Ukraina kryen sulme masive me dronë brenda territorit rus

Një nga kompanitë e përpunimit të naftës në Rusi “Sibur” njoftoi se kishte pezulluar përkohësisht punën në rafinerinë në Kstovë, në rajonin Nizhny Novgorod, pasi mbeturinat nga një dron ukrainas shkaktuan një zjarr gjatë natës.
Fabrika e Kstovës ishte në mesin e disa objektivave të një sulmi masiv me dron ukrainas kundër objekteve ruse të naftës dhe energjisë, raportuan të mërkurën zyrtarët dhe mediat ruse.
Ushtria ukrainase tha gjithashtu të mërkurën se dronët e saj goditën një rafineri nafte në Kstovo të Rusisë gjatë natës.
Një video e postuar në mediat sociale sipas agjencisë së lajmeve Reuters tregonte një zjarr të madh në rafineri.