ضيدان بن قضعان - اهيض العبرات || تصميم كبرياء يامي
HTML-код
- Опубликовано: 5 сен 2024
- Mpَ3 :
d.top4top.net/m...
Snap : Qxi22
iNsta : Qxi22
على عيد انكساري في غرامك قبل تسع سنيـن
تذكرتـك وقـلـت اكلـمـك والنـيـه النـيـه
الو لبيه يا اغلى من ذبحني قبـل عـام الفيـن
ومـت ولا حييـت الا علـى ذكـره وطـاريـه
احبك وين ما سجت عيوني في الزمـان الزيـن
وسججنـي زمـان اللـي متاهـاتـه خيالـيـه
ولا سجيت عن آخـر لقـى عطـارة البحريـن
ودهـن العـود واشيـاء الشيـوخ الارجوازيـه
رعى الله كل يوم مرنـا مـا قبـل ذاك الحيـن
علـى زمـة صبـا الايـام والاحـلام ورديـه
يوم انك تستحي لا تذكر ان عمرك وصل عشرين
وانا ما طاب لي الا ما ورى العشريـن بشويـه
يا حلـو احلامنـا ومراهقتنـا والبلـى بعديـن
كشفنـا ضحكـة اول حلمنـا ودمـوع تالـيـه
ولكن مـا ندمنـا ليـه ؟ لان العالـم الحلويـن
يعيشـون الغـلا وفـق القوانيـن السعـوديـه
عفى الله عن ملذات الهوى والعشق والتخميـن
وسجـات الغـرام ولــذة الـحـب الحقيـقـة
فديتك يوم تاخذني على كيفـك ولا ادري ويـن
معك من وين ما ذعـذع هـواك ومالـت الفيـه
غدينا كنك الشاعر وانـا واحـد مـن الغاويـن
نهيـم بـكـل واد مــن العلـيـا للعزيـزيـة
وبعد ما فاتنا ركب الحياة وشفت شـوف العيـن
مسـارات الطريـق والاتجاهـات المصيـريـة
عرفت ان كل شي لهـا نهايـة والنيـا والبيـن
مصير الشاعـر اللـي خانـت اوزانـه قوافيـه
خلاص اعزم على الفرقى ولا لك في رقبتي دين
تـرى حنـا تعدينـا الخـطـوط الاستوائـيـة
تفاهمنا علـى حسـم الامـور وكلنـا راضيـن
وتوادعنـا مـا كـن قلوبنـا خضـر وهواويـه
ومع هذا عجزت اسج وانسى واتـرك المقفيـن
اغصـب القلـب لكـن الغـلا قـدره آلاهـيـه
اعن لكل ما فـي نجـد حتـى شاعـر الستيـن
واحن ان ذعذع الغربي على اهل الشرق عصريه
والى منه سرى من كـل ليـل حلـوة الثلثيـن
عرفت ان نسبة النسيان دونك اثنين في الميـه
وفكرت اتبدوى مع اهل الابل واترك اهل الضين
يجوز الابل تنسي مـن تبعهـا عـن مشاهيـه
وشريت الوضح لعل وعساي اسلى مع الساليـن
وقعدت اشـد وانـزل فـي التهاتيـه الخلاويـه
ولكن ما تغير حـال هـذا انـت تحدانـي ليـن
نويـت اتـم نصـف الديـن والنيـات مقفيـه
وخذيت من البنات الغيد عقبـك وحـده وثنتيـن
عساي اسج عن طاري الهوى وطيـوف غاليـه
لكن الوضع هو هو ما تغيـر والزمـان يشيـن
وحبك كل يـوم يزيـن فـي العيـن الشقاويـه
عسى ربـي يعافينـي ولا يبـلاك قـول آميـن
تراني كنـي اللـي واطـي لـه جمـرة ٍ حيـه
وتراني يوم كلمتك فديتك عقـب تسـع سنيـن
مـا غيـر اهيـض العبـرات ولا النيـه النيـه
الشاعر ضيدان بن قضعان
كنت اسمعها في 2018 و 2019 ايام ما كنت بالثانوي و احفظها عشان اكتبها على طاولتي ، ايام ما انساها في حياتي من جمالها ولو يمديني ارجع بالزمن رجعت لايام الثانوي ، ايام كان اكبر همي كيف احل واجب الكيمياء ، و الصباحات اللي اقابل فيها اصحابي ونمسك خط سواليف و ضحك و لعب و رقص ، ولما نتجمع بزاوية الفصل لما نكون جايبين معنا اكل من البيت ، و القهوه في الاسبوع الميت ، و الفرشات اللي نجلس عليها بالاختبارات النهائية ، و التعهدات اللي وقعناها عند المديره وحنا نضحك ، و ايام الشتاء و حليب المقصف ، و الحين كل منا راح بطريقه اللي تزوج و اللي تملك واللي يدرس جامعه واللي بيبتعث برا يكمل دراسه اخ بس يا ضيدان كيف كبرنا بالسرعه ذي بدون ما نلاحظ ؟ قلبي يوجعني و العبره خنقتني وانا اكتب التعليق و اتذكر الذكريات الحلوه هذي عشت عمر بالثانوي من شدة جماله للحين ماقدرت اتخطاه ، لكن عسى الله يلم شملنا على خير ويرزقنا ايام اجمل من هذيك الايام ، المره الجايه اللي بسمع هذي القصيده فيها مدري كيف بيكون وضعي لكن عساه يكون بأفضل و اسعد حال يارب العالمين
هيضتني العبره الله يجبر بخاطرك 💔
ليش كلنا كنا سعيدين في هالمرحله🥺💔
وش الللي خلا الذكريات ذي تجي ع بالك؟
والله العظيم وكأنك تتكلم عن نفسس وضعيي قسم بالله 💔💔
والله نفس الوضع ونفس الشعور ونفس السنوات بعد .. الله يجبر بخواطرنا جمييع يارب ونسمع هالقصيده بأيام احلا بإذن الله💔
قاعده بالسطح ومعاي شـاهي والنعناع واسمعها مع القمـره والجو بارد اابسط شي يونسني الحمدالله على كل حااال🌷🌷
اسمعه من ٧ سنين ولا مليت من هالقصيده ، الله يسامحك يا ضيدان على كثر ما بكيتني ..
لي أربع سنين أسمعها ولا عمري مليتها والغالب أن بكل مره أسمعها تتزايد أحزاني و أتوقع أن ضيدان كتبها من صميم أعماق قلبه ولا يمكنها تصبح أحساس و لا تعد مُجرد قصيده
بيدي كوب شاهي وأسمع قصيدة ضيدان ماغير أهيّض العبرات ، و أتوقع أني بلحقك ياضيدان الدمعه على طريف مدري وش علة قلبي ذا الاسبوع لاهو اللي مسفهل مع العالم ولا هو اللي موضّح زعله عشان أفهمه ، ضايق خلقه طول الوقت
عزالله
تخطي.
من التيك
الله يعين كلنا كذا 🥹💔
@@alsmree يحزن.
قاعده في الحوش أسمع ضيدان والسما قمره ونسمات هوى بارده
وجنبي شاي وبسكوت
الحياة حلوه جدًا
لبى قلبك ❤
عساها دوم
يساتر اسمعها بعز القايله و درجه الحراره ٥٠ و احس بمشاعر شوق و حزن مو طبيعه كنت اقول اني تخطيت من ٣ سنين مدري كيف رجعتني قصيدتك لنقطة الصفر اكتب و يالله يالله اشوف الحروف من الدموع اللي بعيني حتى انا يا ضيدان عجزت اسج و انسى و اترك المقفين اهخ متى يزين الحال بس الله لا يوفق من كان السبب بمشاعري اللي جالسه احسها الحين حتى ما اعرف وش ذي المشاعر بس تعور):
ياخي احب هذا الشاعر فيه قبول الله يرفعه قدره
اتفق معك
قصيدة عظيمة مستحيل تمر علي و أتجاوزها أحيان أعيدها مره و أحيان مرتين، شكراً لضيدان..
مثلك والله ♥️
اتريد
ذكرتكم فيها يا الغالين 😂
29/5/1445 الساعه ١:٣٥ راجعه من الجامعه بالباص و اسمع هالقصيده وافكر كيف راح تكون الايام الجايه مثل ما خططت و حلمت ولا راح تكون عكس كل اللي فكرت فيه،اتمنى ارجع للتعليق وانا في اسعد ايام حياتي❤
بشري كيف امورك
@@user-it4od7fv6nدخل البديل
اللهم آمين يارب 🌹
يارب اشوف تعليقك بعدين تقولي لنا ان ايامك كلهااااا سعاده وراحة بال وحب وتحققي كل احلامك ❤
@@fajer790 امين وياك يارب😢
إذا مو ٢٠٠٠ مرة سمعتها فهي شويه🚶🏻♀️
الظاهر انك من الزمن القديم ❤
القصيده والله ماتنوصف فيها حزن..فقد..ذكريات..حنين..قهر..فراق💔 هذي هي القصيده
اشوى مب لحالي
فعلا القصيده ما يجيك ملل من سماعها لأنها قصة ممتعه تشبه فلم رومنسي و قصه خياليه ، ابداع غير مستغرب من ضيدان ❤️
أغصب القلب لكن الغلا قدرة إلهية 💔
أسمع هالقصيده من 5سنوات وكنت احبها ،ماكنت اتوقع فعلا يجي يوم واحس بها الكلمات واللان اسمعها وانا حاسه بكل كلمه 💔…
تفاهمنا على حسم الأمور و كلنا راضين
و توادعنا ماكنّ قلوبنا خضّر و هواويه.
كلنا يا توتا لكن ماقول الا عسى ربي يعافيني ولا يبلاك قولِ امين
عسى الله يجبر قلبك
أشرب شاي في نصف الليل و أسمع هالابيات، آه يا عذوبتها أحبها أحبها مستحيل أملها
لها ذكريات و أيااااام جميله عالقه بالذاكره
لله درك يا ضيدان.
كل ما ضاق الصدر جيت أهيضه زود و أسمع القصيد ):
من اليمن اسمعها وفيه الاف الشعار السعودييين شعار بفصاحه وطلاقه وانا استمتع في سماعهم ❤
اسمع لعبد الله بن زويبن
رغم أن موضوع القصيدة عن انقطاعه عن الشعر
الا أن مرثيته له وصفه بالبنت اللي مادون العشرين
أبدااااع يابن قضعان ومافيك حيلة
;alrshid saloom, 👍👍
اخوي متاكد؟ لان عدتها كذا مرة حسيته يقصد زوجته الاولى وقصته معروفة
هو يقصد زوجته الاولى
Amm M ممكن فعلا كلام الاخ صحيح لان عملاق الشعر الاستاذ ضيدان اعتزل الأمسيات واعتقد هذي كانت اخر اُمسية له
الشعر كلمه قبل ٩ سنين !!
القصيدة هذي من افضل القصايد اللي سمعتها في حياتي عشت الجو معها في وصف الشاعر شكرا صيدان ولا يهون اللي نقلها لنا
ضيدان ***
الله
, يا منيتي ياس انا خاطري
كنت أسمعها عام 2017 أيام الجامعة والغلا والحُب ..
يا الله ماذا فعلت بنا الحياة لماذا عصفت بنا هكذا 💔
اشتقت لنفسي القديم تمنيت ما كبرت
الي كل مرة يسمعها ويكملها للاخير لايك 💔
ي رجل قول الي عااادها عشر مرات مو كملها
نجم سهيل يارجال كل مرة اسمعها كني اول مرة اسمعها
نجم سهيل انا 💔
تراه زارفها
6 سنوات
اليوم الاثنين ٢٢/يناير عام ٢٠٢٤الساعه٢:١٥ص اسمع القصيده وكلي حُب لضيدان وللقصيده وشلون توني اعرفها واتخيل بعد كم سنه اخذ الليسن واروح لطريق الوفره واشغلها وتكون كل الامور طيبه وزينه ياااااااارب
اخيرن لقيت احد من السنه ذي
السرد رهيب ، لاحظوا في اول الابيات قال : احبك وين ماسجت عيوني في الزمان الزين ،،، وفي اخر القصيده قال : لكن الوضع هو هو ماتغير والزمان يشين ،،، يبين لك كيف تغيرت حياته بعد مافارق حبيبه 💔👏🏻👏🏻
الله ع التحليل
@@shammaalsubaie2241 هههههههههههههههههههههههههههههههههههههههههههههههههههههههههههههه هٌ
ياحلو احلامنا ومراهقتنا والبلا بعدين
صار روتين كل يوم اسمعها❤️😴
Zaid Hassan ووالله العضيم اني مثلك انها صارت روتين يومي صح لسان ابن قضعان
هذي القصيده ادمان 💔😪
انا معكم 💔
باقي روتين ولا خلاص
💔💔💔
قصة ضيدان و معاناته شيء عظيم و نسأل الله يكفينا شر هذي المعاناه ضيدان شاعر كبير و رجل و قصيده و كل بيت في قصيده لها احساس في القلب و تحسه بقصيده يحسسك معاناته و يدخلك معه غصب جو القصيده صح لسانك يبو منصور والله يجبر كسر قلبك 🖤🖤
سمعتها اول مره في 2017 كنت بالمتوسط ، في كل مره أحن فيها لنفسي القديمه أرجع اسمعها.
أنا حاليًا أعيش في غربه بسبب الجامعه و إلغاء الاولويه .. والله الغربه صعبه وانا بهذا العمر" 18 سنه " تكفون ادعوا إن الله يجمعني بأهلي قريب اقسم بالله اني في ضيقه ما يعلم بها إلا ربي ..
اعيش نفس الفترة اللي تمر فيها والضيقة هذي اعرفها زييين
والله يعيننا ويوفقنا ويقدرنا نرفع روسهم
@@FatimaQht الله يعينك يارب و يوفقك و يجمعك بأهلك قريب ، حاليًا أفكر بالإنسحاب الوضع صعب جدًا ، صحيح تخصص الأحلام والجامعه بعد لكن والله انها ضاقت .. الله ييسر لنا و لك يارب
@@Rashed-Alzahrani اللهم امين يارب وياااك، اجازة اليوم الوطني قربت لزوم نصبر ونصمل اما الانسحاب مع بداية الترم شيله من بالك نصيحة الا حلمك الفرصة ماتجي مرتين ووش تستفيد لو انسحبت وقعدت عندهم ؟ الى متى ؟ الغربة شينه بس الدراسة والطموح تسوى
الله يوفقك ويشرح صدرك وييسر امرك
هالقصيده ادماااان ... كلماتها توصلك ل احساس قوووي ... الله الشاهد اني سمعتها من سنين وصارت هالقصيده بداخلي اعتقد هالقصيده ماراح تجي بمثل هالقبول وهالاحساس لعشرين سنه قدام مو طبيعي ياضيدان
صدقت يالعازمي
شاااعععر كبيير ويغرف من بحررر وابياته معانيها قويه ولا يعسر البيت ، الله لا يضررره شاعر ياام ❤️❤️
القصِيده اللي ماتنمل ابداً لها خمس سنين وللان مامليت منها كل مره أرجع اسمعها💔
اسمعها من طرابلس ليبيا ولي سنوات اسمعها .والله قصيدة فخمة وشاعر كبير
انا انسانة اعامل قصايد ضيدان بن قضعان معاملة الاكل والشرب مستحيل يمر يوم من غير ما اسمعها فيه عشرين مرة🖤🏹.
ما الومك فعلا شاعر نادر ابن قضعان 🌹
يا سلام عليك والله ان ضيدان قدوتي بالشعر الآن
ياخي لي سنه وكل مأدخلها لازم اسمعها كامله احس انه كاتبها عني 😥
تفاهمنا على حسم الأمور وكلنا راضين
وتوادعنا مكن قلوبنا خضر وهواويه
تفآهمنا على حسم الآمور وكلنآ راضين
وتفآرقنا مآكن قلوبنآ خضر وهوآويـّه ..
آبدااع
يخرب بيت القصيده الاسطوريه والشاعر الاسطوري انا بحلف ان القصيده من قلب طالعه ضيدان اسطوره لن تتكرر ❤️
ضيدان في وادي و الشعراء كلهم في وادي
اسطورة الشعر في عصرنا الحالي
تراه لاطشها يامعتوه ماتعرف شعره
ابو جندل محمد 😂 ابن جدلان وابن قضعان هم الشعار الباقين عادييين جداً
والله ما ضلمة الا نفسگ يالاجودي
تبي له المدحه وانت مخطيها
به شعار اعلام احسن منه وزيه
راح ابن جدلان وابن زويبن والزلامي ومحمد الخس
الله يرحمهم وباقي ابن عون الله يطيل في عمر ه
هو اللي معتلي عن الشعار فالوقت الحالي
@@MANS7U. ازعجتونا ترى الناس اذواق بالشعر يعجبك ابن جدلان والزلامي خلاص صه م هو بلازم يعجبون غيرك
@@riaan7 حذفناً راع البيت وجاء كلبه ينبح
يا حلو أحلامنا ومراهقتنا والبلى بعدين
كِشفنا ضحكة أوَّل حِلمنا ودموع تاليَّه
ولكن ما ندمنا ليه ..؟ لأن العالم الحلوين
يعيشون الغلا وفق القوانين السعودية .🎶💔
micho ًاناً مصمم قصائد بدون حقوق. خدمه ل الشعر و مؤهبه a.mmkm
micho ❤️❤️
حراج الششق
ال2000 مشاهدة تقريبآ كلها لي ..
يأخي ذا الإنسان يخليك تذوق الشعر فعلآ هو وسعد علوش .
مروآن حآمد
صح لسانك والله انهم افضل شاعرين عندي
👍👍😴
ماكل نص القصيده انت
مروآن حآمد وفيه واجد مثل سهل الكسر وابن زويبن وغيره واجد
92
من يوم مانزلت الا الحين وانا مامليت منها ي عرب احس اني اتابع فلم ابددددددداع بمعنى الكلمه
ضيدان بن قضعان ارجع للشعر الله يرحم والديك 💔💔
Fahad Almarri
عقبـال 100 عام 😅
اجججمممل قصيده من اطلق شاعر
الي جايين من ٢٠١٩ لايك
والله ان ماودي اني سمعتها وودي انك تحذفها لأنها جت على الجرح لكن اخاف تحذفها واشتاق اسمعها من جديد💔😴
AzoOozZ 1
ابد بحذفها ، وأن بغيت القصيده برجع أنزلها 😅
تفاهمنا على حسم الامور وكلنا راضين ، وتوادعنا ماكن قلوبنا خضر وهواويّه. 5/5/2021 (F).
بشر عسى حصل نصيب وتزوجتها
الساعة 3:36 مواصلة للدوام و طرت على بالي هالقصيدة و لعلها ابكتني للمرة المئة رغم اني خالي البال و احب الطرب
شكله حب من طرف واحد؟
@@user-dr4rx2zg5c انا الطرف الثاني، الغيد اللعوب
@@Itsaprar أنا عكسك كنت أحب بطرف واحد😩
لعلها ذكرى اليوم السبت تاريخ 2024-2-3 قاعده اسمعها واشرب جاي واكلم شخصي المفضل وباجر اول يوم مدرسه بالكورس الثاني إللي اهوا اخر كورس من غير شر واتخرج وانا من 2021 اسمع القصيده ولازلت احس بنفس المشاعر من هذيك السنه رغم اني مااعيش مشاعرها ولازال ضيدان شاعري المفضل 🤍
نسيتي تكتبين الساعه
@@rayanalqahtani1590اذكرها ١٢ او ١ الفجر يلا ماعليه
القصيده ذي كنت اسمعها قبل ٧ سنوات تقريبا ، خريج ثانوي ومقبل على الجامعه و كنت حافظها وارددها دايم اعرف معانيها ولكن ما كان لها شعور، الين جا الوقت قبل سنتين تقريباً واللي عرفت فيه مشاعر القصيده وكأني اول مره اسمعها، وصرت اسمعها واحاول اتنساها عشان ارجع واحس بشعوري اول ماعرفت معانيها والاحساس اللي مريت فيه وكأن الزمان وقف فيني عند ذيك اللحظه وكل اللي بعد ذي اللحظه مجرد هوامش يسجلها الزمان .
تفاهمنا على حسم الامور وكلنا راضين
وتوادعنا ما كن قلوبنا خضر وهواويّه
مع هذا عجزت اسج وانسى واترك المقفين
اغصب القلب لكن الغلا قدره آلهيه
2:12
اهخ الله يجبر بقلوبنا
تحيه حب لك من العراق
انا جاي من سنة 2021
اول قصيدة سمعتها لضيدان وصراحة قصيدة جميلة بكل معنى الكلمة وكلها أحاسيس وأعتقد من القلب طلعت الكلمات شاعر كبير
🇮🇶❤️🇸🇦
لك السلام والاحترام اخوي العراقي .... فعلاً كلمات وقصه جميله
لا كلمات طالعه من طي..به القلب
فكني الله من قصيد التوجد من ضيدان والا كان تائه الا ذا الحين، انت جميل بثينة هذا العصر.
احس حزنت على الغيد الثنتين اللي خذاهن
هههههههههههههههههههههههه
نفسك😢😢
الشاعر يقول ما لا يفعل
هههههههههههههههههههههههههه
والله كانه يتكلم عن قصتي
خصوصا يوم قال تفاهمنا على حسم الامور وكلنا راضين 💔
عليك السلام ياذاك الوجه الطاهر
القصيدة طالعه من قلب الشاعر ماكتبها لتسلية 💔💔💔💔
الله عليك يا ضيدان اشهدلله انك شاعر متمكن بمعنى الكلمة👍🏻👍🏻👍🏻👍🏻
١١ شوال ١٤٤١ الساعه ١٢ صباحًا ):
زمن الكورونا والحجر والضيق والبعد والفراق 💔 اتمنى ارجع للتعليق بعدين وكل شي صاير افضل
) :
بتزين
٢٧ شوال ١٤٤١ الساعه ٢ صباحا ):
والحال هو الحال 💔
ومغير اهيض العبرات ولا النيه النيه
a. sh 💔💔💔😔
a. sh لالالا ماتشوفي شرررر
تفاهمنا على حسم الأمور وكلّنا راضين
وتوادعنا ما كن قلوبنا خضر و هواوية
ومع هذا عجزت أسج وأنسى وأترك المقفين
أغصب القلب لكن الغلا قدرة إلهية 💔💚
.....
عسى ربي يعافيني ولا يبلاك قول آمين
تراني كنّي إللي واطيٍ له جمرةٍ حيّة
وتراني يوم كلمتك فديتك عقب تسع سنين
ما غير أهيّض العبرات ولاّ النية النية
قاعده اتقهوى واسمع ضيدان
الله 🥹❤️ كنت ادخل عطارة بس في البحرين لما كنت طفلة في ابتدائي وب٢٠١٧ بنت خالتي رسلت لي هالقصيدة ب٢٠٢٣ دخلت عطارة في مدينتي وشميت فيها ريحة عطارة البحرين والريحة رجعتني للقصيدة 😭♥️ رهيبة الريحة تشرح عوالم نفس نظرة العين 😴🔮
اول قصيدة سمعتها من شخص لو اقول انه روحي قليلة، مر على اول مره سمعتها اربع سنين وبكل مره اجي اسمعها كأنها اول مره اسمعها والمشاعر تجدد وتجدد وافقد السيطرة عليها ورغم كل شيء الا انه(حبه كل يوم يزيد ف العين الشقاوية)
عارف والله شعورك لأني نفس شعورك ومن قبل كم سنه وانا ارجع واسمعها (مغير اهيض العبرات ولا النيه النيه
ساعة 4:28 والضيقة ماكلتني ومتذكر الحبايب الي غابو والي ماتو عسى الله يرحم الموتى ويحفظ الغايبين محد يقدر يوكف دمعة العين
لا اله الا من له من السموات والارض الواحد القهار اشهد انه عبر عن شعوره بكلمات وقعها مثل السيوف وش سوت الفرقى بضييييدان قصيدة والله اعلم انها كاملة ولا ينقصها انا اعرف الانسان هذا يقول القصايد بالفم المليان الا هالقصيدة متوتر ويتلعثم فيها كثير كأنه حاس ان هالبنت تشوفه الله يجبر قلبه والعشق يقتل والله العظيم ):
قاعده اسمعها وانا باولى ثانوي الخص الفيزياء للفاينل اتمني اني ارجع بعد اربع سنوات واتذكر كيف كنت اسمعها وايام الثانوي الحلوه وانا داخله جامعه الاميرات بتخصص السياسيه اخ يارب
الله يوفقج يارب وانا هالسنه رايحه اولى ثانوي الله يوفقنا يارب 🥹🌷
القصيدة تذكرني بشخص انتهى كل الي بينا بدون زواج ،،،،اشوفه منزلها بحسابه 💔وللحين قلبي يوجعني اذا سمعتها 💔💔
الله يزينها
م كنت اعرفه توني عرفته عيال عمي قالو لي ماعرفت الشعر دام ماتعرف ضيدان انا اسف ياضيدان💔لاكن بعد ماسمعت هالقصيده عزيت نفسي على ايامي الماضيه يوم ماعرفتك وقصيدك
قلبي يرفرف بكل حرف ينطقه شعور اقرب قصيده لقلبك موجععع)؛
اقسم بالله يعجز اللسان عن التعبير 💔💔💔
تراني يوم كلمتك فديتك عقب تسع سنين
ماغير اهيض العبرات ولا النيه النيه 💔💔
ابداع
5/3/2024 الساعه5:55 اسمع القصيده ، وانا عندي امتحان اسلاميه واسمع قصايد ضيدان العظييمه صار لي سنه اسمع له ، وحافظه جميع قصايده احب قصايده تحسووون كاتبها من صميم قلببه وكل ماسمعت القصيده هذي تزداد جروحي وانا فاقده الشخص اللي كنت احبه بس الحياة فرقتنا بس لازلت احبه من2022 واتذكره دايم وادش بثوثه بحسابات وهميه واهو مايدري واقعد اتأمله يألله بسس اخخ احب ايامي معه للحين اتذكرها واتذكر ضحكنا وكل شي مع بعض دايم نتهاوش بس مانتخلى عن بعض بس الحين راح بطريق وانا بطريق😔MA
ياخي وش هالفخاممه القاء صوت شعر ماشاء الله عليه😩
قصيدتي المفضلة عرفتها وانا ثاني ثنوي وثالث ثنوي فتحتها لصديقاتي بكمبيوتر المدرسة وعلمتهم عليها وحبوها مرة 💙
الله يذكركم بالخير وعد وديما وروميه
بالذات وعد أشوف وجهك يوم أسمع هالقصيدة
كلام جميل ومؤثر
رناد ٠
بشروا ، عسى تزوجتوا ألحين 😅
الشاعر هذا ماهو طبيعي ابداع ب النصم واختيار المفردات اهنيك يابن قضعان 😴♥️♥️♥️
سنوات وانا بعد كل شوق اسمعها وكأني اسمعها لأول مره ..
لاكن الوضع هو ، هو ماتغير والزمان يشين وحبك كل يوم يزين في العيون الشقاوية 💔
اللي كان قاصدها بالقصيده.. ابعرف شعورها يوم تسمع هالابيات.. هل يوميا تدخل اليوتيوب وتشوف.. عسى الله يصبرها ويصبرك ي ضيدان
ابو رحمه السبيعي ممكن من نسج الخيال !
Majode Hhh ما اظن.. شوف كيف مخنوق وهو يقصد
ابو رحمه السبيعي والله ياقلبي الشاعر لازم يتحمس ب الاقلى
أخوي تراه يقصد بنيات شعره أنه أنقطع عن الشعر فترة ورجع وتمثل على أنها بنت العشرين وهو صادق ويقصد فيها أشعاره ولا القصة اللي هو ذكر نسج خيال
في كل وادي يهيمون .. ربما وراها قصه ويبقى المعنى في قلب شاعرها
تحياتي لشعراء الجزيرة والسعودية من عراقي جنوبي منبع الشعر والادب
اااااااه بس وتراني يوم كلمتك فديتك عقب تسع سنين ماغير اهيض العبرات ولا النيه النيه 😔💔 ااااخ ياذكرياااات الموجعه كانت ومازالت 😢💔
لله درك يا ضيدان
من كثر الابداع شوف الشعار سعد علوش ومحمد بن فطيس ساجين معه
من افخم القصايد اللي سمعتها 💔😢
احب قصيده تدخل القلب🤦🏻♀️💔💔💔
ماشاء الله شاعر متمكن ومعاني تاخذك بالخيال وكانك عايش اللحظه. فقدنا جديدك ياضيدان واشتقنا لك لاتقطع جمهورك 🥰🥰
ماخليت شي ياضيدان وجيت على جروح قديمه وش تبي نقول من اول بيت حتى آخر بيت ...الشعر مشاعر وأحاسيس انسان ابيات جزله من اول كلمه الى اخر القصيده ... اول كلمه تأخذك إلى عالم آخر وتسج في كل كلمه ...تراني كني واطي ن جمره...
صح لسان الشاعر
ضيدان شاعر ما فيها كلام
قصيده روعه جدا
ابداع وهذا ليس بمستغرب على ضيدان
أحس أن ضيدان بن قضعان كاتبها من قلب
هيهات الجذع #عتيبة يقصد طليقته الي طلقها بسبب والديه
لا ماتزوجها هنا ويوم مات زوجها كلمها بعد تسع سنين
coco b الا تزوجها وتطلقها وتزوجت بعده ويوم توفى زوجها كلمها وكتبها لها
للحين في ناس عايشه على الاشاعات
تذكرت اغنية محمد عبده ابعتذر ، والرد كان تقوى الهجر من خالد عبدالرحمن
كم طلع عليها اشاعات ههههههه. زوجة نايف بن عبدالعزيز كانت ترد على امير سحب عليها
ياناس بدون اشاعة ، فكرة القصيدة مستهكلة وكثير كتبوا عن هالفكرة ، الفرق شاعرية الشاعر وخياله وضيدان مبدع ، لا احد يفلم عليك ههههههههه
nnd_ مصدرك
ما غير اهيض العبرات ولا النيه النيه 📯✨
الله الله مبدع ي كبرياء 🌺
تسلم ياعيني .
وش يعني ؟ ممكن تشرح
@@reem4441 ؟؟؟؟؟
بعد تسع سنين برجع اسمعها واذكرك
اهخخ الساعه 1:49 الليل بالحوش وبرااد ومدمعي عجز يوقف من الهم اللي عاشرته ١٩ سنه وكسرة الظهر اللي شفتها بعمر صغير، كلما ضاقت الوسيعة أسمع قصايدك ياضيدان الله يذكرك بالخير
على كثر ما هونت علي همي بقصايدك
21-8-1445
أسمعها بنص مذاكرتي واختباراتي اللي هي الاسبوع الجاي وباخر ترم بالتحضيري من غير شر وباقي على ميلادي وادخل العشرين أقل من شهر، وجالسه اهوجس بالمستقبل ، يارب اسمعها من غير شر بكم سنة وانا متخصصه وحالي واللي احبهم كلنا بخير ..
تجنن😭❤️
دينا الخالدي انتي اللي تجننيني
انتي بعد تعرفين الحب
اى والله
صيادين الشبيبة
😭 فدييييتك 😭
اليوم الاثنين ١٩ فبراير ٩ شعبان ١٤٤٥ هـ الساعه ٣:٠٧ علي اختبار بعد شوي الصبح وقاعد اهوجس عن مستقبلي وهل برجع اسمع القصيده بعد ذي المره
من أجمل قصائد ضيدان ، تسلسل أفكار أكثر من رائع
قاعده اسمعها وأنا داخله آخر سنه ف الثانوي سنه واكون خريجه وأنا الحين أتمنى امنيه وباذن الله ماتنتهي ذا السنه إلا قد تحققت وربي اني ادعي ادعي إنها تتحقق لأني احس ذا الأمنيه بتعوضني عن كل شي لأني انخذلت من كل شي بالحياه لكن عسى ربي يفرجها وأنا اكتب ذا الكلام والدمعه على طرف عيني
٩ / ٢ / ١٤٤٦. الثلاثاء
بإذن الله ارجع لتعليقي قد زانت أيامي 😔
ست سنين كل فتره اسمعها اسطوريه
ولا سجيت عن آخر لقاء عطارة البحرين
ودهن العود وأشياء الشيوخ البرجوازية
بيت يفوح طيب وعطور وذكرى وحنين.. لله درك..
من اجمل القصائدالي سمعتها ل درجة اني سمعتها فوق ١٠٠ مره
بكل مره اسمعها أعيدها كذا مره قصيده بقمه الجمال
(خلاص اعزم ع الفرقى ولا لك
في رقبتي دين ترى حنا تعدينا
الخطوط الاستوائية تفاهمنا ع حسم
الأمور وكلنا راضين وتوادعنا ما كانا
قلوبنا خضر و هواويه ومع هذا عجزت
أسج وأنسى واترك المقفين …😢😢)
هذا اللي يوصفني💔
14 محرم 1446
الله ع ضيدان و على زمانه .
وشكرآ يالمصمم المبدع
العفو .
والله صفقت لا شعوريا 👏🏻👏🏻👏🏻
رفعت راس الشعر يابو منصور
كنت شاعر زين بس بعد قصيدتك في ريم عبدالله عز الله ان الوضع ماش نطلب من الله السلامه وكان
مرحبا ياقارئ رسالتي قد لانكون نعرف بعض ولكن أحببت أن تتلقئ رساله من شخص عابر أتمنى لك يوم مليئ بالراحه والسعادہ وكل شي جميل ❤️.
القصيدة الوحيدة الي لازم اسمعها كل يوم
وعن أدب الفراق .. يقول ضيدان :
تفاهمنا على حسم الأمور وكلنا راضين
وتوادعنا ما كنّ قلوبنا خضر وهواويّه
و بعدها قال :
َومع هذاعجزت اسجّ وانسى وأترك المقفين
اغصب القلب لكنّ الغلا ___قدره الاهيه.
وعن أدب الفراق .. يقول ضيدان :
تفاهمنا على حسم الأمور وكلنا راضين وتواعدنا ما كنّ قلوبنا خضر وهواويّه 🔐💟
وبعدها قال :
ومع هاذا عجزت اسجّ وانسى واترك المقفين
اغصب القلب لكنّ الغلا __ قدرة إلاهية…🚶🧑🦯🧎
🥀
وعن أدب الفراق .. يقول ضيدان بن قضعان :
تفاهمنا على حسم الأمور وكلنا راضين.💔😭
وتوادعنا ما كنّ قلوبنا خضر وهواويّه.
وبعدها قال :
ومع هذا عجزت (😞) اسّج وانسى وأترك المقفين.
اغصب القلب لكنّ الغلا__قدرك إلاهيه.💔🎶😔
الهيه *
ما أمل من هالقصيدة مهما سمعتها، ضيدان شاعر من عالم اخر وقصايده تحكم علينا نسرح بعالمه
اول مره يجذبني شاعر نبطي 🌹❤️
كل ما حنيت للماضي واخر ذكرى لي سعيده قبل ال ٢٠٢٠ اسمع هالقصيده تعبر عن كل ما بداخلي :)
يا حلو ايامنا و مراهقتنا والبلا بعدين ..
1:59
" عرفت ان كل شي له نهايه "
والله يا ضيدان ما ادري كيف خليتها تروح منك بعد ما كانت بيدك ، لي سنتين قاعده أبحر بخيالاتي ولا وصلت لأي شي تركت شخص كنت احبه اكثر من كل شي بالدنيا وكنت مستعده اسوي اي شي عشانه لكن لان العلاقة ما كانت ترضي الله تركته عشان ربي يجيبه لي بالحلال اتمنى انه يكون بخير وعسى الله يصبرني ويجبر بخاطري