عبدالله بن عون | كنا خداين
HTML-код
- Опубликовано: 15 сен 2024
- ياطير عقبي كن خاطرك شاين
خاطرك شين وغيبتي عنك يومين
النقص فيك مبينٍ له بواين
في لمعة الريشه وفي ناظر العين
ياطير انا وياك كنّا خداين
وبيني وبينك ولف ومعاملٍ زين
يوم نتخاوى مع وجيه الضعاين
ونهمل سبوقك في مناكب خسيرين
ولاّ شمال الهضبتين القراين
شرقي طلال ومن سواحيق ويمين
ولإ عطينا سكّة التابلاين
ولاقد عطيناها عليهن حراذين
نصبح على طارات شهب المكاين
بين العراقيين و الأردنيين
في خايعٍ به كنّ عيني تعاين
ربد الحباري به على أربع وثنتين
ونأخذ لنا أيامٍ بذيك الدفاين
مابين برقع والغدف والبسيتين
ونكسر على ماينحدر من ضواين
وناخذ هناك أسبوع والاّ سبوعين
وننكف نشاط وسالمين الصخاين
ولوّ كان نتعب عدنّا مستريحين
قدّام يطلع للصقاره زباين
ناسٍ تحوش القوبعه بأم روحين
ليا روحوا بمشحنات الخزاين
مافي نحاهم ذوّقوه الأمرين
واليوم مابيني وبينك مداين
أنا سعودي وأنت جايٍ من الصين
وأمّا لقينا للحباري عواين
والاّ توادعنا وداع المحبين
الوقت ماتاليه معنا بزاين
والبرّ في حادور من حين في حين
أدناه مليانٍ كراتين فاين
وأقصاه ضاق وضيّقوا به هل الضين
وضاقت مناهج طيبين الضغاين
اللّي على المقناص بالطير ضارين
واليوم كان اللي يحاكيك ماين
هذي سبوقك وأنتهض بالجناحين
وهاجر مهاجر مبحرات السفاين
للصين والاّ أهبط على ضلع قزوين
لو كان ما عندي فراقك بهاين
حنّا عزاز ولانهين العزيزين
خلّك تروح ولاتشوف الغباين
شاملك عفوٍ مثل عفو المساجين
#عبدالله_بن_عون
#الطير
❤❤❤❤❤
فاميلتي انت ؟
والله أن الزمن تغير ورااااااااح مرواح الرجال الكفو
ليه يابن عون ماهذا مكانك ولا هو مكان الرجال الصناديد اللى مثلك وشرواك لكن كل انسان وله هفوه وتبقى كبير بعيونا
الي والله في حادور غير انت خل البر
افا وشقومه طالعع ن معا ذي
ليتك حشمت نفسك عن هالمقابلة اللي مع هالمرة السافرة وانت رجل في الدنيا ورجل في القبر ودورت مجالس عطران الشوارب
والله يا انك تستغرب من الرجال اللي لا ينقصه ظهور والا اختفاء ، يطلع فبرنامج يجلسونه لحاله مع بنت وتسأله وكأن ماله مبدأ ولا رأي ولا حشمه ..
بيض الله وجهك على كلامك
السلام للجميع الي يحب يساعدني ابني مريض يااهل الخير والله العظيم اني في ابتلاء وكرب
ياليتك ماطلعت مع هالاشكال
ههههههههههههههههههه