مرحليات 7 | أنتهى الصمت |
HTML-код
- Опубликовано: 26 авг 2024
- رابط التيك توك
vt.tiktok.com/ZSFphn8Xa/
يالبريكي سحاب الشعر هلت ثعوله
مايبي من جنابي غير وقت ومساحه
كني آشوف بعيوني تدفق سيوله
تقشع الضلع وتخلي مكانه براحه
بين تيار موجً كل طايل يطوله
وبين ثورة محيط ً ماتهود رياحه
إنتهى الصمت والتعبير حلت حلوله
في ضميري كلام ً مااقدر اكبح جماحه
أعترف قبل لارتب كلامي وأقوله
مايبرمج عقول الناس غير الصراحة
آه من كربةٍ ما تنفرج بـالسهولة
ماكشفها طبيب أعصاب ولا جراحة
عقدةٍ مبطيه ماظنها بمحلوله
أصبحت عايق الشاعر وعثرة نجاحه
في عموق الضمير مفقرة وامعقوله
واردة كل هم وطاردة كل راحه
إن تناسيتها واخذت دور البطوله
العزوم إرتخت والصبر سلم سلاحه
وان عصف بي مرضها بين صوله وجوله
يمكن اقلب زغاريد المعايد مناحه
لو ضربت الخلا لو زرت عشرين دوله
مامع الهم والهوجاس رحله سياحه
اترقب فرجها ، واتحرى وصوله ..
واترجى مثل رجوى الطفل للفراحة
واتجبر بقول الله وسنة رسوله
الذكر يعطي العقل المذبذب رجاحه
اه واطيري اللي كايفاتن دلوله
فارقً عن طيوري بالوفاء والسماحه
زاد محضار طيفه عقب ماغاب زوله
نادرٍ صيد مخلابه يطوّل جناحه
يوم شفت المخاطر والغرابيل حوله
مالي الا اتجمل فيه و اطلق سراحه
جعل تفداه قصة حب ليلى وخوله
طاري الحب مع طاري النوادر بجاحه
اله مني سحابة مسك ماهيب توله
يسعد الله مساه ويسعد الله صباحه
ياهواه الصقور الجارحة دوروا له
واعطي اكبر بشارة واعطي اكبر طراحه
#الشاعر #سفر_الدغيلبي
#مرحليات | #نتهى_الصمت
#جديد_شاعر_الكون_سفر_الدغيلبي
الله واكبر
ياسلام
وش المقصود الة مني سحابة مسك ماهي بتولة هل المقصود زوجتة الأولي
وش المقصود با الطير أنثي بنت ولا يقصد شي ثاني
المعنى في بطن الشاعر لاتفسر عشان الناس ماتفهم غلط