الأسباب الأساسية لترقية المندوب لمشرف

♦ ﴿ قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ وَيَقْدِرُ وَلَكِنَّ أَكْثَرَ النَّاسِ لَا يَعْلَمُونَ ﴾ [سبأ: 36].
عشان تكون مشرف :
ويتم إختيارك من وسط زملائك
مش لازم تكون عصفورة.
مش لازم تكون مطبلاتي
مش لازم تكون أقدم واحد.
1. لازم تكون أولا مندوب ناجح في عملك
2. محققاتك كأرقام ملفتة يعني لو في فالفرع ٣ أوائل لازم يكون عندك إلمام جيد بكل مهام وظيفتك.
3. لازم تكون منهم.
4. لازم تكون ملتزم مش مهمل.
5. لازم تطور من نفسك وتقرأ عن الإشراف وتعد نفسك لكده.
6. إعرف إيه هي معايير تقييم الأداء في شركتك وحاول تحصل على أعلى تقييم.
7. لازم تكون محبوب مش مكروه وتقدر تساعد زميلك في إطار عملك وعملهم وليس فيما يخالف سياسة شركتك
8. خلي هدف أمام عينيك دائما إن شاء الله إن أنت هتترقى وخليك واثق في نفسك.
9. خليك قدوة للأخرين بخلقك وامانتك في عملك.
10. وجود أحد مميز ضمن فريق العمل بالشركة صدقني بيفرض على الإدارة إختياره أو وضعها في موقف محرج لإنها بتكون عاوزه تحافظ على هؤلاء .
11. حط لنفسك أهداف واضحة سهلة بمزيد من الجهد وحاول تحققها.
للمدير :
1. لو عاوز تدمر مسيرة نجاحك وتاريخك اختار الأشخاص الغير مؤهلين للقيادة والمسئولية.
2. إختيار الكوادر الصحيحة بيخلق بيئة عمل صحية داخل الشركة.
3. وضوح معايير الأداء الفعال بيخلي كل فريق العمل يتنافس منافسة شريفة فيما بينهم على الفوز بالترقية وتقديم أحسن ما عندهم.
4. قرار الترقية أمانة ستُحاسب عليها وإما تدفعك للأمام أو تسحبك للخلف.
5. ترقية الشخص الغير مناسب من الممكن أن يُفسد فريق العمل بالكامل أو معظمه.
6. اعرف إن أنت مُربي أجيال وإن المشرف اللي هتختاره هتعتمد عليه بشكل كبير فسيبك من العصافير والمطبلاتيه.
7. أوعى تختار اللي إمكانياته ضعيفة وترقية عشان تفضل أنت بس اللي عارف كل حاجة صدقني الدنيا مش دايمه لحد وهيفشل وهتفشل الشركة معاك.
8. متبخلش على المشرف الجديد بإنك تعلمه لأن دي أمانه.
9. عاوز تخلي فريق عملك يكبر ويتطور حط امام أعين الجميع معيار تقييم الأداء خليهم كل شهر يعرفوها.

[@amerabas744]

فعلا الواحد بيتعلم من المحاضرات دي

[@emadabdallah9168]

جزاك الله خير كلنا بنتعلم من بعض 🌻🌻

[@حياتكاحلىمعسوسو]

موفق ياعماد ياااااارب

[@إبداعاتامصهيب]

موفق🔔

[@moatazelsaqa9968]

كلام جميل جدا ربنا يوفقك

[@الاسكندرانيعمهم]

بتوفيق يا عمده محمد الاسكندراني

[@emadabdallah9168]

حبيبي يا حمام تسلم ربنا يعزك ويحفظك

[@التوأمان-ب3س]

ربنا يكرمك

[@emadabdallah9168]

تسلم ربنا يعزك ويحفظك

[@AhmedMonem-xt2gh]

لو سمحت ياريس عندي مقابله في نفس شركتي للتطور مشرف .. أركز علي أيه ؟ النقاط الاساسيه

[@emadabdallah9168]

شاهد حلقة مهام مشرف المبيعات

[@samehnofal_7493]

ممكن حلقه عن وظايف المشرف ؟؟
وازاي اقدر انجح ف مقابله لشركه محتاجين مشرفين

[@emadabdallah9168]

إن شاء الله قريب بإذن الله تعالى

[@Humam88]

الشركة فن المبيعات والإدارة ننتظر بعد 9اشهر

[@عائلهميزوعائلهميزو]

دي تالت مقابله للمشرف ومقبلش وHRدايما بتدي درجات وحشه ايه السبب ارجوالرد

[@emadabdallah9168]

يوجد كثير من الأسباب تؤدي لعدم القبول منها ما يخص المتقدم ومنها كثير يخص الشركات وحاجاتها ولا يمكن القطع بأن ذلك سببه مشكله لديك.
وسيتم إن شاء الله تناول هذا الموضوع خلال الحلقات القادمة إن شاء الله تعالى

[@عائلهميزوعائلهميزو]

@@emadabdallah9168 ياريت لان مديرالبيع قاله ركزع شخصيتك داممكن سبب لعدم القبول