مالك ما وليتي يا ڨداية ناري ،سماع صوفي الشيخ سيدي نبيل مخفي ، الطريقة الصوفية البوتشيشية تلمسان

القصيدة كاملة :
بسم الله بها ابديت بها يبدأ البــاديء
وعلى النبي صليت ربـــــحي محمد
والصلاة على النبي زادتنـــي ولـــلاعا
مــحـمـــد العـــربــي صاحب الشفاعة
أذكر بالنية ، تنال وإعمل بالوصية
تبلغ ما بلغ الرجال سادتي الصوفية
ما ننساش خيركم ربي شاهد عليا
اللي ذايق حبكم ما يهناش قطعيا
ياطيـور الدربالة خربتوا ديواني
يا زينــــين الحالة قلبي بكم هان
غزلتم غزلي رقيق وأنا فيه نقاني
وأحرقتم قلبي حريق يا مجمع الأخواني
يا سيدي قلبي مريض وأنا فيه نــداوي
عند الشيخ اللي طبيب نبرا من الأضرار
ما نيش من هذا البلاد ما رانيش مولاها
والله لو ما الشيخ عــمري ما نهواها
نوحي يا عين الدوام نوحي على هذه الحالة
غابوا ناس محبتي فرسان إسم الجلالة
يا خاطر خذ الطريق وألغى بسم الجلالة
ذكر الله ديرو رفيق تقضي كل مسالة
يالمـــحبة جفيـتي يا قـادية نـــــــاري
مولك ما وليتي وأسكنت الأوعاري
دندل يا قلبي وزيد دندل لي بظرافة
وعلى النبي العربي من زاره يتعافى
صدوا بالعدة مشاو درقـوا بالجبال
وأسقاهم سيدي وجاؤا صابوا بحره ماليء
الـدنيــا هي الغــرور وتمحن مولاها
في بحر الظلمة يعوم حتى الموت أنساها
يالأحبـــاب نســـالكم وأنــتم راحــتي
مـــر القلب معــــــاكم يا أهـل الله ساداتي
مر الريح مع السحاب غطى الليل نجومه
يا مزين مجمع الأحباب يا لو كان يــــدوموا
أجلبتوني وأنا صغير ما نقــــــــدر لمسالة
من بكري وأنا هبيل نذكر في إسم الجلالة
يإخـــــواني نوصيــكم وصــــــــيـة نـفـــسي
أتـهــــلاو في دينــكم والصــــدق مع الـنــية