كلبونا شقرديه مافينا شوقر دادي | فهد بن فصلا | 2022

_________________
الحسابات الرسمية لـ قناة ابو يعقوب
‏ Whatsapp :
api.whatsapp.c...
_______
ياملكنا لمنها ثارت الهيه
دون راسك وراس محمد نفادي
قبل يرسل ولي العهد برقيه
عدنا فوق رجم طويق من غادي
صار له عند كل الشعب شعبيه
يومه محنك ومطنوخ وقيادي
تاج راس السعودي والسعوديه
دونهم لو تروح ارواحنا عادي
ابشر بروس ونفوسٍ فداويه
دون حد الوطن مافيهم حيادي
كلبونا على خبرك شقرديه
ماني بخابرٍ فينا شقر دادي
نطحة الموت عند الشعب عاديه
كنها الكشته اللي في طرف وادي
موتنا ماهو بموته طبيعيه
جو عج المعارك جونا الهادي
علموا من نوانا لعنبو حيه
يحسب حسابنا هجري وميلادي
ضربه السيف الاجرب الاستباقيه
ماهي بطعنه بسكين ردادي
/--/-----
اليا حصل فالعلم ربشه وارتباش
اسمع يابو وابن واخو ويا ويا
حوض المنايا بن سعد ماجت بلاش
بالدم الاحمر جات ياقلال الحيا
العزوه اللي كنّها بياض شاش
كل سعدي يموت فيها ويحيا
يوم البطون جياع والضمر عطاش
هوماتهم في نجد تذهل الاذكيا
ليا صمل فيهم راعي صمله وطاش
ولا ليا ولا ليا ولا ليا
في نارهم طاح العدو مثل الفراش
وعياله يعيشون من دون اوليا
---
ومايحسم الموضوع لا طال النقاش
الا اقويا ولا اذكيا ولاّ اسويا
مثل ابن ضبيه ناصر اللي مايناش
لاحاول الصامل ومقلوع النيا
--
عاش ابن ضبيه عاش راسه عاش عاش
من قو راسه قام ينطح الاقويا
اليا اعتزى بابن سعد والضد هاش
ماهو يشوف الصاملين الا غيا
يضرب على الكايد مثل ضرب الكلاش
من نجد لين عمان لا وادي قيا
لا جات حزات المصامخ والهواش
كنه يتمشى في شوارع تركيا
عظمه صليبٍ فاللقا ماهو هشاش
عيٍ على رايه وفي راسه عيا
قولوا لخصمه لا يحاول ماش ماش
لا ياخذ ذنوبه وذنب الابريا
من صادقه فرش له الجرهد فراش
ومن عانده يرجع وعنده فوبيا
----
هذا اخطبوط المرجله لا شاش شاش
فزعة بني عم ومعارف واخويا
من مربط العالم شرى الناموس كاش
بالعاديات اللي تعجز الاثريا
تقدح حوافرها مثل قدح الفلاش
واعلى نواصيها تشع من الضيا
واليا مشت تعطيك قوه وانتعاش
متغطرسه جدا وفيها كبريا
خيالها لا صار دوشه واندواش
ابن سعد ناصر نصير الاشقيا
هو الزعيم اللي له القمه فراش
زعامه ماهي زعامه مافيا
--
ابوه ابن ضبيه فهد ماهو بلاش
شيخ ماحنا عن فعوله باغبيا
من جاه ماعنده دخل ولا معاش
عود يزاحم فالعليا الاغنيا
حتى الغني لا صار فالوضع انكماش
ياقف معه وقفات مافيها ريا
ويوم الركاب مزرفله ولاّ عواش
تلقى الذرى والزاد والما والحيا
افعوله اليا صار فالدعوى غَباش
افعول اخو حمسا وفعل اخو هيا
--
وحنا عيال اللي يومنه حاش حاش
حاش النقا كله وورثه انقيا
حنا قحطان اللي تصيبك باندهاش
والله مافينا لاذليل ولا ارديا
افعلونا من الحويه لاخباش
وامجادنا من حرف الف لا حرف يا
وان كان تبغى العلم كاش يجيك كاش
حنا سلاله هود خامس الانبياء alfan.link/abo...