ಮಾ ಮಝ ಭಾಪುರೇ | maa maja bapure with lyrics | Purandara dasaru | Hanuma | Mukhyapraana

#bhajane #dasarapadagalu #mukhyapraana #hanuma #purandaradasaru
ಮಾ ಮಝ ಭಾಪುರೇ ಭಳಿರೆ ಹನುಮಂತ॥ಪ॥
ರಾಮಪದ ಸೇವಿಪ ವೀರ ಹನುಮಂತ ||
ಹುಟ್ಟುತಲೆ ಹೊನ್ನ ಕಚ್ಚುಟವ ಕುಂಡಲವೆರಸಿ|
ನಿಷ್ಠೆಯಲಿ ರಘುಪತಿಯ ಪಾದವನೆ ಕಂಡು ॥
ದಿಟ್ಟ ಹರಿದಾಡಿ ಮನಮುಟ್ಟ ಪೂಜಿಸಲವನ |
ಪಟ್ಟಕನುವಾದ ಸಿರಿವಂತ ಹನುಮಂತ ॥೧॥
ಅಂಬರಕೆ ಪುಟನೆಗೆದು ಅಂಬುಧಿಯ ನೆರೆದಾಟ।
ಕುಂಭಿನಿಯ ಮಗಳಿಗುಂಗುರವನಿತ್ತೆ||
ಬೆಂಬಿಡದೆ ಲಂಕೆಯನು ಸಂಭ್ರಮದಿ ಸಖಗಿತ್ತೆ|
ಗಂಭೀರ ವೀರಾಧಿವೀರ ಹನುಮಂತ ॥೨॥
ಅತಿದುರುಳ ರಕ್ಕಸನು ರಥದ ಮೇಲಿರಲು ರಘು।
ಪತಿಯು ಪದಚರಿಯಾಗಿ ನಿಂತಿರಲು ನೋಡಿ ॥
ಪೃಥಿವಿ ಗಗನಕೆ ಬೆಳೆದು ರಥವಾದೆ ಒಡೆಯನಿಗೆ |
ಅತಿಭಯಂಕರ ಸತ್ತ್ವವಂತ ಹನುಮಂತ ||೩||
ಒಡೆಯ ಉಣಕರೆಯಲಂದಡಿಗಡಿಗೆ ಕೈಮುಗಿದು |
ದೃಢಭಕುತಿಯಿಂದ ಮೌನದಲಿ ಕುಳಿತು॥
ಎಡೆಯ ಕೊಂಡೆದ್ದೋಡಿ ಗಗನದಲಿ ಸುರರಿಂಗೆ |
ಕೊಡುತ ಸವಿ ದುಂಡ ಗುಣವಂತ ಹನುಮಂತ ॥೪॥
ಪ್ರಥಮದಲಿ ಹನುಮಂತ ದ್ವಿತಿಯದಲಿ ಕಲಿಭೀಮ |
ತೃತಿಯದಲಿ ಗುರುಮಧ್ವ ಮುನಿಯು ಎನಿಸಿ||
ಪ್ರತಿಯಿಲ್ಲದಲೆ ಮೆರೆದೆ ಪುರಂದರ ವಿಠ್ಠಲನ|
ಭಕ್ತ ನಿನಗಾರು ಸರಿ ವಿಜಯ ಹನುಮಂತ||೫||