Ֆլեշմոբ Հայաստանի ազգային ֆիլհարմոնիկ նվագախմբի հետ

Նոյեմբերի 26-ին Դալմա Գարդեն մոլն ու Armenian National Philharmonic Orchestra-ն միասին կազմակերպել էին աննախադեպ ֆլեշմոբ։
Հաճախորդներն իրենց սև ուրբաթյան գնումներն էին կատարում, երբ սկսեց լսվել թմբուկի բարձր ձայնը, իսկ հետո մոլի տարբեր անկյուններից երաժիշտները սկսեցին հավաքվել կենտրոնական հատվածում ու կատարել Ռավելի հայտնի «Բոլերո» ստեղծագործությունը։
Րոպեներ անց Ազգային ֆիլհարմոնիկ նվագախմբի գեղարվեստական ղեկավար և դիրիժոր Մաեստրո Էդուարդ Թոփչյանը հենց շատրվանի միջից միացավ իր նվագախմբին։