فرمتة او تيست مود غسالة ال جي ٧ كيلو
HTML-код
- Опубликовано: 28 авг 2024
- تصليح الغسالات الاوتوماتيك النجف
=======================
ورشة المهندس 07821324488
07719642180
=======================
نصائح لمن يمتلك او يريد ان يشتري غسالة اوتوماتيك
=======================
اولا ...لا تستخدم مسحوق غسيل الصحون (تايت)
استخدم زاهي غسالات اوتوماتيك افضل شي
وحتى افضل من مسحوق الغسيل الخاص بالغسالات
لان التايت العادي لا تذهب كل رغوته عند الشطف
وتتكون بالحوض رواسب صعبة التنضيف جدا
جاي يجيبولي غسالات للورشة ملبوخة كانما
سمنت ابيض في داخل الحوض وهذا طبعا يسد
المسامات في الحوض ويسد صوندة التفريغ الداخلية
واني ما اريد تعطل غسالتك وتجيني لو تروح للمصلح
=======================
ثانيا...اخواني مستوى الماء دائما يكون اعلى من مستوى
الملابس فد 5 اصابع علمود البشارة تفتر براحتها لان
اذا مستوى الماء قليل راح يصير ضغط على الماطور
ويحمة وبعدين يعطل وتضل انتة حاير بالتصليح
=======================
ثالثا ...اخواني الحذر كل الحذر من تنصيب الغسالة
في الحمام لان الرطوبة تدمر الكيربوكس وبقية العتاد
واكو غسالات ما اله كيربوكس يعني كم شهر وتذبها
=======================
رابعا...اخواني اتركو تاسيس الماء الحار الا للضروره
القسوى مثلا لغسل الملابس الخاصة بالعمل مثل الاخوان
الفيترية او الحدادين او الملابس التي تحتوي على زيوت
اما الاتربة والاوساخ لا تحتاج الماء الحار لان اغلب
الغسالات مصممة لدرجة حراره 30 درجة مئوية اما
عدنة بالعراق الكيزرات من 60 ولفوك اخواني تجيني
للورشة الغسالات مايعة الصمامات مايعة من الحراره
فنصيحة علمود لتعطل غسالتك ياحبيب كلبي
=======================
خامسا ...ثبت الغسالة باحكام مع التوزين الصحيح
واذا اكو بيها شوية حركة تعب نفسك جيب جوب
وكصة قطع صغار وخلي تحت الغسالة بحيث تحس
بالثبات واستخدم القبان الخاص بها للتوزين
========================
سادسا...لا تغسل الغسالة الاوتوماتيك بالصوند والماء
وانما استخدم قطعة قماش رطبة وامسحها جيدا ولا باس
ان تستخدم القليل من الرغوه للتنضيف
========================
سابعا ...فتشو الملابس جيدا قبل وضعها في الغسالة
اخواني اخواتي الملابس اذا بيها كلنس او فلوس او بعض
الازرار او الاكسسوارات النسائية كلها تضر اذا وقعت
في الحوض الكلنس يتحول الى فتات ويملى غرفة التفريغ
مما يؤدي الى الانسداد واما الازرار او الاكسسوارات
تحشر بين البشاره والحوض مما يؤدي الى تكسر فيهما
وكل ما اقوله لك رايته في عملي في صيانة الغسالات
الاوتوماتيك
========================
ثامنا...اخواني برمجة الغسالات عموما من اليسار لليمين
وليس العكس......يعني
1- تشغيل
2- تحديد مستوى الماء
3- وقت الغسل
4- عدد الشطفات
5- وقت الدوران
6- ستار او البدء
طبعا مو كل الغسالات نفس الشي اذا غسالتك تختلف
اتصل بي على الواتساب اعلمك عليها وبكل سرور
========================
تاسعا ...اخواني نضفوا فلاتر الغسالة بين فتره وفتره
خصوصا فلتر الصمام الخلفي للماء البارد لان اذا ضعف
الماء تطلعلك رمز 4E يعني ضعف في تدفق الماء
========================
عاشرا ..رفع صوندة التفريغ بمستوى واير الكهرباء ومن
ثم الرجوع بها الى فتحة المنهول او المجري
وهية بالغسالة يجي وياها قوس على شكل حرف يو U
بالانكليزي مقلوب وفي اعلاه ثقب للمسمار ثبت المسمار
افقيا مع مستوى واير الكهرباء لا صاعد ولا نازل
واذا ما عرفت مشكولة ذمتك اذا متخابرني على الواتساب
افهمك بالمضبوط بس دعواتكم تكفيني
========================
حادي عشر....سوي غسيل حوض تقريبا كل ثلاث اشهر
تضغط على زر تنضيف الحوض وتضغط ستار او ابدا
واتركها وينتهي الموضوع
========================
ثاني عشر....عدد الشطفات اخواني الاعزاء
وقت كل شطفة تقريبا 18 دقيقة حسب مستوى الماء
فاذا كانت الملابس لا تحتوي على نجاسات فقط اتربة
فافضل عدد الشطفات يكون 2
اما اذا كانت الملابس تحتوي على نجاسات فتكون
3 شطفات على الاقل (طبعا هنا حسب الرغبة )
هذا الشي للتنبيه فقط و ((للاستبراء الشرعي ))
========================
ثالث عشر ..يفضل تاسيس الغسالة على التانكي وليس
على الاسالة لان ماء الاسالة متذبذب يضعف ويقوه
========================
بالنسبة للاخوان الي ميعرفون شيشترون يانوعية
اخي اخذ السامسونك جميع انواعها جيدة واغراضها
متوفرة بكثره ومتعطل بسهولة الا اذا سوء استخدام
واذا قرأت هذة النصائح جيدا وطبقتها امن على الغسالة
========================
ياحجم تشتري راح اكلك حسب كبر عائلتك اذا عائلتك
صغيره ومتغسلون بطانيات اخذ الصغيرة
========================
اخواني اي مشكلة بغسالتكم خابروني واتساب اعلمك
تعيد برمجتها واذا العطل بسيط اعلمك واخليك تصلحها
بنفسك وما تخسر ولا فلس على التليفون افتح كامره
وراويني مشكلتك وراح اخليك تصلحها بنفسك
بس اذا العطل صعب عليك لو يتطلب الورشة بهاي
الحالة اكلك تجيبها
========================
مع تحيات.... ((ورشة المهندس))...
خبره احترافية في صيانة الغسالات الاوتوماتيك
و غسالات الصحون بكافة انواعها
========================
العنوان ....
منطقة ـ النجف حي ميلاد فاو قرب مركز الصحي الامام الجواد
اخوكم .. ابو حسين البصراوي 07821324488
07719642180
انشر وشاركنا الثواب وعمل الخير اذا تحب
اشكرك من كل القلب ما قصرت كانت الغسالة في كبسات تشتغل وفي منها ما تشتغل وقلت اكيت فوررمات لأنو مو شغلتي تصليح بس اشياء البيت انا بصلحا وخمنت انو بدها فورمات وتابعت طريقتك واشتغلت الحمدلله وكل احترام لجهودك❤
مشكورين استاذ وما قصرت بشرحك و عاشت ايدك الصراحه جنت ضايج لو اجيب المصلح للبيت لو لازم اخذ الغساله للمصلحة واثنينهن شلعان گلب بس طلعت شغله ترسيت و انحلت المشكله ❤
بارك الله فيك.وجعله في ميزان حسناتك..توني طبقت طريقتك واشتغلت الغساله
بارك الله فيك من الجزائر
جزاك الله خير الجزاء على هذه المعلومات القيمة
تسلم بارك الله فيك تبعت هذا الفيديو وجاءت الرنة ربي يحفظك وربي يجعلها في ميزان حسناتك يارب شكرا لك
السلام عليكم، غسالة lg 7 كيلو، الشاشة تضل هذا الوضع الي عملته، اي تبقى الشاشه تعطي أرقام مبعثرة مثل الي فيه شاشة غسالتك وجميع الاضواء مضائه ، ولا تاخذ اي أمر ولا تملئ الماء، هل ينفع الفورمات الي عملته او هناك عطل؟ جزاك الله خير
الازرارالاربعة تشغل ولاتستجيب الغسالة
الصمامات لا تنفتح ولا يمر الماء
السلام عليكم اخي عندي غساله ال جي نفسها طلعت رمز LE بل تنشيف بدلت الحساس وماكو نفس الشي شنو الحل
عندي غساله ال جي حديث من تنطفي الكهرباء ويرجع ماتكمل غسل
اذا تسمح غسالة ما تكمل بعد قطع الكهربا
مرحبا اخويه أنـي عندي بالضغطه الثانية توكف متفتر بعد ابد ومن اضغط الثالثة تترس مي يعني مال تنشيف واكفه بس اطلع صوت شنو الحل اذا متصير زحمة
الله يعطيك العافية شكرا لك
اخوي عندي برمامج الحساسة مدته ساعة ونص لما يوصل لساعة و اربعطعش دقيقة يعلق
لو سمحت زر start مايشتغل شو الحل
عندي زر التشغيل ماعم يشتغل شو المشكله
شكرا على القلب، لكن ما جاوبتني؟ هل هو عطل؟ او ممكن تتصلح الفورمات؟ الشاشه ترخط مثل مقطع الفيديو الي منزله حضرتك، ما تاخذ اي امر وما تسحب ماء
لازم فحص من قبل فني
هاي الطريقة لكل غسالات ال lg بلازحمه؟
عندي غسللتي يشتغلن اول اثنين بيها ويبقن مشتغلات وتتوقف عن الغسل شنو الحل
شلون نتواصل وياكم
يعني احنه نجيكم لو انتم تجونه
عندي غساله ال جي حديث من تنطفي الكهرب ويرجع ماتكمل غسل والشاشه ماتضوي قبل كانت تكمل غسل، ارجو الرد اخويه
اي والله عندي نفس المشكله
عاشت ايدك
ربي يحفضك
عندي نفس القسالةبس اشلون اريدارجع صوت الموسيقى
تسلم...تحياتى لكم
#الجرجاوى_جراح_الغسالات_الاتوماتيك
اشكد سعر الغساله LG
عندي الغسالة LG7kالحوض لايقلع والدور بل يتأرجح بمكانه
نفس الموضوع اللي عندي وركبت لها حساس ما صار شي نفس الموضوع .. يقولوا احتمال خريطه واحتمال محرك .. ياريت حد ينورنا بحل للمشكله .
عندي غسالة نفس هاي الغسالة بس المفتاح معاد يغير برامج شو الحل
غسالتي هم هيج صلحتي غسالتج لو بعده
سويت وما لفت ليه
أنا كل الأزرار تشتغل ولكن زر star ما يشتغل
هل فيه حل
السلام عليكم
حضرتك حليت المشكله دى ازاى لان عندى نفس المشكله اليوم
لو سمحت رقم البلي والاويل سيل
ولو ما اشتغل الماتور أو اشتغل ولكن صوته خشن خشن برأيك ماهو السبب ؟ وهل السبب هو الحساس الموجود في المحرك
بوربرين بلحوض
زر استار ما قام يشتغل عندي شو اعمل لو سمحت رد 🥺🥺
اني هم نفس الشي مجاي يشتغل عندي جربت كلشي ومصار.
انا كمان زر ستار مايشتغل
زر ستار عندي لايعمل ارجو الرد
عندي غسالة LG الماء كبل ينزل من الفلتر حتى اذا بس تجفيف
صمام عاطل
عندي مشغل الموسيقى بطل يشتغل شو السبب
الغساله عندي عم تكب المى بستمرار شو الحل
صمام عاطل
زين بالغسل السريع يصير عندي تسريب من الخرطوم ويطلع يعني ماكو مي ضعيف بس مال برنامج القطن عادي تشتغل وميسرب مي من الخرطوم وهادئ @@m-aliselehmahdi
ممكن رقم حضرتك
07821324488