HTML-код
- Опубликовано: 16 ноя 2024
- #MM #700萬種生活 //
「主人大小姐歡迎回來。」一邊是嬌嗲的語氣、輕飄飄又「萌萌」的紡紗裙女僕打扮，另一邊是「幾多位、要叫咩，飲唔飲啤酒。」語氣倔得沒有尾音的大排檔樓面，今集《700萬種生活》看一個女僕，怎樣由做大排檔的媽媽拉扯長大的故事。
大排檔撐起的家
「小學就讀傳統名校，那時候的同學知道我家裡經營大排檔，我是曾經被人欺凌過的。」今年27歲的Emon淡淡然地說，但她指現時回想起仍然有點童年陰影，被同學以開玩笑的語氣指著「不要過來，不要碰我」，在大部份同學都有司機接送的名校環境中，大排檔好像是一個低級、髒的代名詞一樣，「連老師也不喜歡自己，老師會在同學面前說『大家要做好一點，不然就會變成她這樣』，每次大假之後回校，同學又會說去了悉尼玩、去了英國，『Michelle你哪裡都沒有去嗎？』，我是沒有的，我中學畢業才第一次乘飛機。」說著的時候Emon耳邊好像又再響起老師、同學的訕笑聲，回憶起仍然叫作Michelle的小學時代經歷。
Emon的媽媽十多歲就游水來香港，試過貪租金便宜住過九龍城寨又試過做工廠妹，「老母又說沒錢，我爸爸又說半年都沒吃過豬肉，我16歲就打兩份工，試過用衣車時兩支針戳穿手指，拔了出來包著手指繼續做事，我未試過拿不到勤工獎。」今年60歲的Emon媽媽說著40多年前的陳舊記憶但那些年的勞碌仍然生動，後來結婚就開始與丈夫一起在廟街大排檔工作，因為老實勤力而得到老闆賞識，做到現時成為好像大總管一樣，而老公就負責做師傅看管廚房，就這樣Emon的媽媽由1989年做到現在，而Emon亦因此在小學的時候就會到大排檔幫媽媽的忙，在樓面招呼客人，落單傳菜開汽水。
「大哥(Herman）不喜歡收碗執枱，細細個就會嚷著說『我要讀大學，我要讀大學』，細的兩個(二哥阿B及細妹Emon）反而沒所謂，大哥讀書的時候熬得很慘，試過沒錢交學費被學校禁止進入，我知道後打電話給妹妹借錢。」Emon媽媽回憶起熬得最辛苦的一段時間，眼眶不禁泛著淚光，Emon媽媽以前每日在大排檔工作15、16小時，「好像雜工一樣， 坑渠塞又是我通， 哪裡搞不定，寫單，洗碗不夠人碗就我，不做沒有那麼多賺錢，怎樣養得起三個子女呢？」Emon之所以會讀傳統名校，就是因為媽媽覺得自己沒有讀書，只能從事辛苦工出賣勞力賺錢，所以由幼稚園開始就會供子女讀最好的學校。
女僕的象徵
女僕咖啡店因為種類眾多而沒有一個準確的定義，簡單來說是一個透過角色扮演，營造進入另一個世界氣氛的地方，可能有人以為被「治癒」的只有客人，其實女僕都有「行開下」走出平日身分的感覺。「童年，我多數是自己一個人照顧自己，因為媽媽可能早上10時就出工作深夜二時才回來，我一個人在家的時候就看電視。」Emon笑道，除了在大排檔的時候能見到媽媽，童年的大部份時間都是電視卡通陪她度過。「小學時看那套《東京喵喵》她們穿的衣服很漂亮，而且她們的性格又很堅強，我很憧憬當這種女生，當我長大一點5、6年級又有多點零用錢的時候，我就邀請班上愛看漫畫的幾位同學一同到女僕咖啡店。」Emon當時年幼的腦袋中，女僕是精緻、優雅的象徵，而女僕咖啡店又好像讓她逃離現實的地方。「所以我一滿15歲數的時候，就立刻去了女僕咖啡店面試。」Emon這個名字是在當女僕時所取的名字，「對我來說Emon比較像我理想中的自己，比較溫柔情商比較高還有可愛，又或者是用來給我喘息的一個我自己，可以短暫令我忘記現實中的煩惱之類。」但Emon在廟街大排檔打滾長大，令她在當一位嬌滴滴女僕的時候仍然流露著霸氣，「有一些不乖的主人曾經跟蹤女僕，亦試過有位不乖的主人拿著鎅刀在外面等女僕，遇到這些情況我會說：『交給我處理，你們不要自己走出去』，因為我不會害怕，我在廟街有甚麼沒見過。」
「廟街大排檔比較混雜，講話比較粗聲粗氣，喝醉出手打架繼而『爆樽』都有的。」大哥Herman笑道，Emon回憶爸爸與夥計曾經一起在廟街打架爭「搵食地盤」，「爸爸有一次看醫生好像摸到背部有一塊東西，然後用儀器檢查時原來是以前『爆樽』被玻璃瓶碎片插中，沒有取出來，到今日仍然插在身上。」見慣這些場面的Emon在女僕咖啡店亦帶著一種江湖豪氣。
大排檔媽媽走入女僕世界
媽媽因為要掙錢養家，所以在Emon年少的時候一直沒有機會進入她的世界，現在熬至她長大了，終於邀請媽媽到Emon有份創立的咖啡店，看看女兒投入很多時間及愛的地方是怎樣。「我連嘗試解釋也沒有嘗試過，我只是和她說我在做廣告公司，可能我一早刻板地認定她不會明白我做的是甚麼。」因為Emon覺得媽媽不會明白女僕世界是怎樣一點事，所以一直沒有讓媽媽看過自己作為女僕的一面，媽媽亦一直未有機會參與過。
「歡迎回來大小姐。」穿著女僕裝的Emon神情靦腆地迎接媽媽首次來到女僕Cafe，媽媽在看到Emon要跪著地面向自己下單、送餐的時候，面色不禁一沉，「你讀這麼多書， 為甚麼要做這些工作，我讀不成書就說要就做飲食服務業，你讀到大學為何仍好像做餐飲一樣，我希望你讀到書，舒舒服服坐在辦公室就有兩三萬元的月薪，沒有我這樣辛苦熬到後遺症又曾經有鼻咽癌。」Emon聽著的時候想起媽媽曾經的病痛辛勞不禁眼眶一紅，「媽媽你誤會了我不是每天都是這樣，我是有從事這裡的文職工作，這裡由餐單是我想的、舉辦的活動是我構思的，都有很多人來參加過，然後我學的日文都有在這裡擔任過日本嘉賓的翻譯。」Emon一口氣地向媽媽訴說著自己的知識是怎樣為女僕咖啡店所投入過，「所以你真的不用擔心我讀這麼多書沒用，我也頗常被老闆讚我做得好，即是將興趣變成我的工作。」Emon首次向媽媽介紹自己大排檔以外的世界。
「媽媽我們通常第一次拍cheki（即影即有），就是做這個心心手勢，然後這樣手這樣放在下巴，做好姿勢可以影相。」媽媽雖然動作生硬，但仍然笑著跟從Emon的指示做出心心手勢、又故作可愛地將手托在臉頰，跟女僕Emon拍cheki合照。
「我一直沒有跟媽媽說其實我在做女僕， 我覺得可能我自己都刻板印象中她會不明白，她會接受不了，但看到她剛才一直笑容滿面，好像我叫她跟著做，她都會做，原來只要我肯說的話，媽媽是會聽。」Emon感歎道。雖然媽媽口裡說著想女兒做自己心目中朝九晚五舒服坐在辦公室內的「好工作」，但一直以行動支持著女兒做喜歡做的事，好像首次上女僕咖店找Emon的時候，就帶著自己煲的老火湯，給Emon熬完夜後滋補一下。
策劃：梁中勝
攝影：許先煜、潘志恆、陸紹泓、麥志豪
剪接：黃灝嵐
編審：黃碧珊
監製：林京賢
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 RUclips APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
![Ice On My Teeth - ATEEZ エイティーズ 에이티즈 [Music Bank] | KBS WORLD TV 241115](http://i.ytimg.com/vi/c-n92OgbbwA/mqdefault.jpg)
後記
可能因為我媽都是基層出身，訪問emon媽媽時在她的說話與神情態度上，說著「唔想仔女好似我做得咁辛苦」、「最緊要唔好學壞，點樣捱都值得」，我好似都看到我媽的形象浮現出來，可能不只是emon或是我媽，大家的媽媽無論在背後捱得多辛苦或糾結，都會想子女有一個亮麗而輕鬆的生活，明天就是母親節，如果可以的話就花多點時間陪陪媽媽吧。
其實呢條影片想表達咩野？
@@boystory_ 想講Emon同佢媽媽嘅故事呀，我係佢地嘅相處入面見到一般子女同媽媽的相處，好似其實仔女熱衷的事，有幾可有同過父母講甚至叫佢地進入體驗下呢
@@boystory_ 不如當母親節SPECIAL
其實當我聽到emon媽媽接受完emon喺女僕cafe的第一次服務之後，第一個反應係聽到「讀咁多書原來做類似餐飲」，我個心都同emon一齊揪咗下咁，因為好體會到自己所熱愛、投入嘅事好似被否定咗咁，而向父母解釋的過程又需要好大勇氣，不過最後emon媽媽都係怕emon好似自己咁辛苦先咁講
@@boystory_ 可以當係同父母另類「出櫃」嘅影片，涉及唔同世代嘅現實期望與理想追求上嘅差異及矛盾。
多謝大家嘅comment🥹我全部都有睇(⁎⁍̴̛ᴗ⁍̴̛⁎)💜!!
當初因為知道自己唔夠好睇 所以都掙扎左好耐拍唔拍 結果比我想像中warm好多好多🥲🥲✨多謝你地✨ 我同屋企人都會加油👶🏻🫶
收到好多人msg話睇完我嘅故仔都想勇敢追夢盡力一搏，其實我同好多人一樣都重係夢想嘅起點，我重未係特別叻，但係可以為到大家打氣我真係好開心🥹🥹👊🏻你地要加油啊頂住啊🥹👊🏻
另外就係，希望睇完嘅你都可以慢慢踏出同屋企人溝通嘅一步👶🏻🫶
我最近先突然間有實感係 係喎我媽咪已經60歲。佢有cancer之前一年淨係休年三十初一初二 初三開始就繼續做到下一個年三十，人生超過一半嘅時間就留左喺個檔口到。我地真係錯過左好多好多相處嘅時間。
今個月尾我地就第一次一齊去旅行啦，到呢刻我都係勁驚佢會呢樣個樣接受唔到，但話唔定我又係先入為主左覺得佢唔OK, 媽咪冇我想像中咁抗拒新事物呢。大家等我好消息👊🏻✨
喺度都放低我IG同Threads比大家(⁎⁍̴̛ᴗ⁍̴̛⁎) @lumos_emon
謝謝Millmilk 謝謝Sam 謝謝其他工作人員
謝謝你地 我地有緣廟街見(⁎⁍̴̛ᴗ⁍̴̛⁎)👊🏻🩷
多謝你哋接受訪問～
大家一齊加油
姐姐 你同你屋企人身體健康
開開心心❤
你己經做得好好，有夢想，愛媽媽，加油。
帶家人一齊去看著外面嘅世界，加油
加油啦
12:00 當你還擔心阿媽會不會嫌棄你做的這份工，媽媽第一時間是關心你跪着膝蓋會痛嗎。
好鍾意Emon呀。性格好好，個人好真唔造作，又獨立！佢媽咪完全係一個傳統慈母👍🏻👏🏻。父母都想子女讀好多書，想仔女做高人工但悶嘅工，合理期望。我班舊同學讀好多書但全部做哂full time媽媽，如果係咁睇法豈唔係話佢哋唔得學以致用？雖然讀書有佢用處，但最重要都係自己喜歡做嘅先會走到落去又生活得開心
emon😭😭😭❤️❤️❤️❤️❤️ 佢係我識嘅人入面數一數二嘅好女仔，佢非常勤力可靠不特止，仲要非常照顧身邊嘅後輩，一直都覺得佢係一個女強人，所以非常感謝MM可以借此機會介紹佢比其他大眾認識！因為佢真係好值得有呢啲機會，之後要繼續加油啊，超級無敵勁支持你😭😭❤️！！！！
我好鍾意佢性格, 夠率直及真. 唔會作狀又唔會扮嘢. 同佢以前名校同學比較我覺得更加善解人意及體諒. 佢做大排檔可以睇到人生百態, 有美麗及醜惡, 令佢唔會容易被人呃.
讀書唔成唔緊要，最緊要唔好學壞，三個仔女大個成材，辛苦咁多年值得😊媽媽年紀大唔好太操勞，身體健康最重要🥰
想睇sam 做一日女僕支持區
大家好多都係睇MM片餸飯，唔好咁樣⋯⋯
@@clpro真係啱唔好咁啦😂
唔駛咁搞啦，搵其他女同事做好過啦。
Sam同埋MM男同事做執事好過啦。
唔好啦
舉腳贊成😊
實在不能理解點解要因為人既出身、家庭去取笑別人，每個人都有唔同既經歷，背景，都係需要尊重，有值得欣賞既地方，希望呢個世界可以多一份欣賞多一份體諒，同理心。 睇得出Emon受媽咪影響，養育左一個唔怕辛苦，堅強又可愛既女兒。 加油💪🏻
人本來就係咁無愛，咁不懂欣賞，讚美！
佢小學老師咁衰，枉為人師表😒
希望Emon媽咪身體健康🤞🏻媽咪安慰，三個仔女都做緊自己鐘意的事👍🏻
以前好多老師都係咁，淨係錫啲叻嘅😂不過，而家可能都係
不嬲d老師係咁
呢啲白鴿眼老師要開名😒
廢材老師
讀傳統名校通常都係咁，因為主要係啲中上家庭入讀，裡面啲老師更加睇唔起基層😢
我小學果陣有個女同學係響街市賣魚，佢讀一般班，而我讀精英班，但係佢收錢寫單計數超快！我呢個玩奧數的小薯都自愧不如，果陣我覺得呢個同學係全世界最型既人。
好慶幸呢條大部分留言都係正面，只能講唔尊重人等於唔尊重自己😊
佢媽媽好好👍教育好好，不可以有得喲仔女變壞，沒有罵人仔問自己囉錢，讀不到書供外國學潛水等搵到自己興趣，等自己改過，做媽媽不想仔女學壞感到滿足，3個仔女都做緊自己鐘意做緊野😁好好安慰
特別喜歡MM從年輕人角度表現勇於追求理想的影片，這樣會助於了解不同世代的價值觀與期望。MM勁抽，Emon加油！
多麼有愛的一家人啊！他們都非常勤奮並且非常幸運能夠互相珍惜。
見到有一幕Emon媽媽行得比較慢，可能腳痛，同我媽媽一樣。其實大部分媽媽都覺得子女永遠都唔夠，永遠付出最大最多比佢地，自己就算幾痛都唔會講。希望各位抽多啲時間，陪媽媽食飯傾偈，呢個就係母親節最好禮物。
其實可以刪左每個。。。唔係每個兒女好似你同emo咁幸運
@@OnOn-qo5eb你啱 改左大部分
會長是女僕大人真實版，好期待。
政確版/neflix 版
@@f56742 200公斤指住人個鼻.jpg
Emon媽，真喺好偉大好堅強！睇到我都喊埋，祝你身體健康，永遠開心快樂，仔女都大個啦，唔使再咁擔心佢哋再咁操勞。
相由心生！Emon媽媽是慈母，好錫仔女，好過那個何太，母親節快樂！
拎何太,同Emon媽媽比,侮辱左Emon媽媽
@@jackypoon8348 係新何太
emon好真，性格好好，成家人都好溫馨，依個故事做得好好，好感人 sam抵讚，阿京旁白都好有感情，支持👍
先祝願Emon 媽媽身體健康🍀。
主題應該改做「偉大的平凡母親」
三兄妹可以健健康康追夢，完全因為一個完全捨棄自己，只會無條件為3個仔女付出既好媽媽。養兒100歲，長憂101。Emon媽媽充滿愛、溫惋冀盼既眼神與聲音，希望你哋幾兄妹銘記在心，好好活出人生，做一個心正既人。可以既話，讓媽媽減少工作，多點作息。祝福你們一家人永遠快快樂樂！🍀
媽媽好偉大👍付出自己一生養育3個仔女。而3個仔女亦發揮所長，能夠做到自己鍾意做既野仍不容易。另外從母親眼中，仍然看出她對女兒在工作上的不放心。🤭
我食咗榮發大排檔最少七年啦，每次都覺得好好食，多謝Sam 介紹背後嘅動人故事👍👍
我屋企(父母經歷)都同Emon佢好似啊﹐所以都幾有共鳴。但我自己就因為好驚蟲﹐完全做唔到依行﹐幫唔到佢地手......好開心睇到Emon咁孝順媽媽﹐加油啊!!!!
❤好感動😭 做咗人哋阿媽先知道原來媽咪好偉大
祝各位母親節快樂呀🎉🎉
媽媽好勤力好錫仔女, 父母都係擔心仔女生活艱苦過得唔開心, 現在仔女找到自己喜歡的工作, auntie可安樂, 祝auntie健康快樂.
我爺爺嘅諗法同Emon嘅媽媽諗法一樣 (所以佢斷晒我哋做飲食嘅路...不過我細妹堅決做自己，讀完書再走入廚房)
我覺做飲食唔可恥，反而做呢一行做得耐又做得好嘅人，全部都好勁. It's a daily grind and you gotta have the right mentality and physical in order to survive in food industry.
雖然諗唔到依家仲有名校嘅老師有咁狹窄嘅眼光，但係我睇到Emon身上有grit, 對自己鍾意嘅嘢有熱情，唔會作狀, 而且有膽量呀😎
希望Emon媽媽身體健康~ 一家人過得開心快樂平安
媽媽最愛的女兒～倣了自己最愛工作～也有自己理想～只要努力就係最大成功謝分享～不一樣生活
我真係好佩服......因為咁ge環境下都可以有兩個香港大學生 其實係好難ge事
我係香港讀書個時已經知道冇可能入到大學, 都係去外國先入到同好辛苦咁先畢到業
香港要多啲呢啲甘有人情味嘅故事，多謝emon，多謝emon 媽媽，多謝mm
Emmo好型，保護其他同事。我有咩未見過
SUPPORT！ 依家3個囝囡都咁大，希望母親可以唔駛咁辛苦，好好抖下
今集真係好睇, 好有意義❤個女重後生,支持下去啦
Emon反差萌都好正。女人有好多面。
講起東京喵喵，我屋企有幾隻takara換衫公仔，分別有草莓、薄荷、香菜、步鈴
首先香港人好難接受好可愛 ，造作，好嗲既野！再同佢地講大牌檔反差萌！媽媽捱大佢地,進入佢世界的故事！從而引起觀眾共嗚 ，呢個題目好難做，但mm既制作從來都創新，多元化，多角度！認識多啲不同文化，唔係只睇女僕靚唔靚
真係難做🥲多謝你
咁細個就要面對社會嘅現實,但都冇俾佢哋嘅影響到,仍然做緊真實嘅自己,好叻!好勁!
雖然媽媽好偉大,但都唔應該將自己嘅希望擺喺仔女身上,佢過得安好就好了,不是嗎
平淡平實但是很感動。
依集好溫馨 香港就係咁樣🥹
型又得可愛又得🥺支持！另外祝媽媽身體健康！
emon媽媽好偉大
大排檔look好型❤
メイドカフェ係要體驗女僕嘅態度，而唔係去金魚缸揀女，你要靚女嘅就去包明星，包唔起，冇咁嘅財力就請你收皮
都唔明點解咁多撚樣喺度對人評頭品足，自力更生又唔係偷呃拐騙。加油💪
啱呀,其實做到女僕專業嘅態度都唔容易架
何況覺得呢個唔靚唔想對住,唔代表其他人唔可以架嘛,受眾唔係你啫...
呢啲先係正確態度🥹d人真係唔識
其實你講留咗一樣嘢，服務同款待都係一項關鍵。如果服務同款待得唔好，其實留低都冇意思。
Sam
媽咪，苦盡甘來，祝福你一家平安快樂
其實依家同以前真係唔同打份牛工，坐寫字樓日日被老細小，我覺得反而係讀咁多書都係咁。唔爛賭唔爛䭈唔吸毒，已經係一個好好嘅人。
而家其實做咩工都差唔多人工除非比較專業，以前家庭觀念都覺得讀大學就要舒服做寫字樓，實際做過996，而家轉左工起碼人工高左，又有自己時間😂
原來呀媽先係主角，感動！
冇錯😂😂
女僕大排檔都得
母親節特集，說出不少父母對年青人的心聲，讃!
全力支持呀Sam去maidcafe做一日限定🤣👍
男仔都可以做maidcafe工作ga
剛剛食完大排檔晚飯就即刻有呢條片推比我，頓時開闊了我的想像力🤤🤤😋😋
Emon加油！又靚女又醒目又堅強，希望你地一家人都平安喜樂
Respect，二哥睇到我都眼濕濕
一條精彩的影片 一個動人的故事 有親情 有溫馨 有夢相 ，只要自己認為值得及正確的事就去做吧 感謝影片製作及分享😊至於那些攻擊的言論，對自己有改善及幫助又接受到的話咪睇…其他無謂或無理的，就當放屁💨一樣好了 不用將它們放在心上
佩服及敬重伯母
Sam好勁，將殘酷世界故事拍成片。
拍得好好，尤其是可以令到嘉賓講到好多感受
母親真偉大，仔大女大各有理想，母親以可以放心❤
佢地3兄妹，海陸空都撈齊哂，好野❤🎉Emon媽堅勁
fully support her to chase her dream......wish her all the best.
女僕份底薪好低,要靠合照cheki抽成,主要都係當興趣,甚至聽過影CHEKI的相機相紙要食自己
12:22 「啊~~~~~」勁可愛😆🥰
4:57 點解唔影佢d海膽🤣🤣🤣
感謝 MM 拍這個題材
感謝 這家庭 分享
您媽媽的一句話 說出我媽媽同齡人的心聲
唔好學壞
陪伴您們的時間少 因為要搵錢為生活 (ㄒoㄒ) (づ￣ ³￣)づ媽媽
好感動，大家要孝順父母❤，我已經無機會了!
雖然對cafe題材冇興趣，但成條片都好感動👍👍好睇
我想講大排檔一啲都唔失禮，反而好實在好需要，諗諗第時食緊啲速食料理包你就知大排檔啲鑊氣炒出來嘅新鮮嘢有幾咁緊要
尋日係maid day, 今日出maid片, 正👍🏿
仲有Emon好型❤❤
如果另一半屋企開大排檔一定大飽口福
母親好偉大🎉,孩子們也好乖❤❤;加油!要孝順母親大人!
有機會互相了解好難得，其實母女两人都開心。
Emon應該好proud of 你屋企！大排檔先正！支持！🫶🏻
Support, 條片好heart warming
新概念！女僕大排檔work唔work?
個囡做女僕係興趣，媽媽唔洗擔心。仔囡可以做自己鍾意嘅野啊媽真係好偉大。
母親節睇呢集真係眼都濕埋
真係恭喜佢地一家，苦盡甘來
媽媽好偉大❤
一個勵志嘅女仔、勵志嘅家庭，加油❤
🥸🥸廟街 女僕 大排檔 有冇得諗？🥸🥸
全家都好利害，行動力100，有拖延症既我學到一半就好😶🌫
Thanks for sharing such inspiring story of a beautiful and hard working family!
睇完施萌萌魔法然後一轉6:40又係落單感覺都幾好笑😂
好感動❤加油❤
做人最緊要做到自己想做嘅事💪🏻💪🏻
Proud of you three siblings to have a very very kind and hardworking mum 💝💝
emon 媽媽真心好
美不美雖然有著大眾普遍標凖，事實上更多時候是看個人審美傾向。以大眾標凖來說外表出眾固然可以更容易吸引人的注意，但是一個人的內涵在人與人之間相識相處更為重要。相由心生，一個人的性格品行會直接影響到一個人的氣質和行為，品行惡劣的人無論外在條件如何出眾也會反映在本人身上，實際上醜陋至極，使人心生厭惡，感到噁心想要遠離。特別是開口埋口直接以外表抨擊她人甚至罵人貶低她人職業和人格的傢伙，說人前先照照鏡子，你連把自己相貌公開實名出鏡的勇氣都沒有，只能在網絡上當鍵盤俠宣洩自己的陰暗心理和負面情緒，無論你富有與否，外在條件出眾與否，都不能掩飾你心靈內的醜惡，你和我一樣，只是一個懦夫
12:24 Emon大叫好搞笑🤣❤️
抵讃既叻女冇學壞 心態平常心
一句我係廟街有乜未見過,型呀😝
睇到喊，媽媽好偉大。女兒好生性
做自己鍾意嘅事，叻女❤
好感人，加油Emon 😊。佐敦鄰居上
我想幫個椒鹽鮮魷施魔法😂
1:42 - 傳統名校喎，依蕉啦，好在小姐你做人有自己態度，冇被同化，你生活精彩。
就算Band3啲老師都係咁，一路都冇變過
老師會睇你屋企地址，對你有唔同嘅態度，尤其遇上操行問題嘅時候就會最明顯感受到態度上嘅分別，佢哋根本就係攀附權貴欺壓基層
條條大路通羅馬，加油😊👍
個阿媽真好。
多謝MM, 睇到我好掛住我阿媽😢
Emon 加油呀💪🏻💪🏻💪🏻
阿女好緊張，阿媽快到，好真實
佢對眼真係好大！好適合做女僕。👍😁
阿Sam句假咨詢我笑咗😂