Top News - Jo bisedime SHBA-Rusi pa Ukrainën! Zelenski: Përjashtimi është ‘shumë i rrezikshëm’

Presidenti ukrainas Volodymyr Zelenski tha të shtunën se përjashtimi i vendit të tij nga bisedimet mes SHBA-së dhe Rusisë për luftën në Ukrainë do të ishte "shumë i rrezikshëm" dhe kërkoi më shumë diskutime mes Kievit dhe Uashingtonit për të zhvilluar një plan për një armëpushim. Duke folur në një intervistë ekskluzive me Associated Press, Zelenski tha se Rusia nuk dëshiron të angazhohet në bisedime për armëpushim ose të diskutojë ndonjë lloj lëshimi, të cilin Kremlini e interpreton si humbje në një kohë kur trupat e tij kanë avantazh në fushën e betejës.
Ai tha se presidenti i SHBA-së, Donald Trump mund ta ulë presidentin rus Vladimir Putin në tryezën e biseidmeve me kërcënimin e sanksioneve që synojnë sistemin energjetik dhe bankar të Rusisë, si edhe me mbështetjen e vazhdueshme të ushtrisë ukrainase. "Unë mendoj se këta janë hapat më të mundshëm dhe më të rëndësishëm," tha ai në intervistën e dhënë në kryeqytetin ukrainas, që zgjati për më shumë se një orë. Vërejtjet e Zelenskit pasuan komentet e Trump, i cili tha të premten se zyrtarët amerikanë dhe rusë "tashmë po flasin" për përfundimin e luftës. Trump tha se administrata e tij ka pasur diskutime “shumë serioze” me Rusinë, por ai nuk dha detaje. “Ata mund të kenë marrëdhëniet e tyre, por të flasim për Ukrainën pa ne, është e rrezikshme për të gjithë”, tha Zelenski. Ai tha se ekipi i tij ka qenë në kontakt me administratën Trump, por këto diskutime janë në një "nivel të përgjithshëm" dhe ai beson se takimet personale do të zhvillohen së shpejti për të zhvilluar marrëveshje më të detajuara. "Ne duhet të punojmë më shumë për këtë," tha ai, duke shtuar se Trump duket se është i përqendruar në çështjet e brendshme në javët e para pas inaugurimit të tij.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: top-channel.tv/
Subscribe to "Top Channel" on RUclips Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#TopNews#Zelenski#Trump