إوعي تشتري أسبوتات لشقتك قبل م تشوف الفيديو .. شرح كامل
HTML-код
- Опубликовано: 25 авг 2024
- إعرف الفروقات وأنواع الاسبوتات قبل م تشتري
إنهاردة هنقارن بين كل الأسبوتات اللى معانا ده ونعرف الفرق بينهم
و إمتي تشريهم وليه .. ؟
فخليني أقولك إن مهم جدا .. قبل م تشتري إسبوتات لشقتك و تقرر تشتريها تكون عارف الكام معلومة دول ..
الإضاءه فى العموم بتتقاس بشدة إسمها لومين .. ولون الإضاءة بيتحدد عن طريق حاجه إسمها كيلفن .. كل م الإضاءة نزلت تحت الـ 5000 كيلفن كل م بقيت Warm أكتر
وكل م زادت ووصلت لـ 6000 فيما فوق بتبقى Cold اللى هي الإضاءه الباردة أو الزرقاء بمعني أصح ..
والموضوع مش بيتحدد بالمزاج كدة .. لازم أبقى عارف إمتي أقرر أستخدم إضاءه مائلة للون الأصفر .. و إمتي أستخدمها مائلة للون الأزرق أو الأبيض
وكمان مهم جدا تبقى عارف إزاي تحسب شدة الإضاءة المظبوطة لكل فراغ من فراغات الشقة بتاعتك .. يعني الرسيبشن غير غرف النوم غير المكان اللى هتذاكر فيه أو هتاكل فيه .. غير حتي الـ Living Room .. اللى بتقضي فيه معظم وقتك ..
طيب إحنا قولنا إن شدة الإضاءة بتحسب باللومين .. لكن قياس شدة الإضاءة بتاعت الفراغ أو المكان اللى هتنوره بيتحسب بحاجه إسمها اللاكس ..
وواحدة واحدة عليا كدة وهفهمك كل حاجه .. متقلقش
وعشان توصل لأفضل نتيجة إضاءة .. ومتبقاش عالية أوي و لا قليلة أوي لازم نلتزم باللى هقولهلوك دلقوتي ..
غرف النوم و الحمامات و المعيشة متزودش عن 200 لاكس
الرسيبشن ميزيدش عن 300 لاكس و ميقلش عن 200
المطابخ يفضل متقلش عن 300 و متزدش عن 500 لاكس كويس أوي
الممرات زي الطرق .. بالذات لو عندك طرقة طويلة فى الشقة .. كويس أوي 100 لاكس عليها .. عشان متبقاش عالية أوي
لو مكتب أو غرفة مذاكرة .. الإضاءة لازم تكون عالية شوية .. زي المطابخ .. و اظبطها على 500 هتبقى كويسة جدا ..
طيب حلو أوي لغاية كدة و الدنيا مترتبه و جميلة .. نحسب بقى إزاي الكلام ده .. و ايه علاقة اللومين باللاكس أصلا .. أنا أقولك
تعالى نفترض إن احنا عندنا رسيبشن عايزين نوزع فى عدد معين من الأسبوتات
أول حاجه هنشوف مساحة الرسيبشن .. وليكن 9x4 .. يعني 36 متر مربع .. واحنا قولنا ان الرسيبشن ميزيدش عن 300 لاكس .. هنضرب الــ 300 فى مساحة الرسيبشن اللى هي 36 .. يعني حوالى 10800 لومين .. نزود 10% كمان .. عشان الدهانات نفسها بتمتص جزء من الإضاءة يعني 11880 .. تقريبا 12000
هقسم الـ 12 ألف على شدة إضاءة اللمبة الواحدة أو الأسبوت الواحد و لنفترض 400 لوميون .. يعني محتاج 30 أسبوت فى الرسيبشن ده عشان يبقى متنور بطريقة سليمة .. لو إستخدمت طبعا أباليك أو نجف هشوف شدته قد ايه و أنقص عدد الأسبوتات ده..
وهكذا بنعمل كدة فى كل فراغ من فراغات الشقة .. الحمامات , المطابخ , غرف النوم , الممرات , و غرف المعيشة , ونراعي المكاتب و غرف الدراسة أو المذاكرة .. ؟؟
ولو عايز تريح نفسك ممكن تخش على الموقع ده وتديله شوية بيانات .. و هو هيحسبلك عدد الاسبوتات اللى محتاجها .. وهيقولك كمان الشدة اللى مجتاجها لكل مكان فى شقتك
www.vonn.com/b...
طيب إحنا كدة خلصنا و حسبنا حسبتنا و الدنيا زي الفل .. تعالى بقى للناس اللى اصلا مشطبه شققها و مش عارفه الإضاءه مناسبه ولا لا .. هتنزل الأبلكيشن
apps.apple.com...
ده وتبدأ تقيس شدة كل مكان .. و تراجع اللى قولتهولك .. يعني مثلا إحنا لسه حاسبين الرسيبشن على 300 لاكس و وزعناله 30 أسبوت شدة كل واحد 400 لومين ..
هتاخد 3 أو 4 قياسات مختلفة فى المكان على إرتفاع حوالي 80 أو 90 سم .. هيطلع معاك نتايج مختلفة .. إجمعهم و خد المتوسط .. وقارنه بالــ 300 .. لو الناتج طلع مابين الـ 200 و 300 يبقى كويس جدا .. و هكذا فى جميع الغرف ..
نيجي بقى للجزء التاني .. وهو إختيار الأسبوت المناسب للشقة بتاعتي .. طبعا أنا يهمني من الفيديو ده تفهم الفروقات الجوهرية اللى هتشتري على أساسها .. زي طريقة التركيب .. و طريقة الصيانة و الأوبشونات المختلفة مابين كل نوع و كمان الضمان .. مش هتكلم عن الإختلافات التانية زي الألوان و المقاسات .. لان ده حسب تصميمك والرسومات المعمارية بتاعتك بنظبطها ..
فيه نوعين أساسيين من الأسبوتات .. النوع اللى هو المدمج .. وده اللمبه نفسها بتاعت الأسبوت و الشاسيه حاجه واحدة .. باظت اللمبة .. الاسبوت كله لازم يتغير
النوع التاني الشاسيه بيبقى منفصل .. و تقدر فى اي وقت اللمبه فيه اتحرقت تقدر تغيرها ولو لسه جوه الضمان .. تبدلها عادي جدا ..
بالنسبة للنوع المدمج فيه منه الثابت .. اللمبه بتاعته ثابته .. و النوع التاني اللمبه متحركة تقدر توجهها يمين أو شمال الطريقة ده ..
طبعا المتريال بتختلف مابين المعدن و البلاستيك ..
نيجي بقى للمض .. فيه 3 أنواع أساسيين
نوع بيكون بيطلع شدة إضاه معينه مكتوبه على العلبة بتاعته .. و كيلفن معين .. لون واحد إنت بتختاره زي م وضحنا من شوية ..
النوع التاني .. لمبه بيكون فى 3 مستويات للاضاءة .. شدتها نفسها بتتغير ولكن اللون واحد ..
النوع الثالث .. الشدة ثابته ولكن الكيلفن بيتغير .. يعني اللون نفسه بيتغير .. ممكن تنور اصفر و ابيض و أزرق … بس كدة ده الفروقات الجوهرية ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تقدر تتابعنا على باقى المنصات من اللينكات ده :
Tiktok : www.tiktok.com...
RUclips : / @mahmoudmokhtar9561
Facebok : www.facebook.c...
Instagram : / mah.mokhtar60
Behance : www.behance.ne...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هدا كله اسمه التفلسيف الناس كانت عايشة بشمعة والحمد لله واليوم الناس اصبحت تحب البهرج والبدخ يعني ماكفاتكم شمس ونهار فوق 50 درجة حابين ترجعو الليل نهار.
................... ليش كل ما تطورت التكنولوجيا زاد التعقيد
ربنا يبارك فيك
جزاك الله خيرا
السلام ما هي أفضل نوعية سبوت الوان لو سمحت
فيديو وشرح رائع... تسلم و جزاك الله خيراً
انت رائع كلامك مفيد جدا .تسلم
ما شاء الله ربنا يبارك في عمرك ❤️
حبيبي ياهندسة
ال ٣ تكه وورم وابيض وتلجي احلي وحده فيهم الصراحه
كنت عايز اعرف شريط الليد بروفايل بتاع فينوس 20 واط بس ل240لمبه وفيه شركات برا تانيه الواط بتاعها 27و30 وانا هاعتمد علي الليد بروفايل كاضاءه أساسيه فتنصحني اجيب الشريط الليد ده بتاع فينوس ولا اشوف شركه ايه بدالها
الفينوس شركة كويسه و يفضل عدم الإعتماد علي الليد كمصدر اضاءه رئيسي
اكثر من ممتاز
فديو اكتر من رائع
الله ينور عليك
جزاكم الله خيرا وحفظكم ورفع قدركم
ممكن نصيحة لأضاءة السلم ايهم افضل شريط الليد اما الاسبوتات ارجو سرعة الإجابة
الاسبوتات او الكشافات افضل
ممكن تتكلم عن الاسبوتات المانع للتوهج
اي نوعيه يفضل من برا ابيض وجوا اسود وفيه انواع هالوجين ماتركب الى على الفريم المعدني كمان وهجها خفيف وسعرها رخيص بس لازم معها نور ابيض يكسر حرارتها مو كلها اصفر وجميله جدا ولونها اجمل من اغلا ليد
لو سامحت يا هندسه عملت سقف جبس بورد وعملت فيه قص للبروفين برسم عملتها أنا وجاء الكهربائي وقال غلط وفيه مشكله لوسامحت حللي المشكله ارسل لك الرسمه وعرفني أنا غلط ولا الكهربائي صح ارجو الرد
ابعتلي الرسمه
@@mahmoudmokhtar9561 بعت فيديو
مش عارف ابعت الصوره او الفيديو
مافيه سطوع اقل من ٤٥٠
لو سمحت انا جبت سبوت اكريلك 6وات ٣تكه بس مش عارفه ازاي اغير بين الاضاءات التلاته هوه مش جاي معاه اي حاجه غير الاسبوت بس هل كده انا محتاجه اجبله ريموت ولا ازاي احول بين الاضاءات
@@user-it8iv7nv9l كل تكه .. بتغير لون مختلف .. تقفلي و تفتحي لون .. تقفلي و تفتحي تاني لون تاني و هكذا
@@mahmoudmokhtar9561
اه فهمت حضرتك يعني اشيل الفيشه واحطها كل مره تديني لون صح كده
@@user-it8iv7nv9l مش تشيلي الفيش .. هو كل مره بتفتحي فيها النور و تقفليه من المفتاح بيغير اللون بتاعه
@@mahmoudmokhtar9561
تمام شكرا جزيلا لحضرتك 🙏🏻
الاسبوتات بتسحب كهربا كتير ولا لا
لو ليد لا
ممكن أعرف إيه أفضل نوع سبوتات في السوق؟
اليوس و فينوس كويسين بشتغل بيهم
طب والاسعار كام ؟
حسب كل مكان و حسب الخامه
طيب سوال لو انا عامل بيت نور مع الاسبوتات ازاى ادخل اضاءه بيت النور مع حسبه الاسبوتات 9:12
بتشوف شدتها .. وعموما متحطهاش ف بالك اوي لانها اضاءه جمالية أكتر
@@mahmoudmokhtar9561 تمام شكرا ليك جدا 🙏
سعر المتحرك كام
حسب كل مكان و حسب الخامه
شكرا جدا
الشكر لله
والله الواحد ماعارف يختار انه؟
إليوس كويس
ممكن تقولي افضل كلفن لاضاءة النجف لو الحيطه لونها بريز؟
من 4500 ل 5000 كويس
❤❤❤
كلام غير منطقي
كل حاجة صعبتوها علينا
اه والله😅
ممكن رقم واتس اتواصل مع حضرتك او اكونت فيس
01014602424