Боотур ыһыаҕа - 2024
HTML-код
- Опубликовано: 10 сен 2024
- Ыам ыйын 25 күнүгэр В.В. Алексеев аатынан Тойон Мүрүтээҕи уолаттар гимназияларыгар үгэс буолбут Боотур ыһыаҕа ыытылынна. Сайыҥҥы итии күн Мүрү нэһилиэгин сынньалаҥ пааркатыгар сарсыардаттан уоланнар, төрөппүттэр, үлэһиттэр мустан, түһүлгэни симээтилэр, түптэ буруота унаарда. Боотур ыһыаҕын кылаас коллективтара сэлэлии хааман киирэн саҕалаатылар. Алгысчыт ыһыаҕы алҕаан, сир-дойду иччилэригэр айах тутта, аал уоту аһатта. Дириэктэр Ф.Ф. Татаринов ыһыах дуоҕатын өрө аста. Кымыс үрдүн охторон, аан дархан аҕалары, уоланнары кымыһынан күндүлээтилэр. Уоланнар, төрөппүттэр, учууталлар ылбаҕай ырыаларынан, дохсун үҥкүүлэринэн, хомус тойугунан "Уол оҕо барахсан" дьүһүйүүнү көрдөрөн, сэҥээриини ыллылар. Онтон түһүлгэлэринэн тарҕаһан, ыһыах амтаннаах аһын аһааһын буолла. Боотур ыһыаҕын саамай күүтүүлээх, өрөгөй түгэнинэн "ЭРЭЛ БООТУР", "ЭРЧИМ БООТУР" ааты сүгэр иһин саха төрүт оонньуутугар күөн күрэс буолла. Олус тыҥааһыннаах, сытыы киирсиилэр кэннилэриттэн Эрэл Боотур аатын Арсен Сивцев (6б кыл.), Эрчим Боотур аатын Эрэл Босиков (8 кыл.) ылан, кыайыы чыпчаалын биллилэр. Түһүлгэни киэргэтиигэ 7а кылаас (куратор Тимофеева С.И.), дьиэ кэргэн сахалыы таҥаһыгар Баатаҕайтан төрүттээх Алексей, Александр, Людмила Романовна, Иван Федорович Готовцевтар дьиэ кэргэннэрэ, фольклор айымньытын толорууга Дмитрий Нафанаилов (6а кыл.) кыайыылаах буоллулар. Быйылгы Боотур ыһыаҕа Россияҕа дьиэ кэргэн, Сахабыт сиригэр - оҕо-аймах, Уус Алдан улууһугар - Аҕа сылларыгар уонна "Уолан" гимназия төрүттэммитэ 30 сылыгар, саха оҕотугар математиканы дириҥэтэн үөрэтиини төрүттэспит киэн туттар биир дойдулаахпыт В.В. Алексеев төрөөбүтэ 100 сылыгар ананна.
оьуобай...😊😊