珠海親子旅遊:第二集|長隆海洋王國|海底餐廳|珠海橫琴 4日3夜|Chimelong Ocean Kingdom |珠海橫琴凱悅酒店| 北上親子旅遊 |北上消費
HTML-код
- Опубликовано: 6 сен 2024
- Follow our IG : mui.gs
上一集 : • 珠海親子旅遊:第一集|橫琴創新方 | 凱悅...
長隆海洋王國
呢排媽媽真係比較忙,分享出得比較遲🥲 盡量快快手手寫埋佢,因為我知道好多朋友仔聖誕假期都諗住去珠海長隆玩🤩😍。
珠海長隆海洋王國真係超級大。基本上我哋朝頭早11點入去玩到夜晚八點,有好多個地方都冇機會行過去,或者去睇同埋去玩🥹🥹。我哋當日已經唔算多人,唔係好需要排隊,但係真係玩唔晒。所以如果諗住去嘅話,我覺得大家拎定地圖,同埋做足功課,睇定自己必玩嘅設施。
分享返我哋一家覺得最值得玩嘅項目。
⭐️5D城堡影院
呢個真係好有驚喜,好值得睇。戴上眼鏡之後,成個旅程好真實。因為除咗會噴風,噴水同埋有啲嘢彈出嚟之外,成張凳都會郁。好似真係飛緊咁,故事都好刺激。平時爸爸睇呢啲會瞓着,但係佢全程覺得好緊張。一家四口睇完之後出嚟都大贊。呢個項目,我哋其實都想玩多次,但係無奈真係冇時間。
⭐️海底互動船
呢個係家姐最鍾意玩。最多兩個人乘坐一架潛水艇,去到深海睇唔同嘅海洋生物。其實唔係真係落水,但係潛水艇會睇到大魚缸,所以係會見見到嘅魚同海洋生物係真嘅。過程都比想像中長,大概10分鐘。所以都值得玩。家姐就超級鍾意,佢係想問多一次,當然又係唔夠時間呢個問題啦🥲。佢已經話下次有機會再去一定要玩呢個先。😎
⭐️ Emma就最鍾意為熊人。位於北極熊館外。RMB 20就有一份。Emma 拋啲番薯入去比熊人食。佢見到啤啤熊食咗佢嚿番薯超興奮😆😆😆。
另外睇咗好多海洋動物,雖然有好多都趕唔切去睇🥹。但係都有睇到企鵝,鯨鯊,白海豚劇場。同埋玩咗好多小朋友玩樂設施。佢哋最鍾意玩就係碰碰車,企鵝過山車(小朋友過山車),轉動茶杯,海豚轉轉車(會升高),雨林伸降塔(降落傘)等等…
同埋好值得睇嘅就係最尾嘅煙花,無人機表演。好精彩啊,記得睇埋先走。
玩到閂門,但係都玩唔晒,不過就成身散晒😆。啲女已經講緊話想再去。又真係好好玩嘅。😍😍
大家去之前,真係plan定自己想玩乜嘢,同埋睇乜嘢先😎
珠海長隆海洋王國
長隆旅遊度假區 Chimelong
📍www.chimelong....
太幸福了,🉑以到处去旅游,小妹妹是最开心的了😊😊😊❤❤❤
海洋王國好好玩咁, 兩姐妹都一定玩得好開心
真係好好玩。佢哋兩個已經成日講緊話想再去🤭🫢
我想問幾錢 連住酒店
我哋好似唔係住創新方嗰邊
所以係分開book門票,酒店房
不過而家好多package (trip.com/klook) 係長隆酒店房+所有門票+馬戲團飛
都係大概三千幾蚊。可以睇吓嗰度嗰啲package。