ТАРВАГА АНГУУЧИЛЖ БУЙ НОХОЙ ЗЭЭХ МАНАЙ КАМЕРТ БИЧИГДЖЭЭ

Нохой зээх (Gulo gulo) нь Суусарын овгийн бахим, булчинлаг махан идэшт амьтан юм. Энэ амьтан нь баавгайтай их төстэй.
Нохой зээхийн сарвуу, эрүү нь ер бусын хүчтэй учраас ямар ч том, зузаан арьстай амьтныг нэг зуугаад авсан тохиолдолд тэсвэрлэхийн аргагүй өвдөлтийг мэдрүүлж, ямар ч том амьтны ясыг төвөггүй зажилна. Увс аймгийн Ховд сумын Гурван хороо ууланд тавьсан манай камерт нохой зээхийн тарвага барьж байгаа нь бичигдэн үлджээ. 📸
Үндсэн хоол нь сэг зэм. Баавгай, чонын үлдээсэн сэг зэмийг болон жижиг мэрэгчид, шувууд, цаа буга болон буга, хандгайн үр төл бас өвчтэй амьтдыг мөрдөнө.
Нохой зээх нь таван хуруутай том саврын тавхайгаараа тулан явдаг тул гүн цасанд явах хөдөлгөөнийг нь хөнгөвчилдөг байна.
Нас бие гүйцсэн нохой зээх нь 65-87 см урт, 10-25 кг жинтэй бөгөөд 17-26 см сүүлтэй. Түүний зузаан, тослог, бараан арьс нь хүйтнээс сайн хамгаалдаг. Дэлхийн бөмбөрцгийн хойд хагасын ой тайга, Аляска, Канад, Скандинавын орнууд, Оросын Сибирь, Монгол, Хятадын хойд хэсгийн нутгаар тархан амьдардаг.