🎬 破·地獄 | 劇透影評 | 年度三甲之作！極難寫的劇本 笑與淚之間來回擺盪 黃子華許冠文兩大笑匠再次合作 再次進步的衛詩雅能衝擊影后嗎？The Last Dance | 廣東話 | Sam先生
HTML-код
- Опубликовано: 16 янв 2025
- Hello 大家好 我係Sam先生
今期既劇透影評就係《破·地獄 The Last Dance》
🎁歡迎透過Payme課金，以支持小弟Channel繼續營運🔻🔻🔻
payme.hsbc/mrs...
🎬Sam先生電影吹水台+港產片關注組🍿
（立即加入公海Telegram Group
同其他電影迷一齊傾電影！而家已經有Over 1000人）💬💬🔽🔽🔽
t.me/+WBfChSLT...
#破地獄 #黃子華 #影評 #sam先生 #2024 #電影 #講電影 #movie #香港 #港產片 #podcast #廣東話影評 #導演 #許冠文 #衛詩雅 #陳茂賢 #朱栢康 #朱芸編 #林家謙 #普渡眾生 #潘耀明 #張叔平 #彭正熙 #張凱娸 #馬志威 #駱振偉 #金燕玲 #梁雍婷 #白只 #韋羅莎 #鍾雪瑩 #秦沛 #周家怡 #殯儀 #周芷慧
___________________________________________________________
工作、合作邀約講電郵：mrsamsinsan@gmail.com
👉🏼訂閱我的 RUclips：bit.ly/3icLnWp
👉🏼最緊要FOLLOW INSTAGRAM： / mrsamsinsan
👉🏼LIKE埋 FACEBOOK PAGE： / mrsamsinsan
🎖成為「Sam先生 - 電影日誌」頻道的會員並獲得獎勵！
bit.ly/2FSn5nu
___________________________________________________________
Hello大家好 ! 我是Sam先生，在這個Channel，我會不定期更新電影評論
和製作一些跟電影有關的專題影片，希望與大家討論一下電影、分享想法感受。
如果你喜歡我的影片，記得按下訂閱制和旁邊的鈴鐺，按讚和將影片分享出去。
如果你有任何問題和想討論的都可以在影片底下留言給我，It's Movie Time!
___________________________________________________________
《破·地獄 The Last Dance》
導演: 陳茂賢
編劇: 陳茂賢、鄭緯機
演員: 黃子華、許冠文、衛詩雅、朱栢康、張凱娸、馬志威、駱振偉、金燕玲、梁雍婷、白只、韋羅莎、鍾雪瑩、秦沛、周家怡、周芷慧
![BLACK BAG - Official Trailer [HD] - Only in Theaters March 14](http://i.ytimg.com/vi/Du0Xp8WX_7I/mqdefault.jpg)
昨晚終於忍唔住，背叛咗朋友，自己一個人入咗夜晚9點場，睇完散場剛剛掛咗8號波，一邊行返屋企一邊繼續喊住梳理自己嘅情緒。子華神係戲裡一句最觸動我嘅對白就係：活人都要超渡，活人都要破地獄。我嘅原生家庭都係比較傳統，爸爸高高在上，擁有絕對權威；媽媽一直比我覺得佢好偏心，偏心細佬偏心家姐，對我最冷淡。。。我一直覺得自己係最格格不入嘅家庭成員，父母關係疏離，爸爸亦冇睬我差唔多20年；直至近年，發生咗一件地獄級嘅大事，直接影響埋我往後人生嘅大事。。。我估唔到當面對大是大非之時，父母不但冇責怪我，仲要無條件去支持我，希望可以幫我渡過難關。。。我慶幸我比戲中嘅文玥好彩，我未等到父母離世已經明白到父母對我嘅愛；父母仍然健在，我仲有時間去彌補我同父母之前廿年嘅空白。。。有父母家人嘅支持，令我有勇氣去面對自己嘅＜地獄＞，同埋計劃去點樣＜破＞自己嘅＜地獄＞了。。。我仍然相信辦法總比困難多，共勉之💪🏻💪🏻💪🏻
活人都要超度 可能講咗一百年了 不是子華創的😊
😊😊＇
@@JoeTrump-s7o 係講左幾千年, 孔子講的
💪💪
你應該感到自己很幸運和幸福，祝福你能愉快和家人共度一生
我好鐘意洗頭果段，個囝一直以為老豆要佢繼承衣鉢要，點知文哥果：「佢？憑咩野繼承我。」原來係老豆見佢讀書唔成想佢學一門手藝，係老豆為左個囝著想。
然後老豆成世認同個囝既，竟然係個囝去移民，敢去反抗自己而認同個囝。
依一段簡單，但道出老豆一直最緊張既唔係傳承，而係兩個仔女，只係唔識表達。
我相信佢個囝知道會好感動。
係，我自己做咗老豆，又係有個仔，呢一段真係好中老豆個心聲
點表達緊張個女？讀白？有點low
典型傳統父親
冇錯。呢段差啲唔記得咗。真係強而有力的對話。劇本寫得好好，前後呼應，充滿訊息。
我人生，去過四次殯儀館……第一次係我阿爺阿嫲嘅喪禮，佢兩個嘅離開日子，其實只係相隔咗大概一個星期，所以喪禮就一齊搞；第二次，就係我嘅姨丈；第三次，就係我嘅舅父；至於第四次，就係今年六月，我父親嘅喪禮，由於因為我行動不便，所以本來傳統上一啲要我呢個做仔嘅去做嘅儀式，就俾咗我家姐做，不過其實，其實只要有心嘅，男仔又好女仔又好，都可以去做嗰啲儀式，唔使話好似以前咁樣，一定要跟住個傳統一定要男仔去做
Sam 先生你好, 你呢段影評我忍住唔睇, 等今日睇完返到屋企就即刻睇返. 呢套戲幾個月前已經等佢上畫, 我最多估係眼濕濕, 但估唔到有好多場景, 好多對白睇到眼淚係控制唔到咁湧出嚟. 我係過來人, 老公喺2020年10月尾因病突然往生, 死因係不明, 解剖咗都係唔知咩事, 可幸佢係佛弟子, 並唔係用道教儀式, 如果唔係我仲喊得厲害, 戲裡面一開始影住殯儀館都已經湧返起d回憶, 好多情景對白更加觸動到我, 其中一句係呢刻仲生勾勾好地地, 下一刻突然間你就再唔可以對話, 正正就發生喺我身上, 好多場景都好感觸, 原來四年真係未放底到, 你講得好好, 無一個特定嘅時間就可以放下傷痛, 係無架, 你知唔知呢句說話唔係人人都可以講得到, 呢個社會急速到唔容許你有咁長時間嘅傷痛, 其他人會對你有佢認為係合理期望嘅期望, 處理哀傷、傷痛無一個指定時間, 夠鐘你就唔可以哀傷啦, 多謝你講出呢句話, 呢個就係我嘅心聲, 自問呢4年我好努力去生活, 縱使一個人都好, 我都儘力令自己開心, 過想過嘅生活, 但對我有所謂期望嘅人, 偶爾情緒突擊, 都請你地容許我有眼淚, 我同老公由相識到拍拖、再到結婚我地相處咗足足25年, 有眼淚都好正常掛, 所以我建議, 係香港人都應該要睇呢套戲
🫂🫂🫂 傷痛雖難避免，只希望傷痛會隨時間專化為 思念、你諗起嘅唔再係分別，而係美好嘅回憶。多謝你分享你嘅故事，希望你生活安好🫡
@@mrsamsinsan謝謝你的祝福，你講得無錯呀，我都向住諗起再唔係分別、而係美好嘅回憶，我期待終有一日我可以笑住回憶返、而唔係傷心嘅眼淚❤
時間可以治癒任何傷痛，
傷癒後,從新/心起步.加油
不要強迫自己壓抑悲傷 希望妳能隨著自己嘅步伐 化悲傷為思念
一日沒有忘記對方 他仍活在妳心中
加油❤
好開心 繼有
西方嘅 “Coco”
日本嘅 禮儀師的奏鳴曲
香港都有 破。地獄
生死不由自選
但學習 尊重了解傳承和愛 就係在世人嘅課題
CO CO
真係好正、我睇到😢
值得一睇再睇
睇完呢套戲真係好有共鳴，好能夠relate到文玥嘅角色。剛剛上個月攪完爸爸嘅葬禮， 由爸爸幾年前病左，到佢臨走前兩個月不停出入醫院，媽咪每日都好辛苦咁去照顧佢，我都盡量陪爸爸覆診，去醫院探佢。我有一個哥哥，去到爸爸病情後期，因為哥哥嘅唔多理會，又唔係經常去探爸爸，我發左好大脾氣，最後去到爸爸走果日，因為某啲原因佢番唔到黎香港見佢最後一面，我都已經唔知可以講乜…細細個其實我地同爸爸關係都好好，佢都好錫我地兩兄妹，但隨著日子加上代溝問題，大家愈講愈少，一係鬧交，一係唔講野，基本上都無乜計傾。直至爸爸有病， 多左陪佢，同佢去覆診，去到後期佢落唔到床，要餵佢食野，我地先close番少少。 但最遺憾嘅，佢病情突然惡化得好快，突然之間連野都講唔到同食唔到野，第日仲走埋，佢咩都無講低就離開左我地… 戲入面文玥幸福嘅係，文哥臨終前都有寫左封信俾佢，同埋佢哥哥最後同佢破地獄嘅時候講左句‘呀哥帶住你’，呢一幕我真係喊到收唔到聲… 爸爸離開呢段時間，好多野都諗唔通，好多野都仲未釋懷到…
呢段時間能令我覺得舒服啲嘅就係陪多啲媽咪，見到佢笑，我都覺得釋懷少少，始終爸爸走左，最傷心果個一定係佢，同埋有時我估老豆嘅遺言，都係叫我地好好照顧媽咪…
同感，今日係爸爸的尾七，去咗睇呢套戲，一開場冇耐白車上急救的一場戲已經開始喊，因為當日爸爸在家暈倒冇脈搏，係我開始幫佢做急救，接住到救護員嚟到交俾佢哋，我係跟埋上白車，車上睇住佢哋幫爸爸急救，戲中嘅幾場戲，都好似個幾月前經歷嘅一樣，喊到收唔到，但又怕騷擾到其他觀眾，所以都有盡量忍住唔好喊得咁大聲😢
@@DaisyLo118 請你保重。
Sam先生分析得好好
我覺得成套戲其中一個最Touching既位係文哥封遺書
最後有一句係解釋左文玥個名既意思
果個位真係直接Trigger到淚線爆發
成套戲我最難忘係呢一Part
文的珍寶
這是一套超厲害嘅電影，陳茂賢嘗試藉著電影拯救歷代嘅華人同經歷過呢幾年嘅香港人。最後嗰兩封信比《The Bucket List》裡面嗰封仲勁。謝謝陳茂賢、黃子華和許冠文。感謝香港電影。
「有機會來到這個世界已經賺了，何必介懷甚麼時候下車，不如好好欣賞沿途的風景。」
你都要當自己是寶❤️
喊到隻眼好攰😢好震撼
睇完成晚都未平復到心情😢
多謝你地俾我一部咁正的電影❤
每一個演員都做得超級好
也感謝家謙的歌治癒了我
好好活着，在落車前
好好去愛，多珍惜身邊人
都想睇多幾次
大家多多支持香港電影❤
32:11 32:11 32:11 32:11 32:11 32:11 32:11 32:11 32:11 32:11 32:11 32:11 32:11 32:11
個個睇完唔想走，聽埋首歌先走，真係一部好好好好好的港產片誠，希望佢會有好好的成績。
是的，我認為此片是許冠文一生的代表作。我最喜歡片子寫的父女情。女兒直接問他為甚麼不給她承傳，許顧左右而言他，原來是埋下伏筆。後來卻通過黃子華說出心中話，也承認自己的性格問題和不懂和子女溝通。全院觀眾同聲一哭也。全世界八成以上的父母都都不懂同子女溝通呀，都有意冇意傷害了子女的感情! 這段戲觀眾又怎會沒有共鳴呢？
許冠文能弄笑也能弄哭觀眾!他好有機會下屆再拿最佳男主角獎的。同樣，衛詩雅的演出也perfect。觀眾愛死她了。
全是導演真情實感的制作，中間串插的小故事明顯是真實cases。資料收集一流。
一個《真》字足以直搗黃龍!
最好的電影,就是能夠啟發觀眾的思考, 未必是一些驚天動地的故事, 乃是讓我們與生命產生一點觸碰！ sam先生, 很喜歡最後你所說的一段, 不是電影評論, 乃是電影怎樣觸碰到你
因此不再喜歡90年代大片的方式了，已經out。。。喜歡近年年輕導演們有故事性的創作，貼地一點。
《破。地獄》，唔敢講係2024年最佳電影，但必定係我自己最喜歡嘅電影（咦，12月5日又有《爸爸》啵）。如果未睇嘅朋友，誠意向大家推薦；已經睇咗嘅朋友，呢個星期正式上映，同樣歡迎各位再去二刷，睇多次呢套好戲。
「破地獄」呢種題材，好容易會從獵奇式眼光去拍攝。呢套電影其中一個最好嘅地方，就係導演用一種好寫實好真誠嘅角度對待去處理生死、傳統、人情、家庭等等等等嘅問題。「破地獄」喺套戲度唔係為賣座嘅噱頭，而係深具象徵意義嘅題目－－而且，陳導呢次處理得好好。
套戲個故事結構完全唔係啲咩奇情曲折，搞鬼探奇嘅情節，反而用文哥一家貫串，之間穿插幾個有關殯儀嘅小故事，反映香港殯儀、華人傳統，同埋對生死嘅反思。劇本好扎實，人物性格好突出，就好似蓮姐（金燕玲）嘅一節，簡單四幕已經講完晒佢同文玥嘅故事。蓮姐嘅性格、佢同文玥嘅關係，都已經好完整。所以我又唔會覺得需要加多啲戲份，而家咁處理反而簡潔有力。文哥由之前非常hello（即係好友善，人人同佢say hello呀），到認識道生，從一個老行尊嘅角度，側面見識呢個新手嘅成長，後來反而影響咗自己對生死、傳統同家庭嘅睇法，成為咗忘年之交，到最後更可以話係生命中重要嘅人。最後文哥將自己嘅小鐵盒交畀道生，就明顯有傳授衣缽嘅意味。當然，文哥一家文哥、大佬同文玥，仲有大嫂同侄兒一家五口，導演都用細緻嘅筆觸將成家人嘅矛盾衝突，同埋向人嘅感情都寫到出嚟，可以話，成家人，無一個係壞人，佢哋全部都只係簡簡單單嘅普通人。
演出方面，唔洗講，全部都交足功課。MVP之一，女主角衞詩雅，十六年磨一劍，到而家終於到收成期。上年嘅《不日成婚2》已經有亮眼演出，到呢次《破地獄》更加係代表作之一。睇佢同老拍檔金燕玲做嘅一對近乎母女嘅朋友關係，嗰種駕輕就熟同用眼神、肢體語言交戲，已經值得一讚。幾幕佢同好戲之人文哥、大佬嘅交鋒，喺許冠文同朱柏康之前，毫不遜色。今年金像獎女主角，佢必然值得一席位，但面對《我談的那場戀愛》嘅吳君如同《從今以後》嘅區嘉雯，應該係一場硬仗。
Hello文哥許冠文，仲有咩好講？一舉手一投腳，通通都係戲味。許冠文同秦沛呢類老戲骨，完全展現咩叫同角色融而為一。佢哋就係做返個角色出嚟。Hello文哥係個令人又愛又恨嘅角色，佢嘅立體、多面，喺許冠文演繹之下表露無遺。可以講，成張飛一百蚊，你齋睇佢嘅演出已經賺晒有突。
朱柏康，近年專業仆街戶，由《但願人長久》嘅道友叔叔，到《九龍城寨》掟自己女人落街嘅又係道友。佢係一個人人都知佢好戲嘅戲精，而呢次演嘅大佬，絕對可以畀佢充分發揮。睇完成套戲，你代入佢個角色，就完全唔會嬲佢，反而理解佢點解要咁做。喺佢自定義嘅屋企裡面，佢完全可以話係個好老公同好老豆。而且，佢對自己老豆文哥同阿妹文玥，其實有好深厚嘅感情。朱柏康就係可以演得出呢個角色嘅複雜。
而黃子華，係，我係子華神鐵粉，所以先講總結：我喜歡子華喺呢套戲嘅表現。好多人對子華演戲嘅意見甚至指責，我會理解為：呢個係佢演戲嘅風格。如果覺得子華演戲唔得嘅朋友，歡迎去睇佢《非常公民》飾演溥儀嘅表現，再返嚟討論。當然，喺套戲度佢嘅表現係及唔上許冠文同衞詩雅咁亮眼，但絕對交到功課，做足本份。一個落魄嘅中年婚禮規劃師，走投無路到要發死人財，由對殯儀唔上心，到交個心出嚟畀先人同家屬，道生嗰種人到中年練成嘅人生智慧，同埋對死者家屬嘅溫柔細膩，子華其實都已經演到出嚟。未必好奪目精彩，但睇得好舒服。
最後想讚吓套戲嘅美術。一開始就畀呢套戲嘅國際版海報（即係許冠文著道袍破地獄嗰幕）深深吸引，好多場場面設計好靚，就如東華義莊同紅磡夜景，都拍得好有美感，最重要係切合主題同營造氣氛，令成套戲提升一個層次。
再次誠意向大家推薦《破地獄》，優質港產電影，絕對值得支持。
衛詩雅最深刻個場戲係：一家人食飯時，俾文哥知道左大佬受洗。文玥出聲同大佬鬧交。但文哥拍枱反而係叫文玥收聲。
衛詩雅個反應：我幫緊你，你仲係度鬧返我？望住佢老豆表情，個委屈，真係一絕。感覺到佢身為女，佢受氣個種感覺。
亦覺得舖排得好好，正常係要鬧大哥，但重男輕女咁樣偏幫個仔個種心情。好好
Agree
呢一幕我仲有多一個理解係文哥已經漸漸接受左，比以前變得思想開放左，所以先叫文玥收聲，而文玥既角度睇就係重男輕女
@@cheungtoffee3379 我覺得佢係好嬲，但真係唔想嘈，再嘈下去，只會家嘈屋閉............... 佢想極力維持依個屋企，但又走不出傳統既枷鎖，內心係好愛錫兩個仔女，依個係 LAST 果封信，係有呼應
老人家唔想嘈，阿女同阿仔大吵更加唔想，雖然好嬲，嬲到無心情食飯
老人家唔想嘈，阿女同阿仔大吵更加唔想，雖然好嬲，嬲到無心情食飯
兩位耀眼的主角並沒有搶了其他年輕演員的表演，觀衆好像海綿慢慢吸收戱裏傳來訊息感覺上好舒服❤❤❤
謝謝您的分析。
一開始，意識到《破·地獄》是用極簡風格來處理，
也覺得編劇十分強捍，
因那是一種觀眾較不習慣且較難表現的風格。
但它不只極簡，且在看的過程和看完後，
都能感受到強烈的真實與情感。
這幾天，也是嘗試想解析，
原本只大概分析出，真實可能源於「對現實的特意模彷」，
不論是道生莫名被丟到故事中、世界中的狀態，
或是文哥一家問題，最後非戲劇性地解決問題，而是淡淡地透過一封信來釋懷，
都像極了現實的真實狀況。
強烈情感的部份，則是一直想不太通，
雖配樂的渲染力很強，但效果應不至於這麼強，
看完您的分析後，才知選材和演員們的演技，影響應不小。
仔細想想，不論是道生、文哥一家、白事客戶的三則故事，
確實都是情感複雜且較濃烈的故事。
而文哥一家的互動，確實也具象化了「人與人間隔一道牆」這件事。
準備下星期三。。。我爸爸尾七去睇。 近來幾年都因為爸爸的唔上心，求其是但，而引起家人的爭執。在佢離開前一個星期，我先有個好不孝嘅想法：如果你入醫院，我唔會想去醫院照顧你（冇講出口）。 點知冇幾多日後，響我早上起身，發現佢響廁所昏迷。。。call白車後唔夠半個鐘就走了。
我好鐘意電影，但呢套戲先諗起，我地未有一齊睇過戲 （爸爸好慳，咩都唔捨得洗，就算佢退休呢廿年，有錢可以洗，都唔捨得洗） 。。。佢有心臟病，糖尿病，可恨就係我地唔俾佢食佢鐘意食嘅野。 。。但而家，一切都冇得追返黎了😢
😢🫂
@@crazybow00🙏
其實許冠文呢個角色真係好傳統嘅華人老豆，乜嘢都唔同個女講，收收埋埋，等到臨死先寫封遺書出嚟，最後用子華神金句收尾，人生在世，有乜嘢下車前講咗先，香港傳統華人社會真係好撚Kam
劇本真係好有心，導演將好多訊息慢慢咁係唔同場口度漏出黎，後勁嘅情緒牽動好大，需要消化！
淚中有笑~ 同人生一樣，百般滋味
破地獄是港產片有史以來數一數二最好的劇情片。睇完後我覺得就如子華所講- 唔止死人，生人都要破地獄。
呢套片好勁、以前鬼片週街都拍、但呢類題材片實在難見、題材又吸引非常多觀眾嚟睇、現在新一代已百無禁忌、每個人都必經生老病、到尾就面對死忙、所以此片實有吸引及好奇之處、該赞
@@tzelam1913 老中青都可以獲得有啟示
昨晚睇呢套戲，鍾意到不得了，但唔知點樣表達我對呢套戲好多不同方面既欣賞。見到你channel有解析即刻黎睇，句句中point，將我內心說話講曬出黎，好多謝你，有種我自己都被理解既感覺。多謝你！繼續支持你channel！🎉
多謝支持！🫶🏻🩵
@@enzoz2559 me too 👍
能感動到人、帶來共鳴的，就是好電影。 Sam先生, 多謝你為大家帶來這份影評。
多謝你🙏🏻 支持
我覺得最爆個句係朱康個句，嚟！丫哥帶你，兩兄妹破冰，一齊為老豆破地獄呢下！燃爆！連啲眼淚都係熱㗎！😢
若把生命視為結束.視為完結、終點。
自然少不了傷感.
若把生命終結視為轉化.地上的一段旅程稍息.繼續會有新的旅途.
死亡只是一個破引號.
而不是句號。
好期待
上次睇毒舌大狀，就已經覺得頂級笑匠去處理正劇，係效果可以好好
最驚喜既係衛詩雅。第一次認真去認佢個樣。以前只屬於知道有這個人他的作品應該算有所耳聞，但總不認得他這個人。今天看完這電影感覺看到衛詩雅的臉了。
全部演員都做得好好👍我睇到上字幕亮燈先起身離場👏
多謝sam先生，非常非常認同你嘅分析。好多點我同你都有同感，破地獄絕對係今年，甚至乎呢幾年最佳嘅電影（起碼我認為）
這套電影令我想起很多年前睇過的一套日本電影，禮儀師的奏鳴曲，我由頭喊到落尾，而這一套破·地獄，我非常同意你的講法，很溫柔但同樣是一部很有力量，令我印象深刻、有很多反思的電影，非常感謝你的評論，尤其是係最後一段補錄的真情剖白
我真係有親人，女兒好孝順，媽媽去世了，女兒為了母親做咗一場破地獄！
我好期待睇電影🎬破地獄！應該比我親友母親的破地獄更加精彩🎉🎉💜華神
文玥由文哥改口叫阿爸, 就知道她一早無再生氣, 呢套戲每個角色都做得好好...好耐未試過睇2個幾鐘嘅戲仲想繼續睇, 呢套令人投入角色反思人生, 對將來有另一番體會, 絕對值得入場支持！
由於先人的離世我要處理他們的身後事,因而接觸到有關殯儀行業的事宜,聽完你的觀後感令我感觸良多,與先人的情感及回憶,這套電影一定要捧場。
多謝！
感謝🙏🏻支持！🩵🩵🩵🫶🏻🫶🏻🫶🏻🫡🫡🫡
這套電影有好多面向，有不同的情節讓人反思、沉澱及釋懷❤⋯⋯不催淚，但會令人流淚的電影。感謝Sam先生的分享。What a great and inspirational movie❤👍🏼
20:50 梁雍婷真係天才演員，兩場戲已經足夠令人留低深刻印象。
韋羅莎 👍 梁雍婷那一段才是我開始淚目非常感動她的演出，將觀眾的思緒緊扣著 ，那一份傷痛如此無助卻又得到釋懷，Sam 先生你説得對：無野可講 👏👏👏
@@林木-x2r 羅麗涉望見兒子背脊流水腐爛的表情好震憾。她真的是好戲之人。她應攞最佳配角。朱𢫦康亦演得入型人格，今次演員超曬班🙏👍👍
@MarshSTH4x2023 非常同意！ 兩位好演員 👍
她不需太多言語卻萬語千言 👍有無睇過多年前她演的 南亞裔人士見工記@潮性辦公室，可從 utube 睇到
@@林木-x2r有。超好笑
@MarshSTH4x2023 韋羅莎 勁 👍👏👏👏
笑中有淚好感動 🧡 👏👏👏
@@MarshSTH4x2023同意！梁雍婷嗰段尤其深刻感人，令我諗起《斷背山》，短短一段戲已經搞到我差啲忍唔住 🥹
成套戲最突兀個地方係道生突然之間肯去學著衫同去同先人發妝， 我明白佢係會轉變， 但轉得有啲快。 其他都寫得好好， 非常之精彩既電影
Thanks!
喜歡你片尾真誠感性深情嘅分享，欣賞👍🏼
聽到最後Sam 先生講到想喊，我都覺得好感觸
六年走了至親共8位，身同感受
我爸爸係今年過身, 雖然沒有電影入面嘅情節, 其實都係想代表隊在生嘅人多啲關懷和照顧， 我都未仲有用 勇氣 睇返爸爸生前嘅相， 希望時間可以沖淡一切
🫂
加油
@@kelvin912 可能你看完可以釋懷
Sam先生，感謝你精彩分析！
朱栢康：最佳男配角👍
面對：父親、妹妹、妻兒、自己、道生⋯⋯
各個面向都演得出色
情感收放自如👍
編導演俱佳嘅一部電影, 看後感受良多...最後, 還有配樂、主題曲, 令觀眾更投入戲中嘅情節
要先有愛，才會生恨。對陌生人嘅恨，最後只會剩低事件嘅記憶。
所以當憎恨嘅人離世，怨恨好多時都會無左。
師兄高見😢
同意。睇到文玥好心酸刺痛感覺👍真係演活得非常好❤
近年我阿婆同我阿媽分別過身，當然阿媽會傷心D，因為見證住佢不斷出入醫院，到最後熄燈果下。跟住為佢準備後事，睇番同佢嘅合照就真係喊到收唔到聲
你要保重身體喔。😢
@catng1040 thanks
我也好想念我妈。😢
@@chenkeong8598 佢過身呢年我夢見過佢幾次
雖然劇情都好明顯地鋪排最後係會死 阿女會做破地獄
但到結局個封信 兩兄妹同心破地獄 個畫面配合起黎
個力量真係好大 好激動 好精彩
感謝Sam先生推薦今個星期正正會睇呢部戲 題材好吸引
整套戲充滿人生哲理，值得看！
10/10 呢套戲滿分
sam先生..衛詩雅戲份雖要唔係由頭帶到尾..今次脫胎換骨演出.佢救唔返蓮姐嗰一幕，眼神個種空洞，無助，係好觸動到觀眾內心。👍👍👍👍👍
最後一場, 她的每個眼神表情都是令人有感受. 我每次看, 都會被她聽到文叔的意願那個震驚的眼神而感動
金像獎女主角比君如.半退休.幫唔到影圈.比Michelle..一定影圈博殺多10年8年👍話唔定令佢企隱女主角分別
不論電影或劇集，總感覺黃子華 overpowered 他的角色，但這與劉先生的演自己有所不同，不是演得不好，或者角色沒有太大發揮所致。反而多年前他演溥儀，演技令人驚艷... 期待他往後的作品。
我相當有同感，黃子華當年演溥儀，超越其他演員 （外國，大陸）。
好認同評子華神嘅分析, 另外好鍾意條補錄片, 唔係淨技術(劇本)分析, 仲有人性化嘅感受先重要👍👍
Thanks
我最欣賞除了套戲中每種情感的流動之外，最感動的是當中的角色願意幫助別人，文哥即使反對將屍體放義莊，但願意幫手處理屍體；子華願意比蘇小姐陪伴侶最後一程，還送了一條骨灰頸鏈；最後子華幫兩兄妹爭取破地獄；我都試過係街上收到好多陌生人的善意，好似最後所講，既然來到，就享受生活，欣賞呢個世界的美好❤
年輕時我以為子華神係只會演喜劇嘅。例如男親女愛！後來而家成熟咗個人生觀覺得子華神，演技都好鮮明好獨立地去演感性嘅角色，反為，我接受唔到一般人好主觀，咁認為佢同周星馳一樣是喜劇演員！周先生完全冇一種氣質可以同子華哥比😊
講解得非常好，多謝分享，雖然之前睇完黃子華同許冠文先生嘅訪問已經急不及待想睇，可惜仲未上映，但一定會買飛入場
睇完套戲，立即睇你條片，呢套戲，入面每一個角色，都感受到有用心，而且係會令你睇完之後keep 住個種的feel ,係值得睇多幾次，再去令觀眾諗下自己人生❤❤希望香港多d 有意義貼地的戲比全世界欣賞
主題曲都係癲，睇完聽，真係又係會眼濕濕，快d 又去買飛❤
@@icewatermelonisnice 我覺得每個人看完會些得著、釋懷或放下一些東西
很多東西想說，好好及值得深思的一套好片
我也很喜歡秦沛在喪禮嗰場
今朝睇咗早場
提議睇多過一次， 因“人生”的確需要細味的……
講套戲：Main cast 做得好就不在話下； side cast亦可算好有表現嘅機會。 其中梁雍婷＆ Rosa 都非常好睇； Rosa 嘅角色更是如度身訂做， 個人認為 Rosa 發揮得比喺年少日記更好👍
好推介第一次睇時睇電影本身； 第2次睇時去代入同感受 生命中唔同嘅經歷過。
及希望觀眾好似電影尾嗰幕： 黑箱車往要去嘅地方， 紅色車往另一方向走向出路。
睇早場，隻眼會腫一整天😢
@@susanyik9178 話前一晚飲太多水+唔夠瞓😂😂
記得家父出殯當日, 長子的我跟靈車, 往火葬場的道路上, 可以途經屋企, 特別要求司機行途經屋企的路線, 人情就係甘簡單...
家父離開後有一段時間, 同家母關係好差... 而家破左在生的地獄...
宗教儀式係安慰在生者重要的一環... 情緒舒緩係需要的...
期待看的電影 🎉
我係上年經歷親人猝死嘅
以為自己入場會喊死 結果都無 （但我唔認為係用喊成點去JUDGE套戲嘅 尤其呢套）
二刷完 再深深明白邊D野對於我黎講可能係更重要
關於生死 我好細個就開始經歷唔同嘅親人、舊同事、朋友離世
今次離開嘅親人 同佢好多恩怨情愁
但原來人走左 先知原來都會好傷心難過
然後我都係最後道別嘅時候同佢講
“我原諒左你喇 我地就係度道別 大家都放開 放過大家啦”
或者 上天覺得係時候比我地了斷呢段親情 等大家都可以重新上路
個人覺得 無論離世嘅先人係邊個 喪失都係一個好需要時間處理疏理嘅課題
死亡係任何人逃唔過嘅
有日真係兜口兜面係你面前嘅時候 你就會明 ...
其實講所有野都無用 亦都比較 唔係“都半年啦 都九個月啦" 話無事就無事
唯有時間 等時間過 等時間慢慢過 等時間慢慢慢慢過
希望所有喪親嘅人 都會搵到相對可以釋懷嘅時空 然後從中有所得著 （我相信經歷完係真係對生死有唔同睇法 做人或多或少都會唔同左）
呢套戲我應該會繼續三/四刷 希望有機會睇到Director's cut！
另外 再要讚下SAM先生D稿！！！RESPECT！加油！！！會繼續道尼支持！
除了讓我想到很多人生的人和事，與家人的關係之外，同時我們華人社會都很容易受傳統思想去困住，喃嘸點解女唔可以做？都會讓我思考從小父母講嘅「唔可以」，又或者係「老師話」，我哋好多時會選擇順從，但從未思考點解唔可以。。。
非常非常認同你嘅影評。特別係用溫柔呢二個字。
好感人是許冠文兩句對白
1,女人不能破地獄，因破壞祖師爺發力否定女兒,但他也表白了他的錯,因他也沒有考究過。
2. 文玥,玥是寶貝,是文哥心中的寶貝。聽完之後.眼淚不禁流下來。
老實講 好似喺高人cine嘅高人咁講
呢套戲係好睇 但hit唔到我
我覺得好睇還好睇但去唔到個個吹奏果個程度
有幾樣野真心扣分
首先角色上 道生嘅角色轉變太快 快到係唔太make sense😂佢幫小朋友搞完義莊壇野之後俾文哥屌鳩佢唔係幫緊佢係累左佢，跟住佢就一下子明左自己嘅問題？以佢個角色由wedding planner轉行 所有野以生意以客戶為先 就咁俾個老屎忽話一句佢就get到？？
另外佢個角色第二次轉變就係看待新生命，上一幕就好嚴肅地探討新生命喺而家呢個社會面對嘅難處 驚累左佢而唔想生，但轉頭幫文哥搞完身後事見佢地一家和解就突然睇通左話呢個係上天嘅禮物 個小朋友有緣份先會黎到呢個世界 好啦 我肯生喇😂完全get唔到係咩事😂 上一幕周家怡都已經同你講可能係最後機會黎
跟住就到演員果part，啫係黃子華，套戲學高人話齋仍然好有子華神個vibe但呢個vibe係唔啱擺喺呢套戲到，就講最後文哥靈堂果幕，佢咁大條道理咁話番其他喃嘸師傅守舊，呢段佢個演繹太過黃子華，成個毒舌大狀上身咁，完全扣分😅
再講，呢一幕真係寫得唔太好，如果文哥遺書一早係講左由兩兄妹跳last dance咁道生做咩仲請三個喃嘸佬黎跳？就係為左喺現場屌鳩佢地？呢一幕有d唔make sense佢大條道理屌鳩完人先話：我都唔知你地嘈乜，呢個係文哥遺願！
做殯儀如果真係做到佢咁就好大鑊😂
呢一幕應該要改一改：
一開波道生就讀文哥遺願，要兄妹一齊破地獄，跟住在場嘅人先有少少起哄或者竊竊私語，然後道生先再溫和少少講下女唔女人果個道理
咁樣會好過而家，至少make sense d
最後真係feel到導演太大貪 想講好多但就搞到樣樣都講得唔多
紅事vs白事 傳統vs創新 生vs死 活人vs先人 父女父子情
佢好多野想講 呢d野都好值得深入講 但講唔曬.....
不過有d位都真係處理得好 例如係文哥一家，果到真係感動
整體黎講，係好睇 10分有7分果隻但未去到個個吹奏到咁😅
哩個係電影，唔係電視劇。礙於篇幅問題，已經算清楚簡潔啦。
@LBMinaLBMina 上一幕仲話生小朋友多野concern所以唔生，下兩幕經歷左文哥嘅身後事突然又話可以生，會唔會太簡潔？
@@tomsze123 好似話完本嘅結尾係墮胎，不過後來覺得太灰暗就改咗😂雖然略嫌倉促，但係佢都有用對白將邏輯講返清楚，算係有交代啦（當然，我個人認為女朋友懷孕果part係可以完全剪咗佢）。
昨天剛剛看了這電影❗️故事內容非常好👍‼️很有深度❗️講述人與人之間，不論是朋友之間，家庭之間的矛盾關係⁉️
今年最佳電影❤
感謝分享
加油
多謝你對電影的分析 很期待台灣可以有機會上畫 Thanks
好喜歡你把聲. 聽得很舒服.
呢套野真係好正 hello文係呢套劇嘅靈魂
鍾意你後加個人分享的片段, 這是其他影評所沒有的，希望你往後做多的個人分享，大家加油!
我個人而言反而覺得臨尾既「個人感受」唔知想表達啲乜。可能始終太年輕、未真係形容出生離死別既複雜感受。但都多謝主持努力嘗試。
@@GTO.007 本人雖未看此片, 但感得這是主持看了這齣戲後, 感到導演在片內對生離死別有不同的看法。主持發現自己也參加了3次喪禮, 但感覺卻不同，亦以這些感受來回應導演陳茂賢
最後阿哥同阿妹嘅交流 真係破防
今日喺紐約睇完 好難得爆場 前三排最近銀幕都滿座 之前睇毒舌&迴廊都係得十令人入場
英文名才是更貼切。三代都應睇的戲。絕對值得入場看的一部戲而不是因黃子華效應而要支持的港產片🙏
兩巨匠肯定是票房助力保証。《破.地獄》絕對是2024必入戲院觀賞電影團隊出色作品。
欣賞。
Applaud!
Nov 11,24
原來突然間諗起,黃子華犀利呀：“破-地獄”；原來佢係“傳承”：不斷變革🍾🥂
thanks for yr sharing & comment
比起電影，我認為佢更適合拍成電視劇。每集單元唔同客人咁播出，主線道生同文哥家庭。拍成電影的話水準就只有港台兩小時單元劇的質素
尋晚終於睇左，今日先敢入黎睇
優先場已看了、明白道生對周家怡懷有BB的看法，父親年齡跟我相差差不多50年，在懂事的年齡，我心裡疑問，為什麼在這年紀才生，當時廿歲出頭的我面對很多同年朋友很少遇到的事情，面對家庭出狀況一切感到很乏力，我們沒有選擇出生，但自己一出生要背負著家庭責任。生於傳統原生家庭，我沒有繼續家庭的傳統行業、身為女兒的我從小跟家人疏離，跟文玥一樣，我從來沒有在父親前叫一聲「爸」，他從未有叫我「女」、通常是直呼其名、碰面從來不多說話，疫情前，父親中了風，失去了自理能力，重擔落了我身上，看到文玥在文哥中風後的照料，相處，完全一樣，眼淚緩緩落下。看完破·地獄，我說不出話來，情緒一直被縈繞著，兩星期後的今日，我買了票，帶媽媽看這戲，看完不同的分析在用另一個感受去看這套戲。希望令自己釋懷。
GREAT Insight , good job done
呢兩日睇完套戲終於可以睇到影評，而且我仲要連續兩日都買左飛睇❤兩次都睇到我喊😢有番一定人生閱歷的人會更大感觸，人生對我來說的確很多時都很艱辛，不過提醒左我沿途都有好多美景🎉當然道理人人都明，唔洗睇戲都會知，但要將呢個道理好適當地表達到出黎係唔容易
另外，一邊聽一邊睇晒所有留言，發覺有啲人都幾無素質，唔鐘意可以skip，但有啲說話都幾難聽😅甚至乎睇都未睇過就比啲更負面評論真係得啖笑
死亡係人生嘅終點， 本身不值得悲傷， 悲傷的只是人與人之間的連繫要結束， 係人給予對逝者嘅一種思念， 對存在同消失之間嘅比較帶來嘅惋惜。
呢個睇法好理性， 好淺白， 了解還了解， 最後還是經過體會去學懂。呢套戲帶領住觀眾去體會同埋思考， 不斷咁樣直接面對死亡。
曾經面對至親嘅遺體，我自己都有種複雜嘅情緒， 電影有好細緻咁刻畫， 嗰種平淡瀟瑟空虛嘅感覺。當時思考返逝者可有活得更長嘅方法嗎？點解最終都咁樣完結嘅時候， 又為何要開始呢？電影最後還是給觀眾一個答案， 就是要珍惜。
忍唔住講；你正面都好靚仔，唔使淨係影側臉嫁😂
每個人對死亡都有自己看法!真惜現在!活在當下!
Agree.
Well-expressed.
睇完覺得呢套戲其實最想帶出既就係破地獄或者係葬禮呢件事上面，最重要既或者主角可能真係唔係超渡死人，反而係比生人一個出口，然後第朝訓醒重新開始…
本人在十幾年前母親嘅喪禮中有此感悟。
最近一次去殯儀館喺我好朋友既太太因為癌症離開左人世，雖然身前冇乜點見面，所謂緣份，如果當日係沒有見過她，她也不是我好朋友太太，可以當係一個媒人撮合。當知道佢離開左之後，其實心裡面都有好多野同希望可以幫到佢，所以殯儀館到火葬場之後去上位嘅地方，一路都陪住佢同我嘅好朋友，生老病死必然定律，珍惜眼前人。我老豆都走左，喺疫情前癌症再加心臟衰竭，離開左雖然只係醫院個度搞葬禮，最得意我當時係冇喊過，直至火葬場我目送棺材進入火化，之後我就喊得好勁，差不多4個小時，唔知點解，直到現在睇完破地獄同你講解，我又不自覺地喊左。
情緒出口有時候都要「破」才會出來，當年因為紅事撞白事，我冇去到我大伯嘅喪禮，其實有時候都會諗，如果佢仲喺度，應該會好錫我個仔，不過世事就係咁，緣份出現就抓緊佢，每次都做好自己就可以了
我跟你同样感受，我爸爸今年过身，直到跟他办理火葬手续那一刻，我也哭了
謝謝講解分析。
分享一點，若文哥在遺書上寫得無咁直白，例如唔提「我愛妳」 （佢本身人格亦唔似會講呢3個字嘅老一輩），只係講希望文玥幫佢破地獄，可能來得更好。
我自己就覺得做人其實好有趣，可能我地香港人特別有趣。香港人生活忙碌、工作忙碌、返學忙碌、應酬忙碌、旅行忙碌，真係能給予自己時間，反思人生又有多少。我自己就每每係出席完殯儀館儀式，行番上紅磡火車站嘅斜路時，才頓然反思，人生為何？金錢為何？反問忙碌甚麼？
但，瞓醒一覺後，又總是把呢啲反思忘記得一乾二淨，繼續我地嘅忙碌。當再有機會去行走呢條斜路時，又再反思人生，不停輪迴於忙碌與反思之間。
祝願大家早日破·各人自己嘅地獄，亦破·不斷輪迴嘅人生～
同意👍🏻 我覺得嗰個位係套戲嘅小瑕疵之一，另一個講得太白嘅位係黃子華結尾嘅 VO～ 不過瑕不掩瑜，成套戲好好，已經值90分
繼無間道後，另一佳作⋯⋯bravos
多謝你,令我再加深認識這套戲嘅情感
多謝 Sam 先生分享
電影很精彩
但個人認為最後兄妹相擁的道歉那一幕其實可以省卻
一切已經在「阿哥帶你」同文玥破地獄當中不言而喻
溝通- Hello文比人改花名因為對傳統的尊重與執著又唔識與行家溝通。
與子女亦唔識得表達，亦表現於忽略生人嘅感受上。 文哥有自知之明，希望文斌可以「文又得武又得」，可以繼承衣缽，亦懂得與人溝通。
「法力」
文哥對法力嘅執著，除左傳統之外，其實亦有希望為死者做好事嘅心理，亦同時表達於叫殷小姐做癲婆但亦為死者辦事一事上。同時亦顯示文哥嘅對傳統或者前人嘅教導欠缺自己嘅思考，但係遺書中可以了解文哥對此有所思考亦破除自己的「地獄」。
講解得好好，香港好少講生死課題嘅電影！係一套好有心嘅作品，係好睇嘅！但係如果生死課題嘅電影我首推韓國電影（8月照相館) 呢套係我個人認為人生必睇嘅電影其中之一！ 都好希望你有機會講解下呢套韓國電影😊
最後嘅感受個part好正 相信你嘅聽眾好中意睇到你personal人生嘅感受