زغلول الدامور اجمل افتتاحية ****حفلة بيت مري جوقة القلعة وجوقة الزغلول
HTML-код
- Опубликовано: 27 фев 2019
- اعْذِريني يا حْروفِ الأبْجَدِيِّة إذا ما بَعْمُلِ الواجِبْ عَلَيِّي
خْسِرِتْ خَيِّي اللِّي مِفْضل عَ اوْلادي وْعَلَيِّي
مِتِل إمِّي وْمِتِل بَيِّي
خَمِس ساعات صارْ لُو .. مِشْ زْيادِة
ما حالُّو يِبْتِدي النِّسْيان فيِّي
بْعزا خَيِّي رْجِعِت
عَزِّي فؤادي .. لأنِّي
بِعْتِبِرْ كِلّ شخْص مِنْكُنْ،
بَعْد ما مات خَيِّي، مْحَلّ خَيِّي
وْياقَلْعِة بيتْمِرِي الـْ ما بْتِجْهَليني
أنا إبْنِك وْإنتِ بْتَعِرْفيني
حِمِلْني والْدي مْنِ الشُّوف خِلْعَة وْنَقَلْني
مِنْ مَدينِة عَ مَدينِة
خْلِقِتْ بِجْدَيدْتِك وطْلِعِتْ طَلْعَة
تـَ شِفْت الشَّمْس أوطى مِنِ جْبيني
وْمِنِ الشِِّعَّار !!
كَمْ شَلْعَة بِشَلْعَة مِشُو خْواريف عَ شْمالي وْيَميني ..
ياقَلْعِة بيت مِري ..
لَوْ ألْف بَلْعَة عَطَيتي لـَ لِتْحَدَّاني بْعَريني
لـَ خَلِّي الصَّوْت
مِن قَلْعَة لـِ قَلْعَة .. يِدْوي
مِتِل قِنْبِلْةِ الـْ فَجَرها الأميرْكانْ
بْهيروشيما الحَزينِة
وْيا سِنْةِ الْواحِد وْسَبْعينْ
كُوني الْحَكَم بَيْن القَساوِة والْلُّيونِة
اسْهَري، عَ جَوقْةِ الْمَرْحوم، معْنا
مِتِل ما بْتِسْهَر الأمّ الحَنُونِة.
وْياموسى
بَعْد ما المِشْرِفْ
جَمَعْنا .. وْعَطَيْناكُنْ عَ عَشْرِ شْهور مُونِة
الْمُونِة خِلْصِتْ
وْنِحْنا رْجِعْنا .. اطْلُبوني يا يَتامى
بْتوجَدوني
اشْبَعُو ..
نِحنا قَبِلْ مِنْكُنْ شْبِعْنا
الْبِسُونا بْصِدِرْكُن
قونِة وْقونِة
احْصِدوا .. نِحْنا كَرامِتْكُنْ زَرَعْنا ..
اعْتَدْتُو تاكْلُوني بْلَيْل أعْمى ..
وْعَلى صْياحِ الدُّيوك
بْتِنِكْروني
********
وإذا بالْمِشْرِف، بْآخر قَصيدِة،
خَتَمْ(23) موسى عَلَيِّي
مِشْ بْعيدِة
أنا تْنازَلْت عَنْ حَقِّي وْعَطَيْتُو
وْعَ ذَوْقُو .. بَلَّشْ يْصِفّ الجَريدِة
وْعِنْد ما، بْآخِر الجَوْلِة، لَقَيْتُو
عَم يْدَبْدِبْ مِتِل طِفْلِة وَحيدِة ..
عْصَرْتْ دَمَّاتْ عاطِفْتي
وْسَقَيْتُو ..
لَقَيْتِ الضَّرْب أغلى مْنِ الطّريدِة(24)
نَفَخْ حالُو .. عِنْد ما انْكَبّ زَيْتُو !!
وْشَمَخْ بو الْحِنّ
بِجْناحُو النّبيدي .. وْبِدي يْعَرِّمْ عَلى أطْفال بَيْتُو
مِتِل مِطْرِبْ بِإيَّام الْحَصيدِة
وْ تـَ يِتْخَلَّصْ مِنِ غْرورو
دَعَيْتُو
عَ هالْحَفْلِة .. عَ هالْعَرْكِة الجّديدِة
اشْهَدُو عْلَيِّي .. وْ عَ هالْحَكْي الـْ حَكَيْتُو ..
عَ إيْدي تِحْرَم دْفوف الِمْعَنَّى
إذا ما بْبَّوِّس الْمَغْرور إيدي
********
وْيا أنْصار الزَّجَل والْعَبْقَرِيِّة
ضَروري تْناصْرُو موسى
عَلَيِّي
لأنُّو بَعِدْ بَدُّو كْتير يِطْلَع تـَ يوصَل عَ السَّماوات الْعَلِيِّة
ضَروري تْزَقّفولو بْكِلّ مَطْلَع ..
ضَروري يْشُوف جَنْبُو
الأكْثَرِيِّة
ضَروري عَ عْيونُو الضَّو يِطْلَعْ ..
صَلاة الصِّبِح أفْضَل مِنْ عَشِيِّة
أنا ناطِرْ خَمير الشِّعْر يِطْلَع
ما راحْ بِفْطَر عَلى لِقْمِة طَرِيِّة
وْإذا خِلْقي عَلى موسى بْيِطْلَع
تـَ إهْدُم طُور موسى عَ حَراجِل
وْقَبِل يارينغ إنْهيلُو الْقَضِيِّة.
*******
يا موسى ..
الحَظّ قَدَّمْلَكْ هَدايا .. وْبنالَكْ بَيْت عَ الأربَع زَوايا
نَصيبَكْ ..
ماتْ نِسْرِ الأوَّلاني
الـْ كَساكُن عِنْد ما كِنْتُو عَرايا
وْنَصيبَكْ ما الْتَقَيْنا بْجَوّ تاني
تـَ تِحْتَكِّ الشَّظايا بِالشَّظايا
وْنَصيبَكْ ..
بَعْد ما فِضْيُو القَناني لَقَيْتَكْ مِن بَقاياهُنْ بَقايا
أنا ..
لَمَّا الوَطَنْ كِلُّو دعاني تـَ غَنِّي
بالمَدايِنْ والْقَرايا
كَرامِة عَيْن وِلْفي الأسْمَراني
ما سَفَّهْت الشَّباب وْلا الصَّبايا
وْقَبِل ما الدُّرّ يِخْلَق عَنِ لْساني
لْبِسِتْ بَدْلِة زَغاليل النَّوايا
وْرِياشي ..
بَيْن أرزِة وْسِنِدْيانِة إذا بْيِتْنَفَّضُو بْيِبْنُو سَرايا!
عَطَيْت الشِّعْر، مِنْ روحي، مَعاني
صَرَخ لِبْنان: يا نِعْم الْعَطايا
وْإذا بْسَجِّل بِصَوْتي إسْطوانِة عَ صخْر الصَّم ..
بيصَفِّي مَرايا
أنا يوسِف .. أنا ألله اصْطَفاني .. أنا مْرَبِّي
الـ ْمَحى بْدَمُّو ة
الخَطايا
وْإذا موسى.. سْمِيَّك
عَ زماني بْيِجي
تـَ شَلّحُو لَوح الْوَصايا
يا زَيْن شْعَيْب يارِكْنِ الْمَباني
وْيا بِنْ حَمْدان ياصَقْر المنايا
وْإنِت يا حَرْب
ياخَزْنِة مَلانِة
لا تِهْتَمُّو بِتَحْليل القَضايا
أنا وَحْدي .. إذا بِسْرُجْ حِصاني
بِسِرْجو بْكَتِّف الأرْبَع مَطايا
وْعَناصِر جَوق موسى الكسِرْواني
الـْ عَشِيِّة شَرَّفُو أربَع فَوارِسْ
عَ بُكْرا بْيِرْجَعُو أربع ضحايا.
الله يرحمك يا زغلول الدامور فيك كبر الزجل ورفع اسم لبنان بالعالم اجمع والخوف كل الخوف ان ينتهي الزجل بنهايتك
الله يرحم ترابك يا زغلول
شبعو نحنا ابل منكن شبعنا لبسونا بصدركن قوني وقوني.... يالله عليك يا زغلول يا شاعر الأجيال، بدونك ما في زجل. الله يرحم طرابك. 🙏🙏🙏🙏🙏🙏🙏🙏🙏
عائيدي تحرم دفوف المعنى اذا ما بوس المغرور أيدي
رائع جدا
بالفعل قصيدة تاريخيه... لا يمل منها...
الزغلول شاعر لا يتكرر
الله يرحمك ويرحم خيك
من أشهر حفلات التحدي وأجمل ما سجلته القصائد للزغلول
دووم❤❤ لل
. چ❤😂
😅
من ارجل ماسمعت عايدي تحرم دفوف المعنى اذا مابوس المغرور ايدي
الله يرحمو
تحفة شعرية.....
الله يرحمك يا زغلول
حفله مابمل منها قد ماسمعتها وهي لي سببت زعل بين زعلول وموسى دامت ١٣ سنه
ليه حصل الزعل
لأنو اعطو الربح للزغلول؟
صديقي اجا الزعل بعد المدينة الرياضية على ما أظن مو بعد بيت مري
الحمدالله بعد ما بكيت
ليكو خلقت الدمعة .... لكن بعد ما نزلت .... الحمدالله
لأنو الحمدالله ... خيي ..
بعدو خيي
شاعر مبدع
صوت وحنجرة فريدة من نوعها شرقا وغربا انت يازغلول الدامور بين الرجال تاخذ الاول واسمهان بين النساء هي تاخذ الاولة صوتكم ابرالي عالمي يلذي عنده اعتراض يجاوبني
بتضل تحفة ولو فقدناك رحمك الله يا زغلووووووول
انها ملحمة ورائعة زغلول الدامور
في هذه الحفلة الشاعر جوزيف الهاشم أبدع بقصيدته العصماء
الله يرحمك.
بليز نزل الحفلة كاملة انا اشتركت بقناتك عن جديد
الماسة نادرة وفقدناها لكن نذكر منها لمعتها
يسلم تمك يابطل هون الشعر الارتجالي الجميل
صح
زجل بيت مري
موسى زغيب
الجيل القديم كلهم في ميزان واحد
@@husseinkallaa9522 100%
بعتبر كل شخص منكم من بعد ما غاب خيي محل خيي
كلام في قمة ااروعة
الله يرحمك يا زغلول الدامور فيك كبر الزجل ورفع اسم لبنان بالعالم اجمع والخوف كل الخوف ان ينتهي الزجل بنهايتك
الله يرحم ترابك يا زغلول