Эстрада чаҕылхай ырыаһыта Вера Никифорова сырдык аатыгар ырыа күрэҕэ саҥа ааттары таһаарар🎶🎙️✨
HTML-код
- Опубликовано: 7 фев 2025
- Саха эстрадатын чаҕылхай ырыаһыта, СӨ култууратын туйгуна Вера Никифорова төрөөбүтэ 65 сылыгар, кини сырдык аатын кэриэстээн, талба талааныгар сүгүрүйэн бииргэ төрөөбүттэрэ, аймахтара, доҕотторо, биир дойдулаахтара “Мин ыллыыр ырыакам...” диэн эстраднай ырыаны биирдиилээн толорооччуларга өрөспүүбүлүкэтээҕи ырыа күөн күрэһин аан бастакытын үрдүк таһымҥа тэрийэн ыыттылар. Күөн күрэс ыытылларын көҕүлээбит, бэйэтэ анаан-минээн кэлэн тэрийсибит, дьүүллүүр сүбэ бэрэссэдээтэлинэн үлэлээбит Вера Прокопьевна чугас дьүөгэтэ, СӨ үтүөлээх артыыһа Мария Данилова буолар.
“Вера Никифорова сулустаах чааһа 90-с сылларга күүскэ умайбыта. Вера - көстөр көрүҥнүүн, тутта-хапта сылдьардыын, куолаһын диапозонунуун, таҥастыын-саптыын дьиҥнээх улахан, үрдүк таһымнаах артыыска этэ”, - диэн саха норуодунай артыыһа Александр Бурнашев бэйэтин “Көмүс ааттар” биэриитигэр истиҥник, киэн тутта ахтар. Чахчы, Вера Никифорова ырыалара бары хит буолбуттара. Кини репертуарыгар саха дьоно уостан түһэрбэккэ ыллыыр биир дойдулаахпыт Дмитрий Емельянов "Баҕа санаа", Аркадий Алексеев “Илиибин уунабын эйиэхэ”, Виталий Власов “Күүтэбин, кэлиий дуу” диэн, онтон да атын истиҥ иэйиилээх ырыалар бааллар. Ол курдук репертуарга улахан болҕомтотун уурара диэн бииргэ алтыспыт доҕотторо бэлиэтииллэр.
Кулун тутар 30 күнүгэр Вера Прокопьевна төрөөбүт түөлбэтигэр Алтан нэһилиэгэр Валерий Ноев аатынан сынньалаҥ киинигэр Амма, Чурапчы, Мэҥэ Хаҥалас, Уус Алдан, Усуйаана улуустарыттан уонна Дьокуускай куораттан - барыта 21 кыттааччы кэлэн, бииртэн биир киһи сүрэҕин ортотунан киирэр ылбаҕай ырыалары толорон, көрөөччүлэр дууһаларын абылаатылар, куттарын-сүрдэрин туттулар.
Түмүккэ Гран-при үрдүк аатын Сатаҕай нэһилиэгиттэн төрүттээх Дьокуускай куоракка олорор, үлэлиир, Сергей Зверев-Кыыл Уола аатынан Үҥкүү тыйаатырын солиһа, эдэр кэскиллээх ырыаһыт Александр Карманов ылан, Вера Никифорова бииргэ төрөөбүттэрэ уонна аймахтара туруорбут 65 000 солк. суумалаах бирииһинэн наҕараадаланна. Маны таһынан Вера Прокопьевна ийэтин өттүнэн Киренскэйдэр аймах харчынан бириистэрин тутта.
Биэриигэ Вера Никифорова туһунан Павел Неустроев видеосюжетын уонна Александр Бурнашев "Көмүс ааттар" биэриититтэн материаллары туһанныбыт.
Вера ИВАНОВА
#эстрада #саха #события #якутия #yakutia #сахалыы #амга #лайк #репост #подписка #песня #вера #никифорова #певица #память #конкурс #концерт #хит #хиты
Биьиги Вераьыт❤🎉
Хурустаал таас курдук сырдык, хатыламмат кэрэ куоластаах эстрада ырыаьыта Вера Никифорова туьунан биэрии онорбуккутугар, чугас дьуегэтэ Мария Данилова истинник ахтан-санаан олус учугэй конкурс тэрийбиккитигэр махтанабын❤
В.Никифорова "Ама мэлдьэспэт инигин"диэн ырыатын себулээн истэрим.Мааны куолас эрдэ олохтон туораабыта хомолтолоох...
Аммабыт талааннаах ырыаһыта, кэрэ куобут Вера Никифорова аатыгар олус үчүгэй ырыа күрэҕэ ааспыт. ❤
Хаарыан...талаан❤
👍
Вера Никифорованы Аммаҕа үлэлиир эрдэҕинэ көрөр этим. Наһаа кыраһыабай, хатыҥ курдук көбүс көнө уҥуохтаах, хап- хатыҥыр кыысчаан "Кыталыктар, кыталыктар кылбаҥнаһар кынаттар" -диэн ырыаны бэйэтэ кыталык курдук туттан кэрэтик ыллыыра мин кулгаахпар билигин да иһиллэргэ дылы.Вера ыллыыр ырыалара барыта ис- хоһоонноох, ырыа иһигэр киирэн сылдьан көрөр курдук буоларым. Дьикти үчүгэй куоластаах, киһи иһиттэр истэ туруон курдуга. Хаарыаннаах талааннаах кыыспыт олус да кылгастык күлүм гыммыт сулус курдук олорон, эдэркээн сааһыгар, элбэхтик кэрэ ырыатынан бар дьонун үөрдүөҕүн олохтон бараахтаатаҕа. Вера сырдык олоҕун санатар ырыа күрэҕэ буолбута олус үчүгэй. Гран- при аатын сүкпүт Александр Карманов кырдьык да эмиэ коластаах, талааннаах оҕо тахсан эрэр эбит. Маладьыас ырыаны аргыс оҥостон сайдарыгар, үүнэригэр, биһигини өрүү үөрдэригэр баҕарабын! Вера Никифорова сырдык олоҕо умнуллубакка суолдьут сулус буола турдун ырыа кэрэ эйгэтигэр!
👍👏💐💐💐
Хаарыан талааннаах кэрэ куо кэлэн ааспыт эбит. Ырыатын истэн кэрэхсиир этим хомойуох иьин тыыннаах бэйэтин корботогум❤
Нина Чигирева, Вера, Айталина Адамова буолан Кэ5э диэни ыллаабыттара учүгэй да этэ❤Арааһа, Екатерина Захароваҕа анаммыт киэһэҕэ. Вера 60 сааһын туолуон иннинэ Аммаҕа кулуупка ханнык эрэ тэрээһиҥнэ кэлэн кыттыбыта. Онно 60 сааспар кэлэн кэнсиэрдиэм дбтэ, санаабар күуппүтүм да, арааһа ыарыйда5а ,кэлбэтэҕэ😢кэрэ куолас умнуллуо суоҕа❤
Биьиги
Нууччалыы олох хой баһын переводтыыр эбит дии
Оннук соруйан да гыныахтарын соп, тылбаасчыт диэн Туспа дьогур, уу-уран тыл маастара буолуоххун наада. Дьуон Дьанылы курдук Пушкины тылбаастыыр киьи билигин суох буолуо дии саныыбын
Причем тутЧурапчы😮