ЧӢ ГУНА ФУРҚАТҶОН ҒАФУРОВ АЗ ХУҶАНД БЕҲТАРИН КАРДИОЛОГИ ВИЛОЯТИ МАСКАВ ЭЪТИРОФ ШУД

Сарраёсати робитаҳои ҷамъиятии ҳукумати вилояти Маскав мусоҳибаи ихтисосиеро бо табиби тоҷик Фурқатҷон Ғафуров, барандаи ҷоизаи волӣ (губернатор)-и вилояти Маскав бо номи «Мы рядом ради перемен» («Мо ба хотири тағйирот дар каноратон ҳастем») нашр кард.
Фурқатҷон Ғафуров дар ин суҳбат нақл кардааст, ки баъди дарёфти ҷоизаи беҳтарин табиби соли 2020 дар зиндагӣ ва кораш чӣ иваз шуд? Фурқатҷон мегӯяд, пули ҷоиза хеле аз мушкилоти рӯзгорашро ҳал кард, вале ӯ тасмим гирифт, ки як қисми маблағи ҷоизаро барои шуъбаи кардиологии бемористоне, ки кор мекард, харҷ кунад.
“Ин бароям як масъалаи усулӣ ва аз ин рӯ, тасмимам, фикр мекунам, тасмими дуруст буд”, мегӯяд ӯ.
Дастпарвари Донишгоҳи тиббии Тоҷикистон ба номи Абӯалӣ Ибни Сино, мудири шуъбаи кардиологияи Маркази вилоятии бемориҳои дилу шарён дар бемористони марказии ноҳияи Егорйевои вилояти Маскав, номзади илмҳои тиб Ғафуров Фурқатҷон Собирович 4 декабри соли 2020 барандаи ҷоизаи «Мы рядом» гардид.

[@user-hj5up4zy2c]

Салом

[@user-hj5up4zy2c]

Ахсан барои чунин табиби ҷавон

[@mirvsimumiru...6377]

Кам тачриба не дахмардаю подабонхо онхоеки молу гови падарашон донишгохи тибиро хатм кардан имруз касоб хастан дар бозори табобати беморони ватанимо.....