Zazpi Ahuntz Txikiak - Antzerkia Los Claveles

Baso eder honetan egurrezko etxola bat dago eta etxola horretan jolastea oso gogoko duten zazpi antxume bizi dira. Baina ahuntz ama azokara joango da gaur eta zintzo portatu behar dute. Gero goxokiak ekarriko dizkie:
“Atea giltzaz itxita…” esan die amak.
“Ai, ai, ai, uste dut antxume hauek bihurri samarrak direla...”
Otsoa oso gose da zazpi antxumeak bizi diren basoko etxetxora iritsi denean. Eta gaur bakarrik daude, ama azokara joan delako. Amarru bidez, sei antxume jatea lortu du, baina Txokolate izeneko txikienari eta ama ausartari esker, onik atera dira animalia anker haren sabeletik.
Eta otsoa? Ibaian behera joan da, urrun, oso urrun. Eta ez da berriz itzuli.