Top News - Helikopteri ishte më lart se ç’duhej! Aksidenti mbi Uashington, identifikohet pilotja

Ushtria amerikane publikoi të shtunën emrin e ushtares së tretë që vdiq në një helikopter Black Haëk që u përplas me një avion pasagjerësh të American Airlines pranë Aeroportit Kombëtar të Uashingtonit, Ronald Reagan këtë javë, duke vrarë gjithsej 67 persona. Ushtarja u identifikua si kapitenja Rebecca Lobach, nga Durham, në Karolinën e Veriut. Ajo ishte oficere e aviacionit në ushtrinë e rregullt që nga viti 2019 dhe e caktuar në Batalionin e 12-të të Aviacionit, në bazën Fort Belvoir të Virxhinias. Ushtria fillimisht kishte refuzuar ta identifikonte atë, një vendim i pazakontë që agjencia tha se ishte marrë me kërkesë të familjes.
Por të shtunën, ushtria tha në një deklaratë se familja e Lobach kishte rënë dakord të publikonte emrin e saj. "Ajo ishte një yll i ndritshëm në jetën tonë," tha familja e saj në një deklaratë, duke vënë në dukje se ajo punonte si avokate për viktimat e sulmeve seksuale dhe planifikonte të bëhej mjeke pas shërbimit të saj ushtarak. "Askush nuk ëndërroi më shumë ose nuk punoi më shumë për të arritur qëllimet e saj." Ndërkohë, hetuesit nga Bordi Kombëtar i Sigurisë së Transportit ajror kanë përcaktuar se avioni CRJ700 ishte në lartësinë 91 metra në momentin e përplasjes. Informacioni u bazua në të dhënat e marra nga regjistruesi i të dhënave të fluturimit të avionit, ose "kutia e zezë" që gjurmon lëvizjet, shpejtësinë dhe parametrat e tjerë të avionit. Detajet e reja sugjerojnë se helikopteri i Ushtrisë po fluturonte në lartësi mbi 61 metra, që është edhe lartësia maksimale për rrugën që përdorte. Të dhënat paraprake tregojnë se radari i kullës së kontrollit tregoi helikopterin në lartësinë 60 metra në momentin e aksidentit, megjithëse zyrtarët thanë se informacioni nuk ishte konfirmuar.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: top-channel.tv/
Subscribe to "Top Channel" on RUclips Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#TopNews#Aksidenti#Helikopteri