Это видео недоступно.
Сожалеем об этом.
انا مرتبي 3500 ج و طالب ايد بنتك ( شوف رد فعل ابوها )
HTML-код
- Опубликовано: 22 фев 2024
- الشب : سلام عليكم
الاب : عليكم السلام و رحمه الله و بركاته
الشب : ازاي حضرتك يا عم محمود
الاب : الحمد لله يا حبيبي .. مين
الشب : انا اسلام عادل .. زميل مروه بنت حضرتك ... معاها في الشغل
الاب : اه اهلا وسهلا .. ازيك يا اسلام يا حبيبي عامل ايه
الشب : الحمد لله انا تمام بخير والله
الاب : يارب ديما
الشب : الله يخلي حضرتك
انا كنت واخد رقم حضرتك من مروه .. و قولتلها تعرف حضرتك ان انا هكلمك
الاب : اه ياحبيبي هي كانت قايلالي انك طلبت رقمي.. تحت امرك اتفضل
الشب : والله ياعم محمود انا عارف ان الكلام اللي هاقوله لحضرتك دلوقتي ماينفعش يتقال في التليفون وكده .. بس والله غصب عني .. انا في تدريب تبع الشغل بره مصر .. و لسه قدامي شهر او اقل عقبال ماخلص الدوره اللي جي اخدها
الاب : ولا يهمك يا اسلام اتفضل . انا معاك
الشب : انا ياعم محمود .. طالب من حضرتك ايد مروه
الاب : ههه طب يابني ده طلب بيتطلب في التليفون
الشب : والله حقك عليا انا اسف .. انا بس من ساعة ماخدت القرار و انا متوتر و مش قادر انتظر لحد مانزل مصر و اعرف رأي حضرتك
الاب : ماهو انا برضو يابني لازم اقعد معاك و مع اهلك و نتعرف الاول .. مش ده الاصول
الشب : والله بأمر الله ان شاء الله بأذن الله هاكون عند حسن ظنك و اهلي مايتخيروش عنكم ناس طيبه و محترمه .. وحضرتك خد وقتك و اسال عليا و على عيلتي
الاب : طيب مش لما تعرف رأي العروسه ..
الشب : بامر الله ان شاء الله بأذن الله العروسه موافقه ..
الاب : ههه طب لما انت يا اسلام واثق من نفسك كده .. ايه اللي قالقك يابني و مخوفك من الانتظار لحد ماترجع بالسلامة
الشب : ان مش عاوز اعشم نفسي زي مرات كتيره قبل كده
اقابل بنت كويسه و اشوفها ام لاولادي و اتقدملها.. واهلها يعقدوا الدنيا عالطلبات و التجهيزات و الامكانيات الماديه
الاب : مم..اسلام انت بتصلي
الشب : الحمد لله
الاب : بتراعي امك وابوك
الشب : اسالهم عني
الأب : شايل نفسك و تعرف تشتغل اي حاجه عشان تجيب القرش
الشب : يا ما اتمرمطت عشان اكون قد المسؤليه
الاب : تمام يا اسلام . عرفني إمكانيااتك الماديه ايه
الشب : انا حضرتك ...
الاب : و قبل ماتقول .. عاوزك تقول اللي على قد طاقتك بالظبط لا اكتر ولا اقل
الشب : انا اولا لسه ماتثبتش في الشركه و شغال بعقد ..مرتبي ٥٣٠٠ و بشتغل مع والدي في المحل بتاعووا برضو عشان اسند الدنيا اوذود الدخل شويه
الاب : و ايه كمان
الشب : ومش معايا شقه ملك .. بس هأجر شقه اوضتين و صاله يعني كده
اما الجهاز فا انا بصراحه عاوز نتفق انا وانتم نجيب الحاجات اللي احنا هانستخدمها في حياتنا في الاول
يعني انا مش عاوز اكلفكم جهاز كتير و في نفس الوقت انا مش حابب اخش في ديون و دوامات الاقساط بتاعت الجواز
يعني مثلا اجيب اوضه نوم . و الاوضه التانيه نفرشها سرير واحد حتى عشان لو ضيف جالنا . و بلاش اوضه اطفال دلوقت لحد ماربنا يرزقنا بأطفال .. لان زي ماحضرتك عارف الطفل اللي بيجي بيفضل نايم وسط ابوه وامه لحد مايكمل ٣ سنين
ومن ضمن اللي الحاحات اللي مالهاش لزمه النيش بلاش نيش و لا صالون ولا انتريهات غاليه .. هي ركنه حلوة شيك قصادها شاشه بسيطه برضو ..و تلاجه تحفظ الاكل .. ومطبخ صغير في شويه الحاجات اللي هناكل و نشرب فيها انا و هي و لو في ضيوف جولنا
و مش ضروري سفرة .. ممكن نجيب طربيزه حلوة كده تشيل ٤ افراد
حتى الهدوم مش لازم نجيب هدوم تكفينا لمده ٣ سنين قدام ولا ٢٠ فوطة و لا ١٠ اطقم سرير ... نجيب اللي يكفينا في اول فتره الجواز
اما بالنسبه للفرح .. فانا هعمل عزومه كبيره للجماعه عندكم وعندي في الحنه
والدخله زفه عربيات
بس كده .. فانا عاوز اسمع رأي حضرتك في اللي قولته
.. اه و قبل ماحضرتك ترد
حابب اقولك ..ان ده والله ماقدرتي حاليا .. ووالله والله لو معايا اكتر ماعز حاجه عن مروه .. و اوعدك ان هاتقي ربنا فيها و كل ماربنا يوسعها عليا والله ماهستخسر حاجه فيها و اجبلها شقه اوسع و اجددلها جهازها كمان و اللي هي عاوزاه والله .. بس حضرتك تعتبرني ابنك وتقف جمبي في الاول عشان اعف نفسي و اتمنى من حضرتك انك توافق
الاب : وانا ايه مايخلنيش اوافق
الشب : يعني بجد حضرتك موافق
الاب : بصي يا اسلام .. طول مانت راجل و بتعرف ربنا و بتشتغل و قادر تفتح بيت ماقدرش ارفضك
حتى لو كانت امكانياتك بسيطه . ايه المشكله
الجهاز و الشقه و الحاجات ده كلها شكليات
بكره ربنا يكرمك و يوسع عليك و يرزقك بالاحسن
المهم انك تكون راجل و تخاف على بنتي و تكون حنين عليها .. بنتي كده كده شبعانه .. ولا هاتقولك هاتلي ده ولا اشمعنى فلانه.. وانا لا
ومش معنى ان بسهل معاك الامور .. ان بنتنا مش غاليه ..
انا بنتي ماتتقلش بكنوز الدنيا وفامش هقعد معاك اتمنها بشويه خشب و مصاريف مالهاش لزمه .. و عشان كده مش هاقف معاك على شكليات ..وانا لو عقدتهالك انت و الشباب اللي زيك اللي عاوزين يعفو نفسهم و يعيشوا بابحلال .. هايعملوا ايه في الايام ده.. وانا اهو بديلك كلمه .. اول ماترجع مصر هستناك انت واهلك .. عشان نتعرف كلنا على بعض و اللي في الخير يقدمو ربنا
أسلوب مش طبيعي حبيييييييييييت❤❤❤❤
أسطورة ✨️❤️
حلو اوي بجد
دي بقت مشكله
ربنا يعين الناس كلها يارب
طب انا عملت كده وهو كان موافق وكل حاجه وطلعت مين الكليه غصب عني علشنا اساعد امي وابويا راح قايل خلاص بدل منت طلعت خلاص 😢
استمر جميل❤