【18區搵食-九龍城偽泰國之旅x泰國雜貨鋪爆買唔知乜東東零食】呢排勁紅泰國雜貨店尋寶記|零食串燒甜品咩都有|2間泰國人推薦嘅口袋名單|入泰國餐廳仲可以叫「泰國口味」?|一秒返泰國|連骨都食得嘅芒果魚
HTML-код
- Опубликовано: 28 авг 2024
- 今集嚟到有小泰國之稱嘅九龍城搵食,除咗會去食泰國菜,仲會去一間呢排好多人去嘅泰國雜貨店尋寶~唔知大家經過泰國雜貨店會唔會同我一樣,都好好奇色彩繽紛嘅糕點係咩嚟㗎呢?仲有好多唔知乜東東嘅泰國小食,今集同大家一次過食晒佢,下次大家就可以安心掃貨啦~
所講嘅泰國雜貨店叫做「彩虹」,位於九龍城城南道,位置鄰近地鐵站,除咗有近排熱賣嘅斑蘭麵包,仲有唔少特色小食。店員阿Sam好友善地介紹,大部分食物都係由泰國新鮮直送。泰國人鍾意甜食,所以大部份都係甜口味,好似呢款芋泥焦糖燉蛋,絕對啱晒螞蟻人,雖然呢個燉蛋同想像中嘅有出入,不過芋泥好綿密,同朋友share就啱晒~個人最鍾意冬蔭功味炸豆腐皮,豆皮香脆,冬蔭功味突出,送酒一流!仲有椰汁斑蘭砵仔糕,白色個層似平時食開嘅西米糕,鹹鹹甜甜,加埋煙韌嘅斑蘭糕,4件完全唔夠食!
據九龍城泰國地膽報料,有間餐廳:泰式燒王2,據聞係好多泰國人嘅開飯食堂~佢有一個暗藏落單方法,落單時同店員講要泰國口味,咁佢哋就會跟返正宗泰國口味嘅做法,最大嘅分別就係味道會辣啲@@呢度嘅肉碎生菜包,唔係平時食開嘅豬肉或牛肉,呢度係有鴨肉選擇,而且蔬菜由平時嘅生菜,轉做泰式蔬菜,好似金不換、泰國蔬菜、四季豆同椰菜等等。肉碎生菜包入口第一啖,真係辣到直上天靈蓋,成個人醒神晒,加咗金不換真係有泰國嘅味道。另一味酸辣香茅芒果鰂魚沙律好有驚喜,脆到連魚骨都食得,入口脆卜卜,連埋爽脆嘅青芒,愈食愈開胃。
另一間泰仔美食同樣係唔少泰國街坊推薦,不過呢一間就冇試到泰國口味,食返港人口味~泰仔柚子沙律入口大爆汁,醬汁開胃惹味!泰式鮮蝦金邊粉望落較濕潤,但入口剛好唔會一pat pat,配埋甜口嘅花生碎,正啊!
大家平時去九龍城會幫襯邊間泰國餐廳?歡迎留言話我聽^^
記得今晚9點準時上RUclips睇片喇~
彩虹
地址:九龍城城南道 20C 地下
牛油沙糖厚麵包 $15
椰汁糯米香蕉糉 $12
綠豆黑椒糯米糍 $5
椰汁斑蘭砵仔糕 $18
芋泥焦糖燉蛋 $35
蛋絲椰絲薄脆 $25
冬蔭功味炸豆腐皮(全素)$35
斑蘭麵包 $7.5/個、$75/10個
泰式燒王2
地址:九龍城南角道17號地鋪
肉碎生菜包(鴨肉) $82
酸辣香茅芒果鰂魚沙律 $189
泰仔美食
地址:九龍城南角道30-32號地下
泰仔柚子沙律 $88
泰式鮮蝦金邊粉 $78
主持、撰文:Yvonne Lam
攝影、剪接:Doris Wong
美術:Anita Lam
TalkFood 先填飽肚子再前進
RUclips : / talkfood
Facebook : / talkfood
Instagram : ...
#九龍城 #九龍城美食 #小泰國 #泰國 #泰國雜貨店 #彩虹 #零食 #小食 #掃街 #斑蘭麵包 #斑蘭冰心包 #甜品 #泰式燒王2 #肉碎生菜包 #鴨肉 #酸辣香茅芒果鰂魚沙律 #鰂魚 #芒果魚 #泰仔美食 #泰仔柚子沙律 #泰式鮮蝦金邊粉 #長龍店 #街坊小店 #食晏 #外賣 #18區搵食 #TalkFood #TalkFood九龍城
延伸閱讀:
【18區搵食-IG榜上有名之4間西貢名物】
• 【18區搵食-IG榜上有名之4間西貢名物】
【18區搵食-嚟天水圍唔去新北江 大把好嘢食!唔係唔食芒果煎肉餅啩?】
• 【18區搵食-嚟天水圍唔去新北江 大把好嘢食...
【18區搵食-元朗4間名物值得一試?】
• 【18區搵食-元朗4間名物值得一試?】
👍介紹清適及每間食店都有地址👏👏🙏
你講解🉐️好到位支持加油👍👍👍👍👍👍👍👍👍👍👏👏👏👏👏👏👏👏👏👏
輕鬆嘅訪問同介紹,好好睇! 做多啲呢類型都唔錯 😉
"泰仔" 我成日去, 勁多人, 燒雞翼最正! 不過佢出品太快, 攪到好似吹你快啲食快啲走咁..
九龍城真係好多正嘢~一次食唔晒!
TalkFood攝影師
@@TALKFOOD part 2 pls.. 😏🤩🤩🤩
我想講, cam man幾靚女, 出多啲鏡講吓食評吖
小編好可愛🤣你唔好戒講好食啦🤣🤣你唔講我地點知好唔好食🥹
攝影師答你!好食🥹🥹
TalkFood攝影師
🙏 好多謝靚女嘅介紹, 食物好特別! 印象中好少香港人會介紹泰國小食...我會去買D嚟試下!
好味既食物講好食無問題,你想講就講,因為別人既一句說話令自己咁辛苦都拍得唔舒服,我覺得你做得幾好啊…會訂閱
嗚呀~~~我代表Y小編支持你!
TalkFood攝影師
多謝介紹正宗泰國雜貨賣小食。
多謝介紹, 一定會買會試.
食別人國家的味道文化必須要用心感受,如果用本地既飲食文化去感受就會有所失色,略嫌未夠盡興,多謝介紹
彩虹的泰國西角,好好吃
介紹得幾好❤
仲以為會試埋個班蘭包🤣
小編繼續苦練更多形容詞取代好食XD
不過真係好食係唔怕講多幾句架!加油
多謝支持!
TalkFood攝影師
中文詞彙似乎有限,可以多閱讀
靚女你問得好 我不識那些正野🎉
泰仔燒豬頸肉都好好食!下次去記住試下🥰
Y小編咁拆得都食唔晒~下次一定會再食!!!
TalkFood攝影師
9:40 紫色嗰啲可能係芋頭,因為嗰款糯米包乜乜係有兩種,香蕉同芋頭
哈哈!當下食唔出乜嘢味道~不過都係甜甜哋煙煙韌韌~
TalkFood攝影師
好多年前喺九龍城試過食 佢哋正宗泰國菜 之後食所有嘅嘢都係得個辣字 乜嘢食物都冇去本身嘅味
點解會喺彩虹買完嘢之後去咗其他餐廳坐喺裏麵食嘅
🥹多謝餐廳借地方俾我哋拍片,周街食有啲難道啊!
TalkFood攝影師
@@TALKFOOD 原來係咁 我曾經有諗過會五會彩虹係有堂食呢
睇見都感受到嗰啲辣!😵💫 不得了!我都要升天往生了!🥵☠️😇 叮~~~~~
泰國人真係好勁!真係辣到飛起
TalkFood攝影師
薄脆橙色係椰絲
我哋都覺得 好似係椰絲味 ~
TalkFood攝影師
間中都去城南道掃貨
原來和 (美食) 談戀愛是這麽的一回事.....
加油🎉
今天去了"彩虹"買了幾樣零食。
攝影師好靚女
甜到往生😂😂😂😂
🥹多謝~
TalkFood攝影師
四季豆可以生吃???
唔係有毒的咩?
彩虹响邊條街
城南道
畫面右上角已經有地址
Y小編原來唔食得辣😮
我覺得佢算辣得,不過泰國口味真係好辣!
TalkFood攝影師
叫個唔食辣去食辣野,點知好唔好食呢?
佢都拍得好辛苦😵💫~所以泰仔美食要食返正常version嘅金邊粉
TalkFood攝影師
做慣打手職業病係咁架啦
點解要咁講呢🥹🥹🥹🥹🥹🥹🥹🥹🥹🥹🥹🥹🥹🥹🥹🥹🥹🥹🥹🥹🥹🥹🥹
TalkFood攝影師
樓主,不用理會這位仁兄怎説啦,他們出了名粗口滿天飛,偏頗偏激,尤其是那位鱷魚,正一不知所謂,黃得來没理性,又要死返來搵食!
.沒有行錯九龍城/妳嘅盲公竹有D料到
多得線人報料!!!
TalkFood攝影師
12:07 18:52 22:02主持的食相好斯文 有禮貌 好好睇。有好多youtuber的食相好難睇 伸哂脷 反白眼 流口水 唔衞生 豬食相。不看Sic Leung , Alfred Chan , Denman826 , 有啖好食
請問斑斕冰包 幾錢個?
斑蘭麵包 $7.5/個、$75/10個~
謝謝你
配樂太大声!!!!!
爆咪情況嚴重,想睇落去都唔得。 對耳頂唔住。
根本好多零食唔係講得甘好食,有些食物放佐很久,已經不夠新鮮!
其實老細個樣唔使打陰影呀?有D多餘
老闆話想低調啲 T^T
TalkFood攝影師
四季豆唔可以生食,會中毒☠️。
點解唔講得好食? 一定要講魚有魚味?😉
你真係好拆得🤣
入職要求 :能一天六餐
TalkFood攝影師
@@TALKFOOD 食得是福,難怪你這麼可愛!
👍👍
Y小編你未答我,你係咪米紙個Fiona
2個都唔似樣,把聲都唔同
Y小編應該唔係米紙嘅Fiona...🥹
咁你都分唔到…咩事。Y小編再靚少少。
主持,很驚訝嗎?
主持被生菜包辣得很驚訝!
TalkFood攝影師
D“哦~”聲少煩,建議對個咪比人講
我聽你講好食唔覺有問題,唔好咁大壓力啦
嗚~~~Y小編會好努力ga na! 我代Y小編多謝你~
TalkFood攝影師
講多一兩句好味都冇所謂啦~
我覺得你已經算係好識形容味道㗎喇~ 聽你講完會想像到係咩味!
我代Y小編多謝你~ 下次去試吓泰國口味!
TalkFood攝影師
没冷藏欠卫生
😋😋😋💖💖💖👍👍👍
攝影師形容食物仲好過主持😅
香港人不要去幫襯!老闆(泰仔)態度惡劣,當客人去他鋪頭乞食。
服務態度勁差,點解可以咁,食物質素正正常常冇驚喜。唔會有下次。。。
主持人今集好做作,說話一D都唔自然好誇張