Oyun-Erdene -Hairaar duuren amidraasai (Official Music Video)

Шүлэг М.Цэрэнтогтох /СТА/
Аялгуу Ц.Ачит /БТА/
Дуучин:Энхбаатарын Оюун-Эрдэнэ
ХАЙРААР ДҮҮРЭН АМЬДРААСАЙ
Хураар угаасан цэцэг шиг сэтгэл бүхэн дэлбээлээсэй
Хуурын уяхан дэргээнд нь үйлс заяа нь дээшлээсэй
Хайрын тунгалаг харцаар үргэлж гэрэлтэн мишээгээсэй
Хамгийн сайхан ерөөл зүг зүгтэй дэлгэрээсэй
Ай даа хүн бүхэн хайраар дүүрэн амьдраасай
Ээ дээ хүсэл мөрөөдөл нь дандаа биелээсэй
Ааруул дэлгээд ээж минь эрүүл энх жаргаасай
Аагтай өтгөн цайг нь мөнхөд хүү нь уугаасай
Адуугаа оторлоод аав минь уртын дуу шигээ наслаасай
Айлын гадаа уяан дээр аргамаг хүлэг нь эвшээгээсэй
Ай даа хүн бүхэн хайраар дүүрэн амьдраасай
Ээ дээ хүсэл мөрөөдөл нь дандаа биелээсэй
Андын сайхан итгэлээр ундарч нэгнээ түшээсэй
Амраг хайртай хосууд нь жаргалаар бялхан дуулаасай
Алдрай хөөрхөн үрсүүд нь инээдээр цалгин өсөөсэй
Амьдран туулах хорвоо минь хайр тэврэн эргээсэй
Ай даа хүн бүхэн хайраар дүүрэн амьдраасай
Ээ дээ хүсэл мөрөөдөл нь дандаа биелээсэй