Оқбуранинг суви тезроқ оқиб кетсин

Оқар дарё оқар бўлса оқиб кетсин,
Ёрим умр йўлдошига ёқиб кетсин.
Бизга висол эшикларин очолмасдан,
Деразадан гирён-гирён боқиб кетсин.
Бир кунда ёр бегонага айланди-я,
Бошқа уйга келин бўлиб сайланди-я,
Ваъдаларин унутолмай қийналди-я,
Исмим тезроқ эсларидан чиқиб кетсин.
Бу йўллардан армон ўтар охири йўқ,
Муҳаббатда ул гўзалдан моҳири йўқ,
Достон битар Зуҳроси бор, Тоҳири йўқ,
Ёзганларин ёлғиз ўзи ўқиб кетсин.
Бир умрли ҳижронига бор тоқатим,
Ёқармикин ёрга шундай садоқатим,
Ҳар баҳорда эсга тушиб муҳаббатим ,
Кўзларига оқ мунчоқлар тақиб кетсин.
Муғанний, 1988
Oqburaning suvi tezroq oqib ketsin
Oqar daryo oqar bo‘lsa oqib ketsin,
Yorim umr yo‘ldoshiga yoqib ketsin.
Bizga visol eshiklarin ocholmasdan,
Derazadan giryon-giryon boqib ketsin.
Bir kunda yor begonaga aylandi-ya,
Yot uyiga kelin bo‘lib saylandi-ya,
Va’dalarin unutolmay qiynaldi-ya,
Ismim tezroq eslaridan chiqib ketsin.
Bu yo‘llardan armon o‘tar oxiri yo‘q,
Muhabbatda ul go‘zaldan mohiri yo‘q,
Doston bitar Zuhrosi bor, Tohiri yo‘q,
Yozganlarin yolg‘iz o‘zi o‘qib ketsin.
Bir umrli hijroniga bor toqatim,
Yoqarmikin yorga shunday sadoqatim,
Har bahorda esga tushib muhabbatim ,
Ko‘zlariga oq munchoqlar taqib ketsin.
Mug‘anniy, 1988

[@АбСафар]

Зур кушик,киргиз,тожик ва биз узбекларнинг табиатига мос.

[@uzgen2283]

Карим соипов кушиги эди якинда утди аллох рахмат килсин

[@erkinegamberdiev7805]

Хеч качон улмайдиган ашулла

[@anvarjalolov1738]

Гап йук

[@komiljonkimsanov5462]

Охирати.обод.булсин.рахматлик.