DOKUMENTARI KUSHTUAR AKADEMIK GAZMEND ZAJMIT, PJESA E PARË

Filmi dokumentar me titull "PROJEKTUESI I SUBJEKTIVITETIT SHTETËROR TË KOSOVËS", pjesa e parë paraqet jetën dhe veprimtarinë e Akademik Gazmend Zajmit si intelektual në kuptimin e plotë të fjalës: Jurist, politolog i zgjuar, profesor i shquar, akademik, shkencëtar, publicist, humanist, poet e kompozitor. Pra, ai ishte figurë multidimensionale. Para së gjithash, Zajmi ishte njeri i dijes dhe i progresit shoqëror.
Në këtë pjesë kryesisht bëhet fjalë për fëmijërinë e tij, shkollimin deri në gradën shkencore Prof. Dr. dhe Akademik, punën si jurist, Sekretar i Kuvendit të Kosovës dhe kontributi në hartimin e bazave themelore të Kushtetutës së parë të Kosovës të vitit 1974. Po ashtu në dokumentar dëshmoret angazhimi i Gazmend Zajmit si profesor, Prorektor dhe Rektor i Universitetit të Prishtinës, qëndrimi i tij parimor në mbështetje të kërkesave të rinisë studentore në demonstratat e pranverës së vitit 1981 për Kosovën Republikë, largimi i tij nga pozita e rektorit dhe nga procesi arsimor i Universitetit të Prishtinës dhe krijimtaria muzikore e tij. Akademik Gazmend Zajmi ka lënë gjurmë të pashlyeshme në historinë më të re të Kosovës.
Autor: Nuhi Bytyçi
Kamera & Montazhi: Enis Limani
Muzika: Ismet Bexheti