"Санаабар Ыттаммын" слова Тумус Мэхээлэ музыка Анатолий Пахомов
HTML-код
- Опубликовано: 27 апр 2024
- ЧЭ - чуоккай ырыа.
Студия ЧЭ рекомендует
Если блюз, то это группа "Хаhыы". Настоящий блюз в душе каждого якута. Музыка, просящаяся на волю, к народу... Именно такую музыку исполняет группа "Хаhыы", основанная в 2021 году в селе Сунтар. Наставниками музыкантов являются Юрий Спиридонов "Сиэн Тиитэп" и легенда якутского рока группа "Айтал".
Все свои песни они сочиняют сами. Притягательные, загадочные, энергичные ... любимые фанатами, а их не мало. Состав группы "Хаhыы" - соло гитара, вокал - Анатолий Пахомов, ритм гитара - Арнольд Ордахов, бас гитара - Владимир Константинов, клавишные, бэк вокал - Нюргун Данилов, ударные, бэк вокал - Юрий Иванов.
Студия "ЧЭ"
Соло гытаара оһуобай😮
Олох чуоккай
Если блюз, то это группа "Хаhыы". Настоящий блюз в душе каждого якута. Музыка, просящаяся на волю, к народу... Именно такую музыку исполняет группа "Хаhыы", основанная в 2021 году в селе Сунтар. Наставниками музыкантов являются Юрий Спиридонов "Сиэн Титээп" и легенда якутского рока группа "Айтал".
Все свои песни они сочиняют сами. Притягательные, загадочные, энергичные ... любимые фанатами, а их не мало. Состав группы "Хаhыы" - соло гитара, вокал - Анатолий Пахомов, ритм гитара - Арнольд Ордахов, бас гитара - Владимир Константинов, клавишные, бэк вокал - Нюргун Данилов, ударные, бэк вокал - Юрий Иванов.
Студия "ЧЭ"
Здорова, иду из тренажерного зала в Германии и слушаю эту песню,случайно наткнулся в RUclips
Какой это язык ?
Республика Саха Якутия язык Саха
Саха
Алҕаатаҕым буоллун
Биһиги көлүөнэ тыас-уус дорҕоонньуттара - ааспыт ХХ үйэҕэ аан дойду муусукатын эйгэтигэр 1970-1980 сыллардааҕы саамай биллэр рок бөлөхтөр айымньыларын истэн улааппыт дьоммут. Олортон чопчулаатахха, ырыа ыллыы-ыллыы, гитараҕа сольнай партиялары оонньуур мусукааннар Пол Маккартни, Эрик Клептон, Девит Килмер, Гари Мур, Билли Гиббонс, Марк Фройдер Нопфлер, ону сэргэ Сэбиэскэй Сойуус саҕанааҕылартан Владимир Кузьмин уонна да атыттар бааллара.
Бүгүн «Хаһыы» бөлөх гитара тээбиринньитэ, ырыаһыта Анатолий Пахомов туһунан киэҥ эйгэҕэ, дьоҥҥо-сэргэҕэ билиһиннэриэхпин баҕарабын.
Кини Сунтаар улууһуттан төрүттээх. Толя бэйэтэ кэпсииринэн, 2007 сыллаахха улуус киинигэр баар муусука оскуолатыгар үөрэнэ киирбит. Онно кини Саха сирин култууратын үтүөлээх үлэһитэ, «Айтал» бөлөх салайааччыта, сахалыы барааннаах, кэрдэр, дэгэрэҥ, тыын тэтимнээх хайысхалаах толоруулар, үгүс ырыалар ааптардара Юрий Николаевич Спиридонов-Сиэн Тиитэп үлэлиир салаатыгар дьарыктанар.
Сиэн Тиитэп ол үөрэнэ киирбит оҕолортон ким ханнык тээбириҥҥэ сыстаҕаһын таба көрөн аттартаан, дорҕоон, тэтим, тыас-уус кистэлэҥнэрин арыйталаан биир бөлөх тэрийэн таһаарар. Ол онтон саҕалаан Толя гитараҕа күүскэ дьарыктанан, 2012 сыллаахха оскуоланы этэҥҥэ бүтэрэн, сайын дьоллоох Дьокуускай куоракка кэлэн, бастаан Саха сирин муусукаҕа үрдүкү оскуолатыгар биир сыл үөрэнэр. 2013 сыллаахха М.Н. Жирков аатынан муусука кыһатыгар гитара төрүт көрүҥүн салаатыгар үөрэнэ киирэр. 2017 сыллаахха үөрэҕин бүтэрэн, төрөөбүт Сунтаарыгар кэлэн, муусукаҕа үөрэммит оскуолатыгар гитара хайысхатыгар эмиэ бэйэтин курдук талааннаах оҕолорго үөрэтээччинэн үлэлии-хамсыы сылдьар.
Толя гитараҕа оонньуурун таһынан ырыа суруйар, матыып айар, ырыа аранжировкатынан дьарыктанар. Холобурга матыыптаабыт ырыаларын ааттаатахха: «Санаабар ыттаммын» - Тумус Мэхээлэ тыла, «Киһи күннээх» - Тумус Мэхээлэ тыла, «Билэр билбэт» - Тумус Мэхээлэ тыла, «Хаһан ханна да буоллун» - Тумус Мэхээлэ тыла, «Этэр эҥин санаам» - Тумус Мэхээлэ тыла, «Сэмэйдик» - Оһуохай Уолун тыла.
Мин ырытар ырыам «Хаһыы» бөлөх толоруутугар «Санаабар ыттаммын» диэн.
Бу ырыа Тумус Мэхээлэ тылыгар айыллыбыт. Толя - матыыба. Арҕаа омуктар рок-н-ролл көрүҥнэринии матыыптаах, чэпчэки тыыннаах ырыа. Хоһооҥҥо матыып айар ылбычча табыллыбат, үгүс ырыа суруйар дьон ону билэллэр. Матыып айылларыгар хоһоон тылыттан-өһүттэн, тыл сүһүөххэ арахсыытыттан улахан тутулуктаах диэтэхпинэ сыыспатым буолуо. Ол кэннэ аны оонньуур тээбириннэргэ аттаран, ханнык тээбирин туох партияны толоруохтааҕын, толорор кэрчигэ хаһыс тактан саҕаланарын-бүтэрин бэлиэтээн, тээбириннэр тыбыл (частотнай) алтыһыыларын барытын чопчулаан, бөлөх толору оонньууругар таҥан таһаарыллыахтаах.
Тыл матыыпка олороругар тыын тэтимиттэн ураты тэтимнээх толорууларга саҥарыллар суолтата кэһиллиэ суохтаах. Сорох ырыалары иһиттэххэ, элбэх сүһүөхтээх этиини матыыпка аттаран, батара сатаан, аһаҕас дорҕоону араастан кылгатан, уһатан сүһүөх арахсыытыгар бүтэй дорҕоону күүскэ бэлиэтииллэр (акцентированиелыыллар). Ол түмүгэр толорооччу туох туһунан этэ сатаабытын истээччи киһи дэбигис өйдөөбөт. Холобура: ылар, ыллар, ылаар, турар, тураар, туурар диэннэргэ тыл өйдөнүллэр суолтата, кэмэ, ким тугу гынара, харахха ойуулаан көрөргө төһө ырааҕа, чугаһа иннигэр-кэннигэр атын тыла суох чопчу өйдөбүлү биэрэр.
Ону кэһии түмүгэр, холобур, «кэрэ кыыс эн ааккын мин ааттыыбын» диэн этиини матыыпка «кэрэ кыс эн аккын мин аттыыбын» диэн толороллор.
“Кэрэ кыс” диэҥҥэ “кэрэ” диэн өйдөнөр. Оттон “кыыс” дуу, “кыс” дуу? Кыс диэн тыл туттуллар этиилэрэ - маһы кыс, кыс хаар ортото.
“Эн аккын” диэҥҥэ “эн” диэн эмиэ өйдөнөр. Оттон «аккын» диэн? Аккын диэн тыл туттуллар этиилэрэ: аккын мэччирэҥ ходуһатыттан тутан аҕалан ыҥыырдаа; аккын наһаа соруйума, айаныҥ ыраах. Оччотугар туох диэн өйдөнөрүй?
“Мин аттыыбын”. Бу этии хайдаҕый? Атыыр сылгыны аттаатаххына ат буолар. Атыыр оҕуһу аттаатаххына ат оҕус диэн буолар.
Дьэ, итинник толорууну матыыпка ырыа быһыытынан иһиттэххэ, киһи сөҕө сатаан баран кэлэйэр майгыта үөскээн тахсар.
“Кэрэ кыс эн аккын мин аттыыбын”...
Ол аата, истээччи “ырыа иэйээччитэ (лирический герой) кэрэ бэйэлээх ким-туох эрэ “кыс” миинэ сылдьар атын (ат аттанан ат буолар) өссө иккистээн аттаабыт” диэн өйдүөн сөп.
Оттон «Санаабар ыттаммын» ырыаҕа тыл матыыпка олоруутугар, ылланарыгар сүһүөхтэрэ арахсыыта, бүтэй уонна аһаҕас дорҕооннор хоһулаһыылара, истээччигэ чопчу өйдөнүллэр гына аттарыллыбыттар. Ырыаһыт куолаһа бөлөх аатыгар дьүөрэлэһэр.
Эр киһилии хаһыытааһын майгыта баар. Ити майгы ырыаҕа толору иһиллэр. Хос ырыатыгар тылыгар сөп түбэһэн куолас арыый намырыыр.
Толоруу ис хоһоонугар ыра санаа, баҕа санаа сүргэтэ (настроениета), интонированиета сөпкө туруоруллубуттар.
Бу толорууга аһаҕас, бүтэй дорҕоонор хоһулаһыылара кэһиллибэтэх. Толорооччу истээччигэ туох туһунан ыллыыра чуо бааччы өйдөнөр, ырыа тыллара чопчу иһиллэллэр, барыта дьэҥкэ.
Аны гитараҕа оонньооһуна, ыллыы туран туох даҕаны сыыһата-халтыта суох толоруута - туспа суол.
«Хаһыы» - блюзтуу истиилинэн оонньуур бөлөх. Бу истиилгэ оонньооһун сүрүн тээбиринэ - гитара. Толя гитараҕа уустук партиялары оонньуу-оонньуу бэйэтэ суруйбут ырыаларын толорор. Бу мээнэ мусукааҥҥа кыаллыбат майгы буолар. Биллэн турар, онуоха сүрүн киһинэн оҕо интэриэһин сөптөөх хайысхаҕа туһаайан олук уурбут, үөрэппит-такайбыт маҥнайгы уһуйааччыҥ буолара саарбаҕа суох.
Оннук киһинэн Толяҕа айылҕаттан талааннаах, сахалыы тыыннаах ырыа, дэгэрэҥ толорууларын маастара, тыыннаах доҕуһуол дэгиттэр тээбиринньитэ Юрий Спиридонов-Сиэн Тиитэп буолар.
Киһи олорорун тухары үөрэнэр дииллэр. Толя ону батан бэйэтин олоҕун суолун булунарыгар гитара диэн тээбирини баһылыырга анал үөрэх кыһатын бүтэрэн, билигин бэйэтэ, үтүө үгэһи салҕаан, муусука алыптаах эйгэтин ис кистэлэҥнэрин тыа сиригэр баар талааннаах оҕолорго арыйан үөрэтэ-такайа сылдьарыттан биһиги көлүөнэ мусукааннара сэмээр хайгыы көрөбүт уонна кини курдук ыччаттардаахпытыттан астынабыт.
Толяҕа дьаныардаах үлэтигэр тулхадыйбат тулууру, сыратыгар сылайбат сындааһыны, тус олоҕор дьолу-соргуну баҕаран туран алҕаатаҕым буоллун.
Леонид ИВАНОВ-ЛҮҤКҮР.
Уникальнай туспа стиллээхтэр👍👍👍😍 интеллектуальная музыка