Bakı metropolitenində yeni il karnavalı-29_12_2019

Yeni ilin gəlişi ilə bir neçə gün əvvəldən işıqlı şam ağacları ilə bəzədilmiş “İçərişəhər” stansiyasında Yeni ilin qəhrəmanları Şaxta baba və Qar qız sərnişinləri salamlayıblar. Onlar sərnişinləri Dünya Azərbaycanlılarının Həmrəyliyi Günü və qarşıdan gələn Yeni il bayramı münasibəti ilə təbrik edib, onlara yeni ildə uğurlar və sevinc arzulayıblar.“A” və “Г”, eləcə də 2009-cu ilə qədər Bakı metrosunun xətlərində sərnişin daşımış “E” tipli vaqonların qoşulduğu qatar "İçərişəhər" stansiyasının hərəkətin olmadığı 1-ci baş yolunda nümayiş etdirilir. “Şaqan” instrumental ansamblı canlı musiqi ilə “28 May”, “Sahil” və “İçərişəhər” stansiyalarında sərnişinlərdə əsl bayram ovqatı yaradıb.