يا تريكة (أبو تريكة 22)
HTML-код
- Опубликовано: 20 сен 2024
- يا يا يا يايا يا يا تريكة
ليه لما أشوفك قلبي بيرتاح
ولساني بيبقي في حقك مدّاح
ايه سر السعادة معاك؟؟
يكونش أنت مالك المفتاح
صورتك تنطق علي كل طيبة
ابتسامتك ليها مفعول السحر عجيبة
اخلاق وهمة وياما فرحتنا
لمساتك مش فى الكورة دي في قلبنا
يا ابن الاصول يا ابن الكرم يا ابن الطيبين
قلبك في الطيابة ده معجون عجين
وزي ما سحرتنا ياما كتير بتضحكنا
في القلش الرخيص ياما كتير بتغرقنا
يا عم الناس يا أسطورة الأساطير
طيارتك من غيرك يقدر بيها يطير؟
يا تريكة
منك الحكاوي وفيك الحكاوي مبتنتهيش
يا تريكة
علمتنا أنها مش مجرد لعبة وطيش
يا تريكة
يشوفوك واحد وأنا شايفك في قلبي جيش
يا تريكة
ليّه الشرف أني في عصرك بعيش
من وسط الناس البسيطة ظهرت
نجمك علي في يوم ما اتكبرت
الحق والحق يقال
أنت زيك في حياتي ما شوفت
عشت الحياة صادق سريرة
وحسناتك في العلن كتيرة
صاحب قضية وعرفناك مش خوّاف
راجل بحق في سنين عجاف
تصرخ بالحق ومهما عملوا معاك
من طرد وتخوين وتقول يارب رضاك
وعليك يتكلموا ويعيدوا ويزايدوا
وانت موقفك ثابت زي عوايده
سايب أمرك لله هوه الكفيل
فيراضيك بحب الناس وحب الناس مش قليل
يا تريكة
ياللي تيشرت غزة فى القبر معاك
يا تريكة
مطبوع علي صدرك يا رسول نحن فداك
يا تريكة
يا ما دعيت نقاطع كل دنيء آفاك
يا تريكة
تجسيد لمقولة ع الحلوة والمرة معاك
ابو تريكة ❤
أبو تريكة أبو تريكة أبو تريكة أبو تريكة أبو تريكة