رد الجمايل | كلمات إبراهيم بن أحمد الدامغ أداء خالد السنحاني | بمناسبة زواج سعيد بن مترك الشهراني

بعد قمت من صليت فرض الله المكتوب
وزيّحت عن صدري غثاريب مصبوبه
سلكت الطريق اللي يودي لغرب اجنوب
وانا نيتي ما اطلع على الغرب وجنوبه
لْكن شدني مسرن على ناهي المركوب
وانا غترتي من فوق راسي و معصوبه
على لكزسن من ديرته بالطلب مجلوب
مزاياه دايم للمطاليق مرغوبه
فريدن له اسلوك وله امن السلوب اسلوب
سلوكه ليا مأشعاك يشعاك باسلوبه
عليه الكرام افمغنمه مشعلين حروب
ضروس وشحيح المال ما يتّجه صوبه
ولو إتجه صوبه غدى مثل راع الثوب
هذاك الذي قد لبْس ثوبن مهو ثوبه
يضيع الكلام الجزل لا جا مهو مرتوب
و تضيع البيوت اللي من ألماس مكتوبه
ليا صرت ما ترفع ولا تنصب المنصوب
تجيك المعاني يبن الاجواد مضروبه
فلا انا اضرب اللي من عباد الولي مضروب
ولا اهين رجلن قد كرامته مسلوبه
ولا اسعى فشيّن يبيجي من وراه اعيوب
ولا اشلّ لي حاجه من الناس منهوبه
و لا آتي مكان الا مقدّر و آنا مهيوب
مثل من يجي قصرن و آهاليه مهيوبه
فلا همّني لو جا على هرجتي مكذوب
يكم عن رسول الله به أقوال مكذوبه
مابين النشما مايجي غالب ومغلوب
ولا به فناجيلن على البعض مشروبه
فانا لي مع الوافين والمكرمين ادروب
دروبن على الامجاد والعز مسهوبه
وانا لي رفيقن بين هذي و ذي محسوب
رفيقن له افعول المطاليق منسوبه
له اجميل واجميله علي لو تهبّ اهبوب
ذكرته وانا مذكر سوى الكفو و قروبه
وفي حفلة الطيب فلا نبحث العذروب
نقوم افحقوقه وانتزهل بماجوبه
فلو كان يبغاها على الحدي و المسحوب
او انْها على المنكوس ناتي بمطلوبه
نسوق العمر لاجله ولا نحسب المحسوب
لو انْها على كل المخاليق محسوبه
و سعيد ابن مترك وافي وفالعطا لهلوب
عريبن جعل جلّ الموازين مقلوبه
من آلاد شهران العريضه سنا المنكوب
و ريف الخصيم اللي يمانيه معطوبه
قبيله لها صيت ولها فالجنوب اشعوب
ولها نارن ابكبر المعاريف مشبوبه
كرام اليدين و ورعهم فالصخا منجوب
مضرّا على الجزله و هو توّ يا دوبه
وفيين ما فيهم و لا حولهم مطلوب
مداهيل من قد له خدامات محجوبه
هل الفزعه وفكاكة العالق المكروب
ومان البيوت اللي من الموت مرعوبه
رجالن ليا منّه غدا للحروب اشبوب
تشوف الهنادي فالمطمّات مخضوبه
يجي صبيهم في حزة المعضله شيبوب
يقصّ ارقبه و يلحّق الراس عرقوبه
معاليقهم وقت الملاقى سواة الطوب
يكم من فعايلهم دخل رجل في نوبه
كبار الاسامي مجدهم للعلن مكتوب
لهم فعل مذكورن وسط سورة التوبه
أماري بهم وافخر وانا ماني ابمنسوب
لشهران لكن لي بهم روس منسوبه
عسى مجدهم دايم ولا هو يشوبه شوب
هلَ الوقفه اللي عند الاشناب محسوبه