2 Òngerein - De Traogste Trökweeg LVK 2024
HTML-код
- Опубликовано: 18 окт 2024
- T leedje van 2 Òngerein geit dit jaor euver dae waeg dae desse (meistal) most loupe, asse nao eine gezellige aovendj heivers geist. Dao gebeurtj òngerweges vanalles. Loêster en geneet, dan kome wae os mèt die daag mesjien waal örges tege op de trökweeg.
De Traogste Trökweeg
Tekst/Muziek: Robbert Coenen
Tekst: Guido Peeters
Arrangement: Ronald Moonen
Opnames: Studio Difference Weert
Clip opname: RCM Studio
Tekst De Traogste Trökweeg
Intro JALALALALA LALA LALA…..
Couplet 1
Jao die trökweeg allemaol, gaeve altiêd ein verhaol
Op dae weêg maakse altiêd waal get mèt
Nao eine aovendj vôl plezeer, en de pot weer good verteerdj
Loûp ich trök van de tapkraan nao mien bèd
‘Ch Pak miene jas, en zèk gedaâg
De vraog is, kom ich thoês vandaâg
Refrein
Jao de trökweeg, geit altiêd traoger
Dae geit van leenks nao rechts, nao veur en oûch weer trök
Jao de trökweeg, geit altiêd traoger
Mèt Vastelaovendj maak ich mich dao om neet drök
Bewater nog de blome bie de bure van de prins
Of rol de streep op van de weeg zoeë wiêt as desse kins
Jao de trökweeg, geit altiêd traoger
Mörge vreug is det de snelste weeg weer trök
JALALA LALA LALA…….
Couplet 2
Plökskes minse oppe straot, kake leedjes oet de maot
De veut die zègke desse neet mieër kins
De drank dae grieptj noê ziene kans, edere stap weurtj eine dans
Doon nog ein liste rùndje bie de prins
‘Ch Pak miene jas, en zèk gedaâg
De vraog is, kom ich thoês vandaâg
Refrein:…
Brök:
As dan de wil verluusj van ’t verstandj,
En ich toch in mien bèdje bin belandj
Gelökkig ging dae trökweeg heerlijk traog
Wie ich mich mörge veul det is nog mer de vraog De vraog…..
Refrein Modelatie:…
Jao de trökweeg, geit altiêd traoger
Dae geit van leenks nao rechts, nao veur en oûch weer trök
Jao de trökweeg, geit altiêd traoger
Mèt Vastelaovendj maak ich mich dao om neet drök
Bewater nog de blome bie de bure van de prins
Of rol de streep op van de weeg zoeë wiêt as desse kins
Jao de trökweeg, geit altiêd traoger
Mörge vreug is det de snelste weeg weer trök
Mörge vreug is det de snelste weeg weer trök
Meer (nieuwe) carnavalsmuziek op www.carnavalsmuziek.com
Top, succes!