美國時間-王瑞霞

[@WBChen-zv2ir]

12384/《美國時間》Bí-kok Sî-kan
王瑞霞Ông Suī-hâ
------------------------------------------
愛是需要感動
ài sī su-iàu kám-tōng
愛是袂當衝碰
ài sī buē-tàng tshóng-pōng
毋免對我一直暗示
m̄-bián tuì guá it-ti̍t àm-sī
愛著你
ài-tio̍h lí
除非我青盲
tû-hui guá tshinn-mî
愛是慢慢培養
ài sī bān-bān puê-ióng
愛是袂當勉強
ài sī buē-tàng bián-kióng
你猶閣有真濟人選
lí iáu-koh ū tsin tsuē jîn-suán
我的心
guá ê sim
暫時無愛予人管
tsiām-sî bô-ài hōo-lâng kuán
我哪有彼个
guá ná-ū hit ê
彼个美國時間
hit ê bí-kok sî-kan
解救你相思
kái-kiù lí siunn-si
相思的操煩
siunn-si ê tshau-huân
你你你哪有
lí lí lí ná-ū
彼个美國時間
hit ê bí-kok sî-kan
纏閣纏纏纏我
tînn koh tînn tînn tînn guá
纏甲遐爾絚
tînn kah hiah-nī ân
我哪有彼个
guá ná-ū hit ê
彼个美國時間
hit ê bí-kok sî-kan
解決你感情
kái-kuat lí kám-tsîng
感情的困難
kám-tsîng ê khùn-lân
你你你若有
lí lí lí nā ū
彼个美國時間
hit ê bí-kok sî-kan
去做善事
khì tsuè siān-sū
換平安
uānn pîng-an
------------------------------------------
臺語正字/orthography請查見教育部《常用詞辭典》
→twblg.dict.edu.tw/holodict_new/default.jsp
注音請見(spelling-to-sound correspondences, see)
臺羅教學網→tailo.moe.edu.tw/