Amuriza, Oizpeko txoria! (1) (Berriz, 2024-06-15) (45'00'')

Hamaika jardun eta ahaleginetan ibilitako gizona da Xabier Amuriza, beti ere euskara eta Euskal Herria gogoan dituela. Oraingoan kopla eta bertsoz (edo bertso eta koplaz) arituko zaigu, barne muinetatik: etxeko tradizioa, haurtzaroko oroitzapenak, erreferenteak eta bertso-lagunak, estetika... Xabier Amuriza, Oizpeko txoria. Lehen bideoan, honako garai, egoera eta gaien inguruan jardungo du Xabierrek: aurkezpena, noiz eta non jaioa den; haurra zeneko bertso giroa, aitaren bertso zaletasuna; bertsozale izatetik bertsolari izaterainoko ibilbidea; koplaritza eta bertsolaritzaren artekoak; lehen bertso idatziak eta bat-bateko bertsoak eta jarriak.