#4sektor

#4sektor
#Sayyor_qabul
Sayyor Qabul: Muammolarga maqbul yechim
Joriy yilning 23-may kuni Sirdaryo viloyati Soliq boshqarmasi boshlig‘i, 4-sektor rahbari Ulug‘bek Xatamov boshchiligida sektor shtabi vakillari ishtirokida Shirin shahrining "Amir Temur" mahallasida jismoniy va yuridik shaxslar uchun, xususan tadbirkorlar uchun navbatdagi sayyor qabuli bo‘lib o‘tdi.
Qabul jarayonida o‘ttizga yaqin fuqarolar, yuridik shaxslar va ularning qonuniy vakillari bilan yuzma-yuz muloqot qilinib, asosiy eʼtibor, murojaatlarning joyida hal etilishiga qaratilib, qo‘shimcha o‘rganish va qonuniy qaror qabul qilish uchun ish yurituviga olingan murojaatlar yuzasidan aniq va manzilli chora-tadbirlar belgilanib, tegishli mas'ullarga bajarish muddatlari aniq belgilangan ko‘rsatma va topshiriqlar berildi.
Har bir murojaatning ijrosi alohida nazoratga olinib, murojaatlar yechimi yuzasidan ma'lumot taqdim etilishi ma'lum qilindi.
Bu kabi qabullar orqali aholi bilan doimiy muloqot qilish, fuqarolarni qiynayotgan muammolarni hal etish, odamlarning dardini eshitish, og‘irini yengil qilish yurtdoshlarimizning bugunidan rozi bo‘lib, ertangi kunga katta ishonch bilan dadil odimlashga xizmat qiladi.
Sirdaryo viloyati Soliq boshqarmasi Matbuot xizmati