Это видео недоступно.
Сожалеем об этом.
اختيار السجادة المناسبه في الديكور | معلومات مهمه عن السجاد | مها هيكل
HTML-код
- Опубликовано: 28 янв 2023
- اختيار السجادة المناسبه في الديكور | معلومات مهمه عن السجاد | مها هيكل
#معلومات_مهمه_عن_السجاد #حلول_ونصائح_عن_السجاد #الجديد_في_السجاد
السجاد هو عالم كبير جدا و اللي بيه بتكتمل اناقة المنازل
و بيمثل عنصر مهم من عناصر التصميم الداخلي لانه بيشغل مساحة كبيره فعليا من الفراغ او الحيز
و بيترتب عليه نجاح ديكور اي غرفة او فشلها .. حلقتنا النهارده عن السجاد أنواعه و اشكاله و طريقة توزيعه في البيت هنتكلم عن كل حاجه تخص السجاد بالتفصيل بيعتبر السجاد من أساسيات الديكور اللي بيحسسنا دايما بالالفة والدفء و التجانس داخل البيت ..
خصوصا لو التصميم بيجاري الموضة الحالية المعتمده على الفراغ و اتباع فن تبسيط الفرش او المينيماليزم
• و ضروري نحط في اعتبارنا دايما ان
السجاد الفاتح بينور المكان و بيدينا احساس بالوسع و العكس السجاد الغامق بيحسسنا بالضيق و ده بنستخدمه اكتر في المساحات الواسعه أشكال السجاد
في الاساس مساحة الغرفة هي اللي بتحددلنا شكل السجادة و حجمها حسب قواعد الديكور و شكل السجاده ضروري يتلائم مع شكل الحيز او الفراغ اللي هتتحط فيه
فلو كانت الغرفة مستطيله بنحط سجاده مستطيله و لو الغرفة مربعه بنحط سجاده مربعةممكن منلاقيش السجاد المربع بسهوله لان الشائع و الاغلب هو السجاد المستطيل
لكن نقدر نطلبها تتعمل مخصوص custom made
زي اشكال السجاد الغير منتظم اللي احنا شايفينها
اما بالنسبه للسجاد المدور او على شكل دائري
من السجاد المناسب جدا في الغرف المربعه
لان السجاد المستطيل مش دايما بيليق مع المساحه المربعه كمان بنستخدم السجاده المدورة تحت ترابيزة السفرة المدورة او المضلعه
او ممكن كمان نستخدمها لو احتجنا نعمل foucs او تركيز على مكان مميز زي في البيت زي البيانو او
قاعده للقراية على جنب او قطعة ديكور مميزة
و لازم نراعي دايما اننا منكررش نفس السجاده مرتين في الحيز الواحد وكمان نسيب مسافات ما بين كل سجاده و التانيه ومنلزقش السجاد جنب بعضه
توزيع السجاد سجادة الريسبشن عادتا بتكون مغطية الاثاث بالكامل
او على الاقل الرجول الأمامية للكراسي و الكنب
اما الوان السجاده تكون مستوحاه من لون الانتريه او الكوشينز اللي عالكنب
سجاده السفرة بتغطي السفرة بالكامل بتبرز عنها بحوالى 60 سم بحث تكون الترابيزة و الكراسي كلها فوق السجاده و هي ملمومه و ايضا و هي مفروشة اثناء استعمال الكراسي
سجادة غرفة النوم تحت السرير بالكامل و مغطية الكومود
او ممكن تكون بارزه بنسبة تلت السرير. لقدام زي ما احنا شايفين .. يبقى عندنا ٦٠ سم حوالين السرير
و الشكل ده بيكون افخم بكتير من اننا نحط المشايات حوالين السرير
بتستخدم كذلك السجاد او المشايات في المطبخ اللي بيدينا نوع من الدفء خاصتنا لو كان عندنا جلسة في المطبخ الكوريدور او الطرقة بنستعمل فيهم مشايات طويلةو مؤخرا و مع انتشار فكرة المساحات المفتوحة في الشقق المودرن المبنية على الغاء الحوائط الفاصلة ما بين الريسيبشن و السفرة و المطبخ
ساعتها بنلجأ لحيلة بصريه و هي باننا نقدر نحدد او نفصل كل منطقة من دول عن المنطقة التانيه بالسجادة
اللي بتعمل نوع من انواع الخداع البصري و بتقسملنا المكان لكن بدون وضع حواجز صريحة
اوقات بتعجبنا قطعة سجاد معينه او بتكون عزيزة علينا بنبقى عايزين نحطها في مكان بس السجادة بتكون صغيرة على المكان . في الحاله دي بنحط سجاده تانيه تحتها
في الحاله بنبقى عملنا الrug layering وبتبقى حل لطيف للمشكله دي و العكس ساعات لو المساحه عندنا صغيرة بنقصد نعمل طبقتين السجاد اللي فوق بعض عشان تدينا احساس ان المكان في الاصل كبير جدا ..خامات السجاد ١- السجاد طبيعي
بيصنع من خامات طبيعية زي الصوف
اللي بيتميز انه خفيف الوزن بيتحمل الاستخدام العنيف و غير قابل للاشتعال الحرير و بيصنع يدويا من الحرير الطبيعيكذلك قيم و عالي الجودة لكن بيحتاج الى عناية خاصه
للقطن خامة طبيعية جميلة لكن بتلف و تبهت بسرعه و بتحتاج لعنايه خاصة
اما بالنسبة للسجاد الصناعي فهو بيتصنع من خامات صناعيه زي ال سانتيتك و بولي استر و الفيسكوز او الحرير الصناعي كل الخامات دي اقل في تكلفة
بتكون خامات اقوى في تحمل الاستخدام و الوانها ثابته و مبتتأثرش بالرطوبه و بالتالي مبيتعرضش للعفن و التلف من الحشرات زي الخامات الطبيعيه
نصيحه مننساش نحط ال pad rug تحت السجاد خصوصا لو كان السجاد بيتزلحلق و كمان عشان يحافظ على السجاده من الاتربة و الحشرات
ستايل السجاد السجاد الكلاسيك بيتميز شكل السجاد الكلاسيك بزخارف ونقوش دقيقة و كتيرة وألوان متداخلة.زي السجاد العجمي او الايراني او السجاد الهندي
السجاد المودرن نوعين اما ١- سجاد سادة و بلون واحد او بدرجاته و الموضة دلوقتي هي الالوان المحايدة زي الرمادي و البيج و الابيض و ممكن بيكون بخطوط او اشكال هندسية بسيطه٢- او العكس تكون السجادة مبهرجة و بالوان زاهيه و بكونتراست عالي يعني بنستنتجد ان الوان البيت هي اللي بتساعدنا في اختيار السجادة بتاعتنافلو الاثاث فيه الوان كتير بنخلى السجاده لون واحد ساده
• و العكس لو السجاده اللي اخترناها فيها الوان كتير
• لازم يكون باقي قطع الأثاث ساده عندنا كمان السجاد الاتنقالي او Transitional rug
٣- سجاد بيجمع ما بين المودرن و الكلاسيك
و هي مرحله انتقاليه للناس اللي بتحب شكل السجاد الكلاسيك او ال Traditional بس بروح حديثة مودرن
و بنسميه Transitional carpet سجاد معاصر بيحمل صفات من السجاد الكلاسيك من حيث التصميمات و الزخارف الدقيقة لكن بخامات و بلمسات حديثة مودرن هادية و بهتانه الي حد ما و اخيرا نصيحه مهمه وهي و احنا بنشتري السجاد نصيحة نفرش السجاد على الأرض عشان نشوف اللون بوضوح بالاضاءه القويه و نتخيل شكلها عندنا و طبعا بعد ما يكون معانا المقاسات المظبوط
Amaken Interiors
Kitchens & Interior Design
16, Mostafa El Nahas Street, Nasr City Cairo, Cairo Governorate, Egypt
Tel : +20222713541
Mob : +201227017751
حسابي على الانستجرام تابعوني ✨ instagram.com/maha.art.amaken/
صفحة الفيس بوك ✨
facebook.com/Maha-Art-مها-هيكل-105062221292421/
السلام عليكم ورحمة الله وبركاته بعد اذن حضرتك ممكن اعرف الافضل للسيراميك المطبخ ان يكون ساده ولا اعمل بلاطه ديكور؟
أنا بفضل السادة
لو سمحتي لو عندي مدخل فيلا وطرقه طويله مش مستعمله ايه السجاد المناسب هل التشريفه او سجاد عي
ماشاءالله حبيبتي نصائحك دائما جميلة وذوق راقي
حياتي انتي يا نوووس 💋💋
شكرا يا باشمهندسة افدتينى كثيرا فعلا كنت طلبت منك الكلام عن السجاد وكيفية اختياره ودائما فى انتظار فيديوهاتك وموضوعاتك المفيدة والشيقة بالتوفيق دائما 🌹
حبيبتي مهموهة الجميلة ❤️
@@Maha_Haikal يا قلبي مقدرش انا على الدلع دا يا قمر 😘❤️🌹
💋💋💋💋
يلا شير لكل حبايبك عشان نكبر القناة ☺️
@@Maha_Haikal إن شاءالله تكبر وتعدى المليون 👍🌹👍
معلومات مفيده جدا وفيديو منوع ،شكرا
شكرا لذوقك
ڤيديو رائع، شُكرًا على المعلومات القيّمة 👌🏻
نورتوني ❤️❤️
خير الناس أنفعهم للناس .😊. تسلمي لنا يا أستاذه
😍😍 الف شكر 🙏
الفيديو جه ف وقته بالتوفيق دايماً يا بشمهندسه ♥️
نورتيني حبيبتي تسلمي ❤️❤️
روعة ربي يسعد قلبك ويدوم عزك يارب 🌹🌹🌹🌹
ربنا يخليك كلك ذوق
#شكرا لاختيارتك #جميله
شكرا جزيلا نورتوني
السلام عليكم ممكن تفيدني عندي انتريه كلاسيك لونه كافيه في بني اجيب سجاده شاج لونها بيج فاتح ولا سجاده بني في بيج دخلها الوان
انا بفضل سجاده لون واحد فاتح
تبارك الرحمن ربنا يبارك فيكي اللهم آمين يارب تم اشتراك بالتوفيق
تسلميلي حبيبتي نورتيني
شكرا لحضرتك
بس السجادة تحت السفره والكراسي متعبه فى التنظيف فازاى نوفق بينهم
اختاري خامه سهلة التنظيف و لون يستحمل الاستعمال اليومي
انا عن نفسي مش حاطة سجاده تحت ترابيزة السفرة 😊
طب لو الانتريه والسفرة بجوار بعض يكون شكل السجاد واحد ولا مختلف
ممكن يكونوا بنفس الشكل لكن انا افضل يكون في تغير بسيط جدا في النقشه مع الحفاظ على الالوان و الخامه
ايه افضل مكان سعره مناسب مهندسة للسجاد
عندى ريسبشن كامل قطعتين اشترى سجادتين نفس الشكل ومشاية بينهم نفس الشكل ولا لازم اغير الشكل وهما الاتنين نفس الخامة نيو كلاسيك
مفيش مشكله لما يكونوا نفس الشكل
لوسمحتى عندى غرفه لوالدهان عندى رصاصى والجبس لونوموف مفرود يكون لون الخشب الغرفه اى ولون الستايروالسجاد
ممكن تخلي الخشب ابيض
و سجاد و الستاير رمادي فاتح
متكتريش في الالوان
ينع❤ي احط سجاتين جمب بعض مختلفين في اللون
ينفع
لو سمحتى لو الركنه عندى جنزارى فى رمادى . ايه لون الصالون ال يليق عليها؟ولون سجاده لونها ايه؟
اللون الاوف وايت يبقى جميل معاه
@@Maha_Haikal شكرا لحضرتك
@mahabadr8512 اهلا بيكي 😊
@@Maha_Haikal معلش هتعب حضرتك ممكن اعرف لوهعمل مكتبه للتليفزيون بديل خشب يكون لونه ايه؟ ولو السيراميك لونه ابيض فى رمادى تمام ولا فى مشكله؟واختار ستاير لونها ايه ؟ مع العلم انى لو دهان الحائط فانيلا لاتيه
@@mahabadr8512 بديل الخشب فيه الوان كتير مختلفه تقدري تختاري لون داخل فيه درجه رمادي هتربط بين الألوان اللي عندك
لوسمحتى لوالسجادة نبيتى فى كحلى فى بيك الانتريه لونه يبقى ايه
اي درجه من درجات السجاده انا بفضل الفواتح
ممكن تعمليه بينك
لو البلاط منقوش شكل المغربي ينفع معاه سجاد ايه ؟؟؟
لون ساده من درجات الوان البلاط اللي عندك
السلام عليكم لوسمحتي لوالدهان عندي فانلياوالركنه لون هافان والبلاط ابيض منقوش اخلي الستاره والسجادلون اي وهللون الركنه كويس والامفرود بقالون تاني
اعمليه قريب من لون دهان الحوائط
@@Maha_Haikal الركنه والاالستاير
@@user-ym9rk5zb3w الستاير تبقى درجه مقاربه للحوائط اواغمق شويه
اما الركنه لو متاح انك تغيري لونها
درجات الجراي تكون افضل
مع كام خداديه بلون الستاير عشان تربطي ما بينهم
❤
🙏☺️
💞❤️♥️♥️👍👍
🙏❤️