ორიზენი, გალაკტიონ ტაბიძის ლექსი თოვლი
HTML-код
- Опубликовано: 26 авг 2024
- თოვლი
მე ძლიერ მიყვარს იისფერ თოვლის
ქალწულებივით ხიდიდან ფენა,
მწუხარე გრძნობა ცივი სისოვლის
და სიყვარულის ასე მოთმენა.
ძვირფასო! სული მევსება თოვლით:
დღეები რბიან და მე ვბერდები!
ჩემს სამშობლოში მე მოვვლე მხოლოდ
უდაბნო ლურჯად ნახავერდები.
ოჰ! ასეთია ჩემი ცხოვრება:
იანვარს მოძმედ არ ვეძნელები,
მაგრამ მე მუდამ მემახსოვრება
შენი თოვლივით მკრთალი ხელები.
ძვირფასო! ვხედავ... ვხედავ შენს ხელებს,
უღონოდ დახრილს თოვლთა დაფნაში.
იელვებს, ქრება და კვლავ იელვებს
შენი მანდილი ამ უდაბნოში...
ამიტომ მიყვარს იისფერ თოვლის
ჩვენი მდინარის ხიდიდან ფენა,
მწუხარე გრძნობა ქროლის, მიმოვლის
და ზამბახების წყებად დაწვენა.
თოვს! ასეთი დღის ხარებამ ლურჯი
და დაღალული სიზმრით დამთოვა.
როგორმე ზამთარს თუ გადავურჩი,
როგორმე ქარმა თუ მიმატოვა!
არის გზა, არის ნელი თამაში...
და შენ მიდიხარ მარტო, სულ მარტო!
მე თოვლი მიყვარს, როგორც შენს ხმაში
ერთ დროს ფარული დარდი მიყვარდა!
მიყვარდა მაშინ, მათრობდა მაშინ
მშვიდი დღეების თეთრი ბროლება,
მინდვრის ფოთლები შენს დაშლილ თმაში
და თმების ქარით გამოქროლება.
მომწყურდი ახლა, ისე მომწყურდი,
ვით უბინაოს _ ყოფნა ბინაში...
თეთრი ტყეების მიმყვება გუნდი
და კვლავ მარტო ვარ მე ჩემს წინაშე.
თოვს! ამნაირ დღის ხარებამ ლურჯი
და დაღალული ფიფქით დამთოვა.
როგორმე ზამთარს თუ გადავურჩი!
როგორმე ქარმა თუ მიმატოვა!
1916 Видеоклипы
მოვუსმინე❤
იმ 2 დისლაიქის პატრონს ალბათ ძაან ბოტოტა თითები აქვთ და შემთხვევით დაეჭირათ ლაიქის მაგივრად 😒
აჰაჰჰაჰაჰა
❤
უმაგრესია
დაუსრულებლად...
🖤
რაკარგია😇❤
გალაქტიონი ჩვენი ერის გენია❤❤❤
გალაქტიონი არა. გალაკტიონი
@@zazasiradze9605 მართლა სირაძე ხარ
2022
როგორ ჩავწერო ტელეფონზე
გიტარაზე თუ იკვრება აკორდები მითხარით რა❤️
Am. Dm
მე ძლიერ მიყვარს იისფერ თოვლის,
C. E
ქალწულებივით ხიდიდან ფენა.
(ესე მიყვება მთელი კუპლეტი) რითმი: დაბლა დაბლა მაღლა დაბლა მაღლა, ეს მარტივია :))
არავინ არ საუბრობთ ოთარ რამიშვილზე რომელმაც ამ ლექსზე ულამაზესი სიმღერა დაწერა. ეს იმ მელოდიის გაუპატიურებაა.
შეგიძლიათ რომ დამილინკოთ?😍
@@Anuka-es1ox ruclips.net/video/LiaP6yZtu_I/видео.html
@@Anuka-es1ox მოუსმინეთ
მადლობა😍
@@Anuka-es1ox გაიხარეთ. ჩემს სიმღერებსაც ჩაგიგდებთ თუ გინდათ