Амарсанаа Хос заяа Amarsanaa Khos zaya

Шүлгийг Пүрэвжавын Гантуяа
Хөгжмийг Пунцагданзангийн Буянжаргал /СТА/
Дуучин Батсайханы Амарсанаа
ХОС ЗАЯА
Усны шувууд нь ганганаад олон нуур нь мэлмэрнээ
Уулзахын баяраар дуудаад овооны гол минь харгинаа
Хаврын салхи шиг сэвэлзээд сэтгэл догдолноо
Хайрын сайхнаар ханилсан хань минь дээ хө
Залуу сайхан наснаасаа хайр бөхөлсөн хос заяа
Замилан хорвоод ганцхан хань минь чамайгаа дуулмаараа
Халагдах цэргийн сургаар догдолж хүлээсэн хайр минь
Хайрхан давааны хөдөө ханаа шийрэлсэн голомт минь
Зуны нар шиг төөнөсөн нандин дурсамжтай
Зуун зуунаар хайрламаар хань минь дээ хө
Залуу сайхан наснаасаа хайр бөхөлсөн хос заяа
Замилан хорвоод ганцхан хань минь чамайгаа дуулмаараа
Намрын сэрүүн бороонд хамт жиндсэн итгэл минь
Нүтгийн хоёр толгод шиг хосолж амилсан зүрх минь
Өвлийн жаврыг үргээсэн үүрдийн хайр минь
Өөдлөх заяаны түшиг хань минь дээ хө
Залуу сайхан наснаасаа хайр бөхөлсөн хос заяа
Замилан хорвоод ганцхан хань минь чамайгаа дуулмаараа