{الأسبوع ف كيس}(249) فتح الترمين على بعض

احنا حرفيا من 2014 ..ومش محتاجة نباهة عشان تعرف اني أقصد أن من ساعة ما جه للحكم مولانا السيسي .. مجدد الأمة الجديد ورائد تجديد الخطاب الديني ..اللي أول محطة في مشواره القفش على الأزهر وشيخه..مبيعديش اسبوع من غير جدل وزيطة كدابة للطعن في ثوابت الدين والسنة..تحت ستارة التجديد .. آخرها بقى خناقة الطلاق الشفهي اللي راس حربتها شيخه المفضل اللي قالع له طول الوقت... الكمامة خالد الجندي مع باقي الصحبة اللي بقت معروفة بالاسم..اللي انا فعلا مش فاهم الاصرار العجيب على عدم الاعتراف بيه..مش ذنبنا يا جماعة ان الاسلام لما نزل بشرعه وأحكامه ..مكانش فيه لا سيسي ولا مؤسسات ولا دولة مركزية اصلا ..ولا مجمع تحرير والزوج والزوجة يقفوا في طابور الاسانسير..عشان يطلعوا لمدام عفاف اللي في الرابع تاخد منهم حق الدمغة وتقولهم كل سنة وانتم طيبين..عشان تختم لهم على ورقة تثبت أنها تحرم عليه لو طلقها ....وعلى جانب آخر ..في بيان النائب العام بعد ما تم الإعلان رسميا عن الطرمخة النهائية على مقتل ريجيني بقفل القضية.. قال ان اللي قتله مجهول لالصاق التهمة بالأمن المصري..وهنا يظهر السؤال اللي بيطرح عجوة بالملبن..لما القاتل " مجهول " .. انتوا عرفتوا غرضه ازاي ؟؟..
للدعم على Patreon :
/ ahmedbehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ