الف في مفصل الفك ؟ بتحس بطنين ف الاذن 🧏🏻 ؟ اللام ف الرقبة و بيسببلك صداع ؟ كل الاعراض دي بسبب ايه؟ 🤔

هكلمكم في مشكلة مش كتير من الناس عارفين ان سببها الاسنان والفكين
الا وهي مشكلة مفصل الفك
كتير من الناس يكون بيشتكي من الام مفصل الفك بس للأسف الألم مش بيكون واضح بالنسبة له ولا عارف فين بالضبط عشان كده بيروح لتخصصات كتيرة ما بيعرفش يشخص المشكلة بسهولة
انا النهاردة جاي أتكلم عن تفاصيل عن الموضوع ده
في الأول خليني اشرح لك باختصار عن وظيفة مفصل الفك وايه الوصف التشريحي بتاعه
وظيفة مفصل الفك هو بيلعب دور أساسي في عملية المضغ وكذلك أثناء الكلام او حتى البلع والتنفس عشان كده الشخص اللي بيشتكي من مشكلة في مفصل الفم بتلاقي حياته بتتأثر بشكل كبير لأن هو بيكون حاسس بالام مزمنة طول الوقت مش زي مثلا لو هو حاسس بألم في كتفه أو ظهره بيحس بالألم ده أثناء الحركة فقط لا هو بيبقى عنده الألم مش واضح ومابيبقاش عارف مصدره وبيحس بصداع والام طول الوقت
أما بالنسبة لشكل مفصل الفك هو مفصل مميز جدا وبيختلف عن باقي المفاصل في الجسم وبيكون في جزء منه عظمي في الجهة اليمين وكذلك زيه في الجهة الثانية وبيكون بيغطيه غضروف او ديسك اللي بيساعده في الحركة ويقلل الاحتكاك مع عظام الجمجمة وكذلك المنطقة دي بتكون غنية بالأوتار و الاربطة والشعيرات الدموية وكذلك مفصل الفك بيكون مرتبط بعضلات الوجه اللي بتساعد في تحريك المفصل بشكل سلس وعشان كده الشخص اللي بيكون بيعاني من أي التهابات في عضلات الوجه تلاقي عنده الام سامعة في مفصل الفك
اما أشهر المشاكل اللي ممكن تظهر عند بعض الأشخاص وما بيبقاش عارف ان مشكلتها بسبب مفصل الفك اول حاجة هي صرير الأسنان ودي بتحصل عند الاشخاص اللي بيجز على اسنانه اثناء فترة النوم طول الليل او حتى الأشخاص اللي بيعانوا من طأطأة أثناء الكلام او اثناء المضغ ممكن يكون بسبب ان عنده انزلاق غضروفي المفصل ده او الأشخاص اللي بيكون عنده طنين في الاذن ويروح يكشف عند دكتور الأنف وأذن ويقوله أذنك سليمة مافيهاش أي مشكلة ويكون المشكلة كلها بسبب ان عنده التهاب في المفصل أو كذلك الأشخاص اللي بيعانوا من الام في الرقبة او حتى الصداع او حتى الام في الكتف كل دي تفاصيل كثيرة هنتكلم عنها في الفيديوهات الجاية وهقولك ازاي نعالج المشكلة دي وايه التخصص الأفضل ان احنا نروحه عشان نعالج المشاكل دي

[@abdelrahmanhany3104]

بجد بجد شكراً يا دكتور كل المشاكل اللي حضرتك بتقول عليها ديه عندي حالياً ورحت لدكتره وخدت مسكنات ومفيش فايده والموضوع مأسر على عيني بالله عليك كمل الفيديوهات ديه ولو حضرتك تعرف دكتور تقويم عظام شاطر قريب من القاهره والجيزه قلي عليه