اربع اخطاء كارثية تسبب فشل عيادات الاسنان فى بدايتها 🦷☢️ | دكتور ساموراى

#طب_الاسنان ...... #طب_اسنان ...... #دكتور_ساموراى
عيادات ومراكز الاسنان فى بدايتها بتندرج تحت بند المشاريع الصغيرة والمتوسطة
والقاعدة الرئيسية فى المشاريع الجديدة خصوصا الصغيرة منها والمتوسطة هى الفشل وليس النجاح.
فى دراسة قامت بها جمعية الاعمال الصغيرة
Small business association
اثبتت ان المشاريع الجديدة 30% منها تفشل فى اول عام و50% منها فى اول خمس سنوات و44% من المشاريع ينجو من الفشل حتى 10 اعوام و25% حتى بعد 15 سنة.
الخطأ الاول .عدم عمل دراسة جدوى للعيادة او عمل دراسة جدوى بطريقة غير جيدة.
(اتكلمنا عنها قبل كده بطريقة شاملة وهى تانى اعلى مشاهدة فى القناة)
الخطأ الثانىسوء الادارة العامة للعيادة (خلل فى خطة العمل)
هنبقى نتكلم عنها باذن الله فى حلقة منفصلة ولكن هقولك حاليا عن ابرز المشاكل فيها وهى
1... مشاكل الخطة التشغيلية وخصوصا فى اول عام وده بيحدث لما القائمين على العيادة لم يضعوا خطة تشغيلية واضحة من البداية مثل (ما هو الهدف من فتح العيادة .. ما هى الرؤية الخاصة بالعيادة والى اين سنذهب .. ما هى الموارد اللازمة للاستمرارية .من هو طاقم العمل المشارك فى تنفيذ الخطة وهكذا )
2.... التمسك بالخطة الواحدة وعدم وجود مرونة فى التغيير لتفادى الاخطاء المحتمل وقوعها بعد فتح العيادة (ظروف لم تكن فى الحسبان او لم تقدر جيدا)
3..... اللجوء الى الاقارب والمعارف فى تنفيذ الخطة التشغيلية كفريق للعمل طبعا دون مراعاة عوامل مثل الكفاءة والمهارة والخبرة والامانة والاستحقاقية.
الخطأ الثالث.سوء الادارة المالية للعيادة..
سوء الادارة المالية والمحاسبة هيؤدى الى عدم معرفة الخلل فى عيادتك ماديا .. بالرغم من انك ممكن تكون بتكسب حلو فالبداية ولكن مش واخد بالك من دورة حركة راس المال فى عيادتك وده ممكن يخليك تغرس فى الوحل.
اهم مشاكل الادارة المالية هى..
1.... الخلط بين مال العيادة والمال الخاص بيك.
(عدم الاهتمام الجيد بالحسابات والمصاريف)
2.... التمويل الصغير للعيادة من البداية، وعدم وجود سيولة كافية للاستمرار.
وده بيحصل بسبب عدم حساب كل عناصر التمويل من البداية وعدم ادراك امكانية حدوث خلل وارتفاع فى الميزانية بعد فتح العيادة مثل (المصاريف الاستهلاكية ،والرواتب التشغيلية ، ومصاريف التسويق والاصلاحات وهكذا)
والسيولة الغير كافية للاستمرار تؤدى الى الفشل فى التعامل مع
تأخر ربحية العيادة والظروف الطارئة والركود الموسمى واللى بيحدث لاغلب العيادات فى موسم الشتاء.
3. راس مال زائد عن الحد.
وقتها بيبدأ التركيز على امور هامشية فى الصرف قد تؤدى الى الانشغال عن الامور الاساسية والتفاصيل الحيوية الذى يتوقف عليها نجاح المشروع.
4.... عدم التركيز مع الوارد والمصروف مثل ان يكون خروج المال من العيادة بوتيرة اسرع من دخول المال ليها وهو ما يعرف بالتعويم السالب
Negative Float
وده ممكن يحدث فى اغلب عيادات الاسنان اللى تركيز دخلها على حالات الزراعة والتقويم اللى بتقسط على فترات طويلة.
5.... عدم تقدير طاقم العمل ماديا
الولاء هيقل وقتها وقلبهم مش هيكون عالشغل وجودة وكفاءة العمل هتتأثر بالسلب وفى اقرب فرصة كويسة هيسيبوك.
الخطأ الرابع.ضعف التسويق
وده اكثر خطأ الناس مبتاخدش بالها منه خصوصا فى البداية وهو الاهتمام بالتسويق .والدراسات اثبتت ان معظم فشل المشاريع الجديدة بتكون سببها مشاكل تسويقية فى الاغلب.
ومن اهم الامور الرئيسية فى فتح العيادة هى دراسة الجدوى التسويقية و وضع خطة تسويقية فعالة بحيث تبقى فاهم كويس ازاى توصل للمريض والعميل وتقنعه بيك وبعيادتك.
اهم اسباب ضعف التسويق.
1..... عدم التحقق الجيد من السوق
وانك عملت دراسة للعيادة قبل دراسة السوق نفسه لان من المفترض دراسة العيادة بتترتب على دراسة السوق.
وده يرجع الى ضعف دراسة الجدوى التسويقية.
2.... الموقع السيئ للعيادة
ممكن تكون فتحت فى سوق كويس ولكن موقعك داخل السوق سيئ ولا يساعد فى انتشارك.
3... الغرور الزائف بالنجاح المبدئى للعيادة فيؤدى الى
اما الجمود والتقاعس عن التطوير ومن ضمنها اهمال الجانب التسويقى ظنا ان النجاح هيستمر وعدم ادراك تغير السوق ودخول منافسين جدد باستمرار
واما التوسع السريع جدا وبطريقة غير مدروسة قبل الترسيخ الجيد للعيادة الاولى.
4..... التقليد الاعمى لمنافسيك وعدم وجود ميزة تنافسية تميزك عن غيرك وبالتالى صعب انتشارك بين العملاء والمرضى بقوة الكلمة.
وخليك فاكر لو خدت بالاسباب كويس متخفش على رزقك وقتها لانه جايلك جايلك مهما كانت الظروف صعبة من حواليك

[@totasadoon5286]

شكرا حزيلا

[@thefreshweb]

عوده حميده يا دكتور ❤️‍🔥 اشتقنا والله

[@dr.samurai]

حبيب قلبى تسلم💙💙💙

[@thenature2396]

اخي أين أجد كورسات للطب الأسنان مفيده زي الاوبرتف

[@osamadentista637]

حاول تظبط الصوت يا دكتور

[@amrkhlili5662]

دائما متالق ربنا يوفقك ويحفظك

[@dr.samurai]

وإياكم يارب💙💙💙🤲🤲🤲

[@user-dn9eo1is4l]

ربنا يوفقك يا دكتور🥺♥️♥️🤲

[@dr.samurai]

وإياكم يارب💙🤲💙💙💙💙🤲🤲

[@mahmoudtalat8504]

ممكن ي دكتور تخبرنا ازاي ندخل مجال digital smile design
بما اننا في تالتة
يعني ازاي ادخل مجال ده واشتغل بيه في الاجازات

[@meromero7209]

ربنا يوفقك حضرتك ي دوك

[@dr.samurai]

وإياكم ياغالى💙

[@noor-ll7pt]

👏thank you

[@dr.samurai]

💙🌸

[@rawanhebishy5834]

دكتور انا مش طويله البال وبزهق بسرعه بس نفسي اخش طب اسنان هل ده معناه انها مش مناسبه ليا

[@dr.samurai]

اى نجاح فى الدنيا محتاج صبر وطول بال
اتعلمى الصبر وادخلى اسنان طالما بتحبيها

[@adelaimari3124]

أخي محتاجك فسؤال ضروري ، كيف فيني أتواصل معك ؟

[@dr.samurai]

فى لمحة القناة .. لينك الانستجرام

[@adelaimari3124]

مستني ردك

[@olazedan620]

يعني صيدله افضل من اسنان

[@dr.samurai]

كل له مميزاته وعيوبه
وانت الذى تحدد طبقا لما تفضل وتحبه وتستهواه

[@ghazydent8607]

محتاج اتواصل مع حضرتك ضروري

[@dr.samurai]

اهلا وسهلا
لينك التليجرام والانستجرام فى لمحة القناة
نتشرف بتواصلكم

[@wondersvideo8584]

لو نجحت بعيادتك م فتحت قناة يوتيوب

[@dr.samurai]

لسه مفتحتش عيادة بعد😅😊
لكن اشتغلت مدير لكذا عيادة مع القراءة فى الادارة والتسويق أحببت أن افيد الناس بهذا الفيديو المختصر
واظن واضح انى بنزل فيديو كل فين وفين اوقات توصل لشهور انقطاع بسبب العيادة شغلانى وهى لها الأولوية الأولى مع المذاكرة
ربنا يصلح حالك❤️

[@drmohammedzaky3182]

فيديو جيد
اتمنى ان يكون هناك تعاون بيننا
ربما اضيف اليك
وتضيف لي
د محمد ذكي
صاحب مجموعة مراكز الفيلا للاسنان
نحن الآن 17 فرع
وده رقمي
اذا ما أمكن التواصل للنقاش

[@dr.samurai]

شرف لى د.محمد
رقمك لم يكتب
للتواصل ... فى لمحة القناة لينك الانستجرام والتليجرام
أو اكتبلى رقم حضرتك