BERPIRSIYAR |بەرپرسیار-کچێک بە گولـلەی دەمانچە گیانی لەدەستدا

مێردمنداڵێک لە گوندێکی سنووری سۆران شەوی رابردوو دوای نانخواردنی ئێوارە چووە ژوورێکی ماڵەکەیان و گیانی لەدەستدا.
رۆژی سێشەممە، 07-03-2023، رەشید فەتاح، مامی رەیان لە بەرنامەی بەرپرسیاری تۆڕی میدیایی رووداو کە شەهیان تەحسین پێشکێشی دەکات، گوتی: "رووداوەکە دوای نانخواردنی ئێوارە بووە، کاتێک رەیان ویستوویەتی نوێژ بکات لە ژوورێکی دیکەی ماڵەکەیان. چەکێک لە ژوورەکە بووە و دەستی گەیاندووەتە چەکەکە و کەس ئاگای لێ نەبووە و کەسیش لە ژوورەکە نەبووە. کاتێک چوونەتە ژوورەوە بینراوە گولـلەیەکی بەرکەوتووە".
وەک مامی رەیان باسی دەکات، ئەو کچە تەمەن 13 ساڵە و هیچ کێشەیەکی نەبووە و تەنانەت ئەو رۆژە "بەڕۆژوو" بووە و دەشڵێت: "هیچ کەسێک قسەیەکی بە رەیان نەگوتووە و تاقانەی سێ براش بوو".
دوای رووداوەکە رەیان گوێزراوەتەوە بۆ نەخۆشخانە و دوای نیو کاژێر لە گەیاندنی، گیانی لەدەستداوە. سەبارەت بە هۆکاری بوونی دەمانچە لە ماڵەکە، وەک مامی رەیان باسی دەکات ئەوەیە کە باوکی پێشمەرگەیە و "رەنگە پێویستی کردبێت دەمانچە لە ماڵ بێت بۆ خۆپاراستن، پۆلیسی سۆرانیش دەتوانێت لەو بابەتە بکۆڵێتەوە".
شەمال دێواری، گوتەبێژی پۆلیسی سۆران بە تۆڕی میدیایی رووداوی راگەیاند، کاژێر 9:45 خولەکی شەوی رابردوو لەلایەن نەخۆشخانەی فریاکەوتنی سۆران لە هەبوونی تەرمی کەسێک بە ناوی "رەیان تاریق فەتاح" لە نەخۆشخانە ئاگادار کراونەتەوە.
شەمال دێواری گوتی: "کچەکە گولـلەیەک بەر سکی کەوتووە و بە هۆیەوە گیانی لەدەستداوە."
وەک گوتەبێژی پۆلیسی سۆران دەڵێت، ئەوان چاوەڕوانی راپۆرتی دادپزیشکین تاوەکو دڵنیاببنەوە لە راستیی رووداوەکە. رەشید فەتاحیش دەڵێت: "گومانمان لە هیچ کەسێک نییە و رووداوەکە کوشتن نەبووە بە دەستی کەسێکی دیکە. دڵنیاین رووداوەکە بە هەڵە بووە. رەیان جلی سەیرانی کڕیبوو و بڕیاربوو لەگەڵ قوتابیانی قوتابخانەکەیان سەیرانەکە بکەن".
"لێکۆڵینەوە لە رووداوەکە بەردەوامە"
رەجەب زوبێر، قایمقامی سۆران لە بەرنامەی بەرپرسیار ئەو رووداوەی بۆ هەبوونی چەک لە هەرێمی کوردستان گەڕاندەوە و گوتی: "رووداوێکی نەخوازراو بووە و ئێستا پۆلیس پەڕاوی لێکۆڵینەوەی بۆ کردووەتەوە."
سەبارەت بە یەکلابوونەوەی ئەوەی "ئایا رەیان خۆی کوشتووە یان کوژراوە یان بە ئەنقەست خۆی کوشتووە؟، رەجەب زوبێر دەڵێت: لە رووداوێکی وەهادا کاتێک کەسێک لەو تەمەنەدا دەچێتە ژوورەوە و گولـلەی لەدەست دەردەچێت، دەبێت لێکۆڵینەوەی لەسەر بکرێت و هۆکارەکانی پشت ئەو رووداوە ئاشکرابکرێن و گوتی: "ئەگەر خۆکوژی بێت، دەبێت لێکۆڵینەوە بکرێت لەوەی کە ئایا رەیان لەو تەمەنە بچووکە بۆچی خۆی کوشتووە، ئەگەر نەخوازراویش بێت، دەبێت بزانرێت ئەو چەکە بۆچی لەوێ دانراوە، پۆلیس لێکۆڵینەوە دەکات".

[@bellavita5427]

حسبى الله ونعم الوكيل لكل ظالم إن شاء الله 🤲🏻🕌🕋

[@tirvangolii]

شه هيان به رنامي به ربسيار

[@tomalex3545]

Zor ba daxawa pey dlagran bom 😢😢

[@sausankhalaf2229]

ئه و باوكه هيچ نشانه يه كى غهمبارى پيوه ديار نيه و ئه لى باسى كچى يه كيكى تر باس ئه كات ، تازه ش هه ر شتيك بووبيت ئه و روشته وه بو لاى بارى تعال خوى انشالله به به هه شتى به رين شاد بيت . انا لله وانا اليه راجعون