قصيدة سعاد نظم والقاء عبد العلي فيلالي بالحاج

[@bafilalfilalibelhaj]

يالي صلتي علغياد
بالزين والحسن لوخاد
زين ماهواشي عادي
اتاج لمحاسن والجود
الاول
جات صدفة وبلا ميعاد
ومدت لي كفوف التوداد
دون داك الواقف والغادي
تقول وحدي كاين موجود
==
فتن زيني تقاة لعباد
وحار فيه العادي والباد
منين قلت فالدنيا يا هادي
من ساعتي قدي مقدود
==
خليت ريق من راني هواد
وشاع امري في كل بلاد
فوعر الارض وفالوادي
عرق زيني سلسالو مجبود
==
ليلتها شفتك بحرف ملتماد
مهما زاد لمكان بعاد
ما تيقت شوف تمادي
بقيت لبها زينك مجبود
الثاني
نظرت بها زاهي وخاد
زاهي بين ناس سعاد
احبابي ومجمع سيادي
ناس الوهب وانا طايح مرفود
==
ودعت ليالي الرقاد
والعيون صادقها السهاد
لامن يرومني و يحادي
مجنون بشواق ماليها لحدود
==
قلت ليها الالة سعاد
وانا من طبعي معناد
لغاية ما ندرك مرادي
شهاداك مدلي ومحادي لنهود
==
وعات غرضي لالة سعاد
وفهمت القصد ولمراد
ولحيا كسا داك لخد النادي
تاه لحظها ولا عرف فين يلود
الثالث
ياترى الوقت كان تعاد
وما كانت مرا وولاد
كنت درت العشق ورادي
عشق لالة وكنت مبارك ومسعود
==
ما ندري لو لوقت سكاد
ولعمر فات ما ليه رداد
والتربة عن قريب تنادي
اما من جسد فالتربة ممدود
==
ينصرك ويعمرك بلاد
اسعد من حازك وسعاد
وانا تقوتي وطاعتي زادي
يسترني ربي يوم لعباد تعود
==
يا زهوة لنظام ولنشاد
ما نصفك لقلم ولمداد
ما خلفت الالة سعاد معادي
وفيت ووفيت بالقصيد الموعود