🤯 أكَمِل لإبنى تجريبى ( لُغات ) ولا أحَوِل عربى 🥺
HTML-код
- Опубликовано: 9 сен 2024
- 🎤 الحلقة الـ 3 🎤
من سلسلة حلقات ( مفيش مشكلة مالهاش حل 💪🏻❤ )
🔃 شير للفيديو وساعدى كُل أُم محتارة زيك ، إنها تاخد قرار 🤝🏻
🦉 كله هيتحول تجريبى فـ إعدادى 😯
🦉 أقوى اللُغة عند إبنى إزاى 🤔
🦉 أشتغل مع إبنى Science ( علوم بالإنجلش ، من وهو 3 سنين ) 🙄
نفسية إبنك هىّ إللّى هتكمل معاه 💔💚
كُل ده فـ الفيديو ده إسمعيه كويس 👆🏻
![Megan Thee Stallion - Neva Play (feat. RM) [Official Video]](http://i.ytimg.com/vi/TpYTyAaTRts/mqdefault.jpg)
انا اولادى في لغات تالته ابتدائي وخامسه ابتدائي ومستواهم كويس بس ببذل مجهود كبير جدا وضغط نفسي عليهم وعليا ومعندهمش وقت لاى حاجه غير المذاكرة ...بس خلاص هاخد القرار وهحولهم عربي باذن الله..رحمه بيهم
نجاح ابنائكم مش أنه يبقى دكتور او مهندس
النجاح الحقيقي أنه يبقى ناجح في مجاله سواء كان مدرس مبرمج اداري محاسب أو حتى يكون ناجح في مهنته نجار سباك مش شرط بس يبقى حاببها وناجح فيها
ده كلامى بالفعل 💙
جزاك الله خيرا ياميس فيديو مهم ومفيد جدا وياريته كان من كام سنه كنت ف حيره كبيره جدااا كان على دخول بنتى المدرسه فيه تجريبى عربى ولغات واتلغى سنه دخولها العربى فدخلتها خاص عربى لانى من البدايه شايفه أن التجريبى لوود جامد جدا على الأطفال والاهالى ليه ارهقه بماث وساينس المشكله كمان فيه أهالى تقول زى ماحضرتك اللغه ليها مستقبل وبلا بلا بلا على الفاضى واللى بتبص على جيرانها واصحابها عيالهم تجريبى يبقى انا كمان عيالى تجريبى دون وضع ف الاعتبار الاطفال ومستواهم اهم حاجه الواجهة الاجتماعيه والانزحه اللى ع الفاضى والأدهى ياميس حضرتك أن فيه اطفال مبيعرفوش عربى كويس ولا حساب ودى حاجه تحزن احنا ف بلد عربى لما تيجى بنوته تقوليلها على الارقام بالعربى مش عارفاها اقسم بالله واحده أعرفها كده مامتها بتقولى متعرفش غير الارقام بالانجلش طب وبعدين احنا ف بلد عربى وتعاملاتها ف الحياه قولت هأعمل المعادله دى ادخل عربى واقوى اللغه بالكورسات وقد كان بس للاسف من ساعه كورونا قعدنا ودلوقتى بقا هحولهم ازهر لان الخاصه مصاريفها عماله تزيد بشكل رهيب ومكنش قدامى غير حلين ياحكومه ياازهر استخرت ربنا وهحاولهم وربنا يكتبلهم الخير ويفرح قلوبنا جميعا باولادنا و اتمنى حضرتك ترشحيلنا كرتونات مبسطه تقوى اللغه عندهم وبسأل حضرتك بتشرحى منهج سمارت الاضافى ؟
السلام عليكم ورحمة الله وبركاته
سؤال بعد اذن حضرتك هو منخج جريد ١ ياخدو اي وحدات ومياخدوش اي وحدات؟
بس حظرتك احنا بنقول حنديهم كورسات بس الحقيقه بننشغل بالمدرسه العربي ومبنلاقيش وقت للكورسات بينما اذا بيدرس لغات بيكون ضغط ودراسة لغه بنفس الوقت ؟!
ومين اللى قال لحضرتك ان فى طفل سواء فى ابتدائي او حتى اعدادى هيوافق اصلا انه يذاكر فى الشتاء ما يتعلق بالمدرسة وكمان فى الصيف ما يتعلق بكورسات اللغة وهما مفيش فى دماغهم غير اللعب والصرمحة وتضيع الوقت فى التفاهات وبس والعالم كلة بيرمى اى فشل يخص الولاد او حتى يخص الزوج او يخص البيت على الام
ينفع احول من تجريبي لازهرى مرحلة ابتدائية ؟؟؟؟؟
بارك الله فيكى
نفس تفكيري يا ساره وبقالي سنتين بحاول احول من تجريبي لخاص عشان ارحمه من الضغط النفسي والقرارات الغير مفهومه بس سبحان الله الموضوع واقف وكانه قدره يكمل فيه ويعيش المعاناه
نزلت فيديو إزاى تكملى لغات ، شوفيه ❤
@@mrs.saram.hassan6473 فين هو الفيديو ده
ماشاء الله خطك جميل جدآ
متشكرة جداً 🌷
يا جماعة موضوع اللغات ده اكبر فنكوش فى مصر والهدف الرئيس هو الاستثمار وبس وللأسف مصلحة الطفل اخر حاجة وانا متفق مع حضرتك جدا جدا ان اللغة ممارسة. ليه احمل طفلى اكتر من طاقته؟ وللعلم من الناحية النفسية والتربوية ان الطفل لزم يتعلم بلغته الام.
ياتري تصنيف مصر في التعليم ايه عالميا ؟؟؟
هل لسه مصر خارج التصنيف !!!!!
ام أصبحنا رقم 140 من 140🤔🤔..
ليه كده يامصر ؟؟؟؟؟؟؟
الطلبة المصريون تحت التجربة في التعليم ودائما التجربة فاشلة حتي الآن ...
الايوجد وزير عاقل يضبط التعليم في مصر !!؟؟؟🤔🤔🤔
من مهندس مخه هنج من كثرة القرارات والتغيرات في مناهج وأنظمة التعليم في مصر 😛😛😀😀
كان فى مدرس بيقولى ان ٩٠ ٪ من اللى فى الثانوى مابيدخلوش كليات كويسة هل الكلام ده صح
ربنا يباركلك والله العظيم
بجد جزاك الله خيرا
جزانى واياك 🙏🏻
سلام عليكم انا ابني في تالته لغات وماشي كويس الحمد الله لحد دلوقتي بس المنهج كل شويه بيبقا صعب جدا هو بياخد ساينس ولغه تانيه من كي جي بفكر احول عربي لمدرسه تانيه مستواها احلي كمان بس عربي وهياخد برضو لغه تانيه وبياخدو مستوي مع الكونكت ومدرسه بصراحه كويسه جدا احول عربي علشان اعرف بعد كده اتواصل معاه في الساينس والماث ولا اخليه وخلاص في لغات ولا اعمل ايه
جنبي مدرسة حكومي مستواها حلو ادخل بنتي فيها وطبعا مش هعتمد على المدرسة لاني بتابعها في البيت انا كده بفكر صح
صح جدا
طيب انا عندي ولدين الكبير جريد ٢ عنده نسبه تشتت انتباه وبياخد دوا مخ واعصاب والمنهج تقيل فعلا خصوصا كونكت بلس وكذا حد اشتكي منه والتاني شغال مفيش مشكله ف كيجي٢ ولو حولت هحول الاتنين وكله فعلا بيقولي هتظلميهم خصوصا الصغير سيبي الصغير وحولي الكبير بس انا هحس بالذنب فعلا عشان كملت لحد والتاني بس حقيقي ضغط كبير
حضرتك لو عايزه اتواصل مع حضرتك في الكورس ابني كان لغات رابعه ابتدائي السنه دى وكنت عايزه احول عربي وانمي لغه بكورسات فلو حضرتك بتدى كورسات كيفيه التواصل ازاى وشكرا جدا لحضرتك بجد استفدت من حضرتك كتير جدا وبصراحه بردوا هو اكيد من غير تأسيس المدرسه لغات وماكانش فيها شرح ولا بيروحوا اصلا ايه الحل دلوقتي اما تعب اوى عشانه بصراحه مش عايزه اضيع مستقبله اسفه جدا.جدا لاطاله
طب حظرتك تعرفي موقع او رايط اقدر من خلاله انزل كتب الانجلش ساينس وماث ؟
انا ابني سنة اولى ابتدائي رايح تانية لغات وحاسس ان المنهج تقيل عليه والأم هيا المتابعة ومعنديش تقييم حقيقي للطفل
اكيد الام متابعه وعامله اللى عليها ، قولى المشكلة واساعد حضرتك ف الحل
انا والله ياميس ساره كل خوفي علي ابني في الحكومه هيقابل اولاد قمه في قله الادب والخلاق المتدني واقبح الالفاظ والرقص علي المهرجانات والله دي مشكلتي التربيه ... خايف ابني يتأثر
كل ده موجود برده فـ التجريبى والخاص وأسوأ / كل مكان فيه الكويس والوحش ... الأصل بيعود للتربية والبيت .. ربنا يعافى اولادنا ويحفظهم ياااارب
@@mrs.saram.hassan6473
ربنا يبارك في عقليتك وحمتك حضرتك مثل مشرف لمعلامات مصر
متشكرة جداً .. حضرتك الاحسن
نفس المشكله عايزة أحول من تجريبية لعربى بس باباه خايف من المستوى الأخلاقي على العلم التجريبى أصبح لايفرق شئ عن الحكومى ربنا يحفظهم جميعا
ممكن حضرتك ترشحيلى فيديوهات لبنتى أولى ابتدائى تزود بيها الحصيله اللغويه او افلام كرتون واغانى بسيطه
القنوات دى 👇🏻 حلوة جداً ❤
Looloo kids
Chuchu TV
انا ابني في عربي حكومي وعايزة احوله لغات وخائفة اوي فقررت اني اخليه زي ما هو في عربي حكومي السنة دي وفي نفس الوقت بتديله درس ماث وانجلش عند مدرسين لغات عشان يكون مناهل في اللغة واحوله السنة الجاية سنة رابعة ارجو النصيحة
هو ينفع يتحول من عربي لتجريبي
ماينفعش اصلا التحويل من عربي للغات
مينفعش من عربى لتجريبى
شكرا ليكى ، لو عندى ولدين واحد لغات ثانوى والتانى عربى ثانوى، مين فيهم هيبقى عليه حمل وجهد وممكن ينزل فى الدرجات اكتر من التانى
♥♥♥
الحمد لله عملت كده مع اولادى لكن للاسف مش لاقيه سنتر كويس للكورسات
إدخلى ع جروبات تجمعات فـ محافظتك ، وإسألى ❤
حضرتك ممكن تتبعي بنتي في الدورس ياريت حضرتك تردي علي
انا ابنى رايح تانيه ثانوى وعايزه احوله عربي عشان أسهل عليه المذاكرة وقراءة كذا مصدر هو جاب فى تالته اعدادى 95 فى الميه وخايفه من التحويل عشان الارقام والمصطلحات فى المواد العلميه وعايزه رأيك
المهم رأيه هو 💛
لو هو ماشى تمام السنين إللى فاتت كملى طبعاً .. ربنا يفرحك بنجاحه 🌹
نفس مشكلتى خايغه احول لابنى فى اولى ثانوي عشان اخفف عليه المواد
لو ماشى تمام خلاص ، لو عنده مشكلة حولى
طب ممكن مكان كويس للكورسات فى بورسعيد و لو فى قناة بتعرض منهج جريد 2 كرتون زى ما حضرتك قولتى
مركز طيور الجنة ، وسنتر abc فـ ٢٣ ❤
@@mrs.saram.hassan6473 فين مركز طيور الجنه؟
نفس الي بفكر اعمله
بالتوفيق ..
الصوت واطي جدا
حضرتك هوه فى مدارس تجريبى عربى أن بنتى فى خاص وبنتى التانيه لسه مدخلتش فعاوزه ادخلهم تجريبى بس مش لغات فهل فى عربى وجزاك الله خيرا
ياريت حد يرود علينا
تحت أمرك
مفيش حاجه اسمها تجريبي عربي كله لغات
كان فيه ف الاسكندريه واتلغى من سنين للاسف وساب بس التجريبى اللغات
استفدت من حضرتك لابني الصغير بس للاسف ابني الاكبر هيتظلم
لو سمحتى بعد اذن حضرتك انا كنت مقدمة لاولادى ازهرى نموذجي وتجريبى لغات وقبلوا فى الاتنين وانا محتارة واغلبية اللى بنصحونى بالازهر ى النموذجى ممكن اعرف رأى حضرتك
علي حسب الطفل بيعرف يحفظ دخليه ازهري نموذجي ولو هو شاطر وذكي وشايفه انه هيمشي فى الانجليش ومتقبله يبقي دخليه لغات
لوسمحتى فهمينى حاجه هو الاعدادى الحكومى هيتحول تجريبى يعنى ايه
بيقولوا أن فيscinseوعلوم عربي في مدارس الحكومه
هو مواد تجريبى اى لكجى 1وكجى 2
كونكت / كونكت بلس .. دول مناهج الانجلش & ديسكفر & ماث & عربى
لو سمحتى ممكن رأى حضرتك ... انا داخله تانية ثانوى انا لغات احول لعربى ولا اكمل ؟
طبعا يا بنتي كملي اوعي تحولي عربي دلوقتي خااالص .. الكلام ده للمنهج الجديد
ممكن رقم للتواصل او مكان السنتر
معنديش سنتر يا حبيبتى ، كلمينى مسنجر ع facebook.com/amina.rara52 ❤
ممكن نكلم حضرتك ازاي علي الخاص
كورس
فين الفيديو التانى بنتى grade 3
م
مكان كورس في اكتوبر
ياريت نعرف
Online 🙏🏻
انا عاَوزه احول بعد الاعداديه علي اولي ثانوي كده مش عشان السهوله والصعوبه عشان اسعار الدروس صعبه جداااا بالثانوي عاادي ولا ايه متوتره جدا من القرار تاااني مش عشان لغات صعب عشان اسعار دروس الثانوي هل هيمشي عربي عادي بتكلم عن الماث تحديدا رجاء حد يفيدني الله يباركلكم
معليش هو حضرتك بتنزلي فديوهات لكجي1
فيه كورس تأسيس ليهم ، ادخلى ع ال playlists / قوائم التشغيل ، هتلاقى الحصص بتاعته ف قايمة ( يلا نتأسس صح )
ابني سنة رابعة لغات لكن تعابني جدا في المذاكرة هل احوله ولا اسيبه ممكن ادخله عربي لغات
مكان السنتر فيه و كيفية التواصل ؟
ممكن فون للتواصل
ادخلى الجروب بتاعى
Mrs. Sara M. Hassan
هتلاقى الاكونت بتاعى ( Rara M. Hassan ).. ابعتيلى ادد ❤
عنوان السنتر فين
@@mrs.saram.hassan6473 عنوان السنتر فين
معنديش سنتر ي فندم ، انا بقول تاخدوا كورسات ف اى سنتر تعرفوه واثقين فيه 💚
@@mrs.saram.hassan6473 ممكن تضفينى
عايزة اسأل حضرتك رايك فى المدرسة اليابانية ؟؟؟
لسه مفيش تجارب كتير تجزم بإيجابياتها أو سلبياتها ❤
لو سمحتى احنا فى كى جى تو وكدا كدا السن كبر على اولى ابتدائى وبنتى لو حولتلها هتبقى اكبر من زمايلها فى الفصل احولها نفسيتها مش هتبقى وحشة لما تكبر وتلاقى زمايلها اصغر منها فى السن
لا فهمينى أكتر عشان أقدر أفيدك ، وآسفة ع التأخير ❤
لما يتحول السنه الجايه لاولى ابتدائي هيكون سنه اكبر من اللى ع النفس
معاه فى نفس الصف
مفيش اى مشكلة انها تبقى اكبر من زمايلها ، الولاد بيتعاملوا بروحهم مش بسنهم 💚
حرام عليكي انت مدرسه بتقول كلام غلط
مش فاهمة يعنى ايه كله هيتحول تجريبى فى إعدادى ؟
يعني كل المدارس سواء كانت عربي او لغات هتاخد نفس المواد ونفس الكتب بالضبط ... يعني كله هياخد science كله هياخد math كله هياخد social