أزكى التحية (حصريًا2024)-كلمات:صالح الدوسي-أداء:عادل الشدادي
HTML-код
- Опубликовано: 10 окт 2024
- ( ازكى التحية )
ازكى التحية سلام الله بدهن العود مسكوب
مصافح ايدي على بيض النقا والطيب والجود
تكتب وترسل على الواتساب وسنابات ويوتوب
جُزءً كتب بالرسالة وجزء فيه النص مفقود
سلامك اللي نظر لو قلت لي في اللوح مكتوب
ماهو شريعة كتبها الله بدين اسلام ويهود
لاتبدي بوجه بين الناس متعبس ومقطوب
اضحك وسولف مع العالم بدون احجاج معقود
دماثة الخلق مع طيب الحكي والظن مطلوب
وش قيمة الادمي لاقفى وصار الوصل مسدود
الطيّب يطيب فعله للملاء ويصير محبوب
والله يجازي العمل من جنسه وللخير مردود
من يرخي اذنه ويسمع كل ماقد قيل منسوب
يضيق صدره ويملي جوفه ا من اضغان وحقود
حسبك من الله يا من قرّب البنزين ولهوب
يقدح زناد الفتن ويزيدها شعلة وبارود
العمر لحظة تعادل رشفة الضامي لمشروب
وبعدها تبتدي واحسب حساب النقص والزود
المسرحية ثلاث فصول والفصلين محجوب
تلاشى الأول بفوز ابطالها من غير مجهود
والفصل الآخر ببطن الارض ماهو حِدبً وصوب
أما من أهل الشقا وإلا من أهل السعد ي سعود
فصل النهاية مافاد العبد لا منه بغى يتوب
نهار تطوى السماء طي السجل للكتب وعقود
وعدًا من الله قريب ولا منه مناص وهروب
يوم التلاقي نهار العرض فيه الجمع مشهود
كلً بحمله يشيل اوزار منه العبد مكروب
و وجيه خلقه تفاوت في نهاره بيضً وسود
مثقال ذرة تصغارها لها حسبه و محسوب
ترّجح الكفة بالميزان ذا راصد ومرصود
لاشك وعد الله الصادق لعبدً مسّه لغوب
مفصلً بالكتاب المنزل وباصحاح واسنود
الظلم ظلمات يوم العرض ينصر كل مغلوب
من ظالم قد لحقه الظلم من غيّاب وشهود
وأنا لوجه الله الحي الحكيم الخالق انوب
ما لي سواك ألتجي به واطلبه ي خير معبود
كلمات / صالح الدوسي.
صح لسانك يابومعتز🌹
صح بدنك يا غالي و اسعدني وشرفني مرورك الكريم ❤
مبدع يابو معتز
تسلم ي غالي ❤
رائع ابو معتز مبدع بارك الله فيك
ونعم بالله ،، صح لسانك يابو معتز ابدااع ولا هو غريب منك يالحبيب 🤍
صح بدنك واسعدني وشرفني مرورك الجميل ❤
صح بدنك واسعدني وشرفني مرورك الجميل ❤
هذا الأداء والا بلاشي لاتبطي علينا بالجديد
❤️