。
出到市區就好好多，路呢，肯定大帽山係闊d。日本車係細，但泥鬼大車都唔少。好在路邊無坑渠，司機相對會注意前車，係香港鍛煉過既我地，都輕鬆處理到(無踩開馬路就唔好諗住日本d馬路搞得掂了)
然後，Skip左lunch既關系，我被拉爆了。🫠 好不容易捱到河口湖，浸個熱湯，懷住擔心既心情洗衫訓覺。
第二日河口湖上富士山五合目，再爬兩個山到箱根。因為身體未完全回復，所以用最保守既速度爬上去，亦係我單車爬過最高既山( 相等三座大帽山)。開波前終於望到富士山既全貌，瞬間覺得全日既旅程，好似有返d希望。
山，係有種莫名既吸引力。
上到去，滿足感無預期既大(?)可能因為五合目其實都無咩風景同地標可以睇到，匆匆影張相、食d野(重要)、著返d衫打個靚卡就落山了。再次體會，裝備既重要性，上年單車節買落既面罩同防風既手套既套，非常給力。山上面都幾凍，得十幾度，如果咩都唔著衝落黎，應該會凍到痹(DMT鞋既朋友記得著鞋套)。
落斜有24公里長，人生最長既落斜，時速保持40上落，都落成半個鐘。落到山腳，係好舒服既林道，如果唔上山，繞住大帽山踩都係一個好選擇。
御殿場係一個盤地，輕輕鬆鬆就過左。But, 單車好公平，有落就有上，到箱根，如果有睇某套卡通既你，應該開始醒起「箱根學園」呢隊車隊。一隊車隊要勁，有地方練車好緊要。箱根就係一個練車好地方…Anyway, 都無香港咁難。捱下捱下，比預期順利就到溫泉旅館 (重點、重點、重點！， 自行想像)
第三日，因為要預備聽日工作，有理無理，教練就開左火車mode，只係用左第一日一半多d既時間就轟到返酒店。睇景點同飲水一樣，唔洗停車…亦側面見到溫泉既威力，全面回復。
完。
Tips:
1. 用個輕d既車袋/箱，好過超重比人Charge
2. 酒店要提前講有單車入住，唔係既話你需要有心理準備佢唔比你放入房
3. 日本司機係會隨時急停！同埋轉彎會停定先轉，千祈唔好太貼！
4. 適當既同伴好緊要，鳴謝 @chengchakshing
5. Strava/kmoots+Wahoo碼錶好緊要，簡單好用可靠
6. 尾袋太長可以加個固定框，過彎安心唔怕甩尾
7. 70公里既長度會係最合適，太長會skip好多景點
8. 食飽好緊要好緊要好緊要
裝備：
Bike: #Ride_BMC GF02
Computer: #Wahooligan Elemnt Roam
Bag: #Routewerkes #Rockbros
Apparel: #BMCxAdictalab #Rapha #Castelli #Alecycling
Shoes: #DMT GK1
Helmet: #Kask Protone Icon
#cyclinglife #cyclinghk #單車仔日常
後記：
記得多謝老婆👈🫰

[@sunnypan0719]

謝謝分享~ 發現好少人分享不是參加富士山挑戰賽, 而是自己去爬富士山的影片
目前我想規劃自己去騎, 想知道是不是有甚麼注意的地方(比如是不是有限制的月份不能上山之類的),
看到你的影片蠻有幫助~
請問兩位是幾月去騎車的呢? 天氣看起來很適合
騎富士山當天是幾點開始呢? 車子看起來很少, 整路都是少少車嗎?