المخابرات الأمريكية
HTML-код
- Опубликовано: 28 дек 2021
- حلقات مقترحة
خطة المشير
• كيف أطاح المشير أحمد ا...
جاسوسة الملابس الداخلية
• جاسوسة الملابس الداخلية
جاسوس بوتن المفضل
• جاسوس بوتن المفضل
قطة الحرب العالمية
• قطة الحرب العالمية
جاسوس لـ7 أجهزة مخابرات
• جاسوس لـ7 أجهزة مخابرات
جاسوسة نهر الراين
• جاسوسة نهر الراين - سي...
سنة 1958 كان فى بنت اسمها أرمجارد شميدت جندتها مخابرات ألمانيا الشرقية.. خد بالك ألمانيا كانت منقسمة لشرقية وغربية بعد الحرب العالمية التانية.. ألمانيا الشرقية كانت بتسيطر عليها المخابرات السوفيتية.. وألمانيا الغربية كانت بتسيطر عليها أجهزة مخابرات دول الحلفاء زى أمريكا وبريطانيا وفرنسا..
المهم.. بداية سنة 1958 اتكلفت أرمجارد بإنها تسافر من برلين لموسكو.. خير يا جماعه.. قالولها أبدا.. حاجه بسيطة كده.. هنجهزك بس علشان تخترقى المخابرات الأمريكية فى ألمانيا الغربية.. والحقيقة هى مندهشتش زينا دلوقتى كده.. ليه؟.. لسبب مهم جدا.. ان أى عميل مخابرات بيتعلم مبدأ مهم.. وهو ان تحديد قوة خصمك أو ضعفه بيتحدد بناء على قدراتك انت.. وبالتالى طول ما انت موهوب ومتدرب كويس.. فخصمك أضعف منك.. حتى ولو كنت بتتعامل مع أقوى جهاز مخابرات فى العالم.. وبالتالى كان رد فعلها انه تمام.. يلا بينا..
تقولى لحظة واحدة بس.. يلا بينا فين؟.. المخابرات الأمريكية أقوى جهاز مخابرات فى العالم.. هتخترقه ازاى؟.. أقولك وانت مستعجل ليه؟.. مش يمكن متعرفش تخترقه وتطلع انت صح.. خليك معايا.. سافرت أرمجارد على موسكو.. وبدأت دورة تدريبية فى مدرسة من مدارس المخابرات السوفيتية لمدة 3 شهور.. درست فيها كل ما يتعلق مش بس بالجيش والمخابرات الأمريكية.. لكن الأهم إنها درست الشعب الأمريكى نفسه.. باختلاف طباعه ولهجاته وأصوله.. فمثلا المواطن الأمريكي اللى عايش فى غرب أمريكا.. غير اللى عايش فى الجنوب مع المزارعين.. غير اللى عايش فى الشمال اللى طباعهم وعاداتهم أقرب للشعوب الأوروبية.. غير المواطن الأمريكي اللى عايش فى الشرق زى نيويورك مثلا.. وهكذا.. طيب هتستفيد ايه لما تدرس الكلام ده.. هيسهل عليها فهم طبيعة شخصية أى مواطن أمريكى تقابله.. وزى ما عندنا فى مصر مفتاح قلب الراجل معدته.. فى أمريكا مفتاح قلب الراجل ايه ؟.. مفيش مفتاح محدد.. لأن زى ما قلنا هما نفسهم مختلفين.. وبالتالى كل واحد فيهم ليه مفتاح مختلف.. وهو ده اللى المخابرات السوفيتية دربتها عليه.. انها تقدر تسيطر على أى ظابط مخابرات أمريكي.. مهما اختلفت أصوله أو شخصيته.. لكن اللى أهم من كل اللى فات.. انها درست مناطق تمركز القوات الأمريكية.. وتسليحها.. وقادة الأفرع.. والظباط.... درست كل حاجه..
المهم.. خلصت أرمجارد التدريب.. ورجعت تانى لألمانيا الشرقية فى انتظار التعليمات.. هتيجى امتى التعليمات.. محدش يعرف.. طيب ليه أرمجارد مسألتش.. حتى لو سألت محدش هيقولها.. ليه؟.. لأن فى المخابرات المعرفة على قدر الحاجه.. فى المخابرات انت بتنفذ التعليمات وبس.. أمال بتستخدم موهبتك وذكاءك ومهاراتك فى ايه؟.. فى تنفيذ المهام اللى اتكلفت بها.. انما المعلومات متخصكش.. وده يرجعنا لأول الحلقة لما قلتلك انهم قالولها جهزى نفسك لاختراق المخابرات الأمريكية.. طبعا محدش قالها كده.. كل اللى اتقالها هتسافرى موسكو للتدريب.. وهى نفسها مسألتش هتدرب عليه ايه ولا ليه.. طيب انا ليه قولتلك كده فى بداية الحلقة؟.. علشان لما أصححهالك دلوقتى تبقى المعلومة عدت عليك مرتين فمتنساهاش.. المعلومة على قدر الحاجه.. خليك فاكر..
المهم.. فى يوم بعد ما وصلت برلين.. جالها تليفون.. جهزى نفسك علشان هتروحى النهاردة على العنوان ده.. عنوان مين؟.. عنوان ارنست ووليبر.. مين الراجل ده؟.. ده رئيس شعبة الخدمة السرية فى مخابرات ألمانيا الشرقية.. خد بالك احنا هنا مش بنتكلم عن رئيس سجل مدنى.. مع كامل احترامنا طبعا للجميع.. لكن احنا بنتكلم عن قيادة عسكرية استخباراتية فى توقيت.. من أكتر التوقيقات رعبا فى تاريخ البشرية.. الحرب العالمية التانية.. الراجل ده حتى قبل ما يتولى رئاسة شعبة الخدمة السرية فى مخابرات ألمانيا الشرقية.. كان واحد من أكتر الناس اللى سببوا صداع لهتلر.. لأنه كان واحد من أهم عناصر المقاومة السرية ضد النازية.. يعنى فى الوقت اللى كانت فيه دول العالم مرعوبة من هتلر.. كان ارنست ووليبر بيفجر سفن وقطارات حربية للجيش الألمانى.. حد خطير جدا.. مبيهزرش.. وبمجرد ما انتهت الحرب العالمية كافؤوه وعينوه رئيس شعبة الخدمة السرية فى مخابرات ألمانيا الشرقية.. طبعا أرمجارد أول ما سمعت اسمه وعرفت انها هتقابله اترعبت.. لأ شوف جاسوسة ومدربة على أعلى مستوى.. ومختارينها علشان تخترق المخابرات الأمريكية.. ومع ذلك أول ما سمعت اسمه اتهزت..
المهم.. راحت فى المعاد.. استقبلها ارنست ووليبر لكن كانت المفاجأة انه عاملها أحسن معاملة.. وده كان تفسيره الوحيد بالنسبة لها.. ان المهمة اللى هيتم تكليفها بها غالبا خلف خطوط العدو.. المهم.. اتعشوا مع بعض.. وقالها جملة واحده.. المهمة اللى هيتم تكليفك بها خطيرة جدا.. ومحتاجه لثبات أعصاب.. لكن أنا واثق انك هتنفذيها على أكمل وجه".. وطلب منها تروحله مكتبه تانى يوم الصبح..
#المواطن_سعيد #المخابرات_الأمريكية
مين حابب نزود حلقات معارك الحرب العالمية وقصص جواسيس الحرب دى ؟
أنا
لوسمحت اعمل حلقة عن البطل عابد المصري
ياريت والله
ياريت تقولنا اكتر عن قصص للمخابرات المصرية 🌷☺️
Me me
يوتيوبر مظلوم يستحق اكثر واكثر لابداعه وتميزه واختياراته 👍
😂😂😂😂 هذا ظابط بالمخابرات المصريه العامه اقل شئ با راتبه ملازم 😂😂😂😂
بكرة بإذن الله يكون ليه برنامجه الخاص على اقوى قناه فضاءية ده توقعى وامنيتى
صحيح
شوهل كذب بنت غريبة تاتي وتستلم سكرتيرة رئيس الشعبة استخبارات وكل الاوراق تمرمنها
@@nafaaalmosawi5826 طيب؟
انت رجل تمثل مصر والمصريين انا افتخر بك تحياتي لك اخي الكريم
٤٥ دقيقة بتمر بسرعة عجيبة .. تحية لك ي سعيد من 🇸🇦 ❤
ظبط سرعة الفيديو للنص و مش هيعدي بسرعة…. إنچوي و ادعيلي 😉
الله عليك!!!
ايه الابداع والاتقان ده في كتابه وسرد القصة وكمية المعلومات.!!!
بالتوفيق ويارب من نجاح لنجاح
تبقى قاعد فى أمان الله يجيلك اشعار عظمه من قناه عظمه بتقدم محتوى ممتاز شكرا جدا على اللى قائمين فيها ببقى مبسوط اوى وانا بتفرج عليك والله وبرجع اشوف وادور فى القناه على أى حلقه مشوفتهاش حقيقى محتواك متميز جدا ❤️❤️
+1
١+
من العراق اقسم بالله اعشق شعب مصر
تسلمي يا سيدتي الجميلة
تسلمي يا قمر العراق 🌹❤👉
من سوريا اعشق اهل العراق الحبيب
محتوى رائع و طريقة سردك للأحداث أروع أتمنى لك كل خير تحية لك من الجزائر 🇩🇿
انت راجل محترم وبتقدم حاجه محترمه ❤️
من العراق اقسم بالله اعشق شعب مصر
قصم في منتهه الجمال
تحياتي لشخصك النبيل
اكيد موافقين على زيادة حلقات عن جواسيس الحرب لأن اسلوب حضرتك شيق وممتع جدااااااا🌹🌹🌹🌹🌹
بصراحة اخوانا المصرين ابدعوا في اليوتوب و خفة دمكم لا مثيل لها مفتاح قلب اي رجل مصري معدته هههههه 😁👏
اخوكم من العراق.
تستحق لايك
﴿وَاذْكُرُوا اللهَ كَثِيرًا﴾✨
- «سُبْحَانَ اللهِ»
- «الحَمْدُ للهِ»
- «لَا إلَهَ إلَّا اللهُ»
- «اللهُ أكْبَرُ»
- «سُبْحَانَ اللهِ وَبِحَمْدِهِ»
- «سُبْحَانَ اللهِ العَظِيمِ»
- «لَا حَوْلَ وَلَا قُوَّةَ إلَّا بِاللهِ»
- «أسْتَغْفِرُ اللهَ وَأتُوبُ إلَيْهِ»
- «لَا إلَهَ إلَّا أَنْتَ سُبْحَانَكَ إنِّي كُنْتُ مِنَ الظَّالِمِينَ»🍁
اسلوبك رائع ومفهوم يا سعيد كل ما ينقص القصص هو صور حقيقه للاشخاص والاماكن وبكده بتكون 10 على 10
ينقصك تعلم اللغة العربية وطريقة الإلقاء .
وانا معك
انت مبدع، وتصبح مميز لو تنفرد بسرد الحاله السياسيه والمواقف للدول العربية في الحربين العالميه
لان تثريبا مافي احد اتكلم من هذه الزاوية ، وايضا قصة الربيع الزفت العربي من اولها لأخرها
هل صليت على النبي اليوم ؟
حلقاتك جديه وهادفه.واسلوبك هادئ وعلمى بعيد عن التهويل والمبالغه.ارجو استمرار الحلقات.تحياتى والى مزيد من النجاح
من احلي الحاجات اللي ممكن انا واي حد من الفئة العمريه دي نسمعها
معلومات مفيده وبتزيد من معرفة الواحد وثقافته وطريقتك سهلة ومسليه اوي❤️
الحلقة رائعه جدا ماشاء الله شكرا لكم جميعا والقائمين على العمل انه يظهر بالطريقه والاسلوب والمحتوى ده بالتوفيق💐
الحلقه رغم انها طويله ما حستش بملل من افضل مقدمين المحتوى على يوتيوب👍👍
ruclips.net/video/tsRwY9QLIeI/видео.html
hj اتمني تعجب حضرتك جداا ddscs
قصه جميله والسرد اكثر، من رائع ❤️
برنامج عظيم برافو عليك بجد أستمر
الله يعطيك العافية صراحة من اروع القصص أعجبني استخدام الذكاء والتلاعب بالبشر اللي مسوين انهم عارفين كل شي وفي الأخير ساقتها عليهم 😂
بس دائما كل شخص ذكي في اللي أذكى منه 🧐
كم انت راااااائع في طريقة سردك للاحداث والله تمر الحلقة سريعة جدا دون ان اشعر بوقتها لمعتي في الاصغاء لحضرتك...كل التحية والمحبة
انت طريقتك في الالقاء حلوة جدا 👌🏻 .. عايزين حلقات عن مخابرات مصرية
بسم الله ماشاء الله ربنا يوفقك ويحفظك أنا عارف قصتها وسمعتها من ناس كتير لكن أنت غيررررر اكنى بتفرج على فيلم وإخراج وتمثيل تحياتى لحضرتك على الفيديو ده
❤️🇪🇬❤️ 🌹🌹👍
من اروع البرامج اللي اتمني استمراريتها بشكل دائم
ربنا يحفظ رجال مصر الشرفاء فى جهاز الظل فى كل مكان ويارب دايما للمعلم عنهم سوى أعمالهم المجهولة وآثارها الجبارة فى حفظ أمن وأمان واستقرار مصر وربنا يحفظ مصر وتحيا مصر
اعظم منشئ محتوى بالنسبالي ❤️❤️
من الناس الى بتمنى الحلقه توصل ساعتين وهنكون مستمتعين جدا ❤️
مع ان الحلقة دي قديمة وانا سمعتها منك قبل كده ، بس بالرغم من كده سمعتها تاني ، احب اقولك انت استاذ في السرد ، عندك كاريزما وحضور مش طبيعي ، محترم ومثقف ، بالتوفيق
قمه في الابداع استاذي
والله انك بجد بجد مبدع
عاشق تراب مصر
من اليمن السعيد
ثغرها الباسم عدن
حلقة طويله و وعد مني متابعك من فلسطين الا اتابعها كلها زي كل حلقاتك 🔥❤️
ياريت تكمل حاجات زاي دي
بصراحه اي حلقات من اي نوع حاجه عظمه سرد ممتاز للقصص وتحليل روعه كله تمام من احسن يوتيوبر فى مصر
انا صراح معجب بطريقتك لتوضيح جواسيس الحرب العالمية الثانية فأتمنى انك تقدم لينا قصص اكتر عن خصوصا عم الجواسيس
انا سمعت الحلقه دي قبل كدا ع الفيس ، وسمعتها تاني النهارده من الجمال والابداع ، بصراحه حضرتك في( المواطن سعيد)من الناس القليله جداً اللي بتقدم محتوى يستحق الإشادة.
لسة كنت ح اكتب نفس التعلبق الفرق هو المؤثرات الصوتية اللي حطها زي اللمبي و لا اشماعيل يس
انا مدمنة الراجل ده هو و محمد ممدوح (لو اسمه صح يعني) قناة summary
@@ariesdream7075 صح +١
هي هي قصة فتاة بارين بس مجمع الأجزاء كلها في حلقة واحده
@@mikasabry7830،
رقصررصققصص
حلقه عظيمه يا احمد .... بجد شغل محترم وعظيم .... طبعا ياريت نزود الحلقات دى لانها مهمه جدا فى تعليم وفهم الاخرين ودراسة التاريخ بشكل رائع .... موفق دائما ....
استاذ احمد جابر ازاي شغل عظيم ومحترم لما الاستاذ احمد سعيد يذكر في الدقيقة ٨,٤٠ ان ارمجارد بطلة القصة عدت سور برلين وفي يوم جمعة من شهر يناير سنة ١٩٥٨وصلت جهاز المخابرات الامريكية في برلين الغربية؟؟؟؟؟؟؟؟؟إإإإإإإإإإإإازاي هي عدت سور برلين وهو لسه لم يبني في الاصل ؟؟؟؟؟ لمعلومات حضرتك انت والاستاذ احمد سعيد ولفريق اعداده ان سور برلين بدا بناؤه في ١٣ اغسطس ١٩٦١ يعني ارمجارد مش ممكن تعدى سور غير موجود من الاساس يعني القصة بتسلسلها وتواريخها واعدادها ومقدمها الاستاذ احمد سعيد اللي انا لاعمري شفته ولااعرفه في الفشنك ,المشكلة عندنا في تصديق كل حاجة من غير مانتحري بنفسنا المعلومة اللي بتجيلنا من ناس غير جديرين باالمكانة اللي وصلوا ليها ٍتحياتي
حلقه جميله جدا
شكرا ليك 🌹
المواطن سعيد
اعمل حلقات يا باشا براحتك محتواك محترم و كلامك مفهوم و يدخل العقل و مترتب و منطقى المواطن سعيد يستحق الاهتمام 👏❤️
تقريبا كدا لما مش بيكون فيه حلقه جديده بسمع القديم كل يوم والله
بجد شرحك مبسط وفوق الممتاز
عاش المواطن سعيد
دايمآ بتبهرنا بحلقاتك الروعه
وفعلآ مجهود محترم يستاهل التقدير
ربنا يبارك فيك. ويكرمك
اسلوب رشيق..صوت هادئ ..تسلسل الأحداث متسارع بدون تطويل ..النتيجة حلقة ممتعة شكرالسيادتكم ♥
حلقه ممتعة الصراحة جدااا ❤️
بجد بجد انت ياسعيد لازم تكون وزير العلام تحياتي لشخصك
الحلقه دي حاجه فظيعه جدا.. الواحد ميزهقش منها الصراحه.. شكرا للمحتوى اللي بتقدمه يا احمد ❤ 🌹
القصة فوق الخيال وشرحك ليها اروع ي أستاذ احمد .. الواحد بيستني الحلقة الصراحة .. عاوزين حاجة ل رأفت الهجان ف اسرع وقت
هذا مايمنع اني اقول انك افضل انسان يقدم لك المعلومه وماودك ان الفديو يخلص♥️♥️
😮 🛑 علماء يحاولون تصوير عذاب القبر ولكن حدثت المفاجاة 🙆💔
ruclips.net/video/qxgNIOtgAY4/видео.html
حلقة اكثر من رائعة ...... واستاذية فى العرض و الثرد ... ربنا يوفقك .... يامواطن
متألق كالعاده ❤️❤️
احمد سعيد انت مبدع فعلا انت مشوق فى طريقة كلامك
الحاجة التانيه كانك مشاهد بتجاوب على كل الاسئلة اللى بتدور فى دماغنا
ممتاز . ربنا يوفقك . عايزين حلقة عن امكانيات ال FbI
استمتعت بالحلقه جدااااا ياريت حلقات الجواسيس تبقا كتيره كده ❤❤
بصراحه انت مبدع وطريقتك في سرد الاحداث مشوقه جدا
ودي وتقديري واحترامي الشديد لك
احيك علي اسلوبك الرائع واشكر فريق اعدادك علي كم المعلومات اللي بتكون في كل حلقاتك
بالتوفيق والنجاح الدائم
حقيقي ياريت تكمل السلسلة بتاعت معارك الحرب العالمية وحقيقي بجد طريقة حضرتك رهيبة في القاء القصص بجد كمية معلومات مفيدة اوي بنعرفها من الحلقة
سرد حضرتك للقصة جميل و مبدع واتمني لك النجاح والتوفيق دائمًا.
بجد حضرتك راءع ومعلوماتك قوية وصوت حضرتك والقاءك للقصة جميل وحضرتك قمة ف الذوق والادب فى طريقة حديثك بجد بشكر حضرتك جدا❤
ياريت حضرتك تنزل حلقة كل يوم ❤️
والله من أحسن الناس اللي بحب أشاهد المحتوى اللي بيقدمه بجد بيوصلك المعلومه بالكامل ومحتوي محترم وانسان بجد مثقف دائما في تقدم
روعة ياسعيد .. أسلوبك والكتابة جميلة ولله كأني أسمع قصة فيلم .. استمر ❤️❤️
حلقه من العيار الثقيل استمر 👍🏻
عاش يابطل وديما متألق ومبدع اللهم احفظ مصر واهلها من كل سوء وشر
ياريت استاذ احمد ما تتاخر علينا في الحلقات ويارب ديما مدبع ومميز في الالقاء 🦅🇪🇬
تستحق كل الدعم والتقدير
ا احمد سعيد
متميز ومبدع كالعاده
انت انسان محترم و طريقة سردك وافية و رائعة. أحسنت. متابع انشاء الله
إنسان رائع
تحياتي لك يا فندم والمعلوماتك الجميله
تابعت لك عدة حلقات من باب الفضول وقد تفاجات من روعة قناتك وما تقدمه من مادة علمية وتأريخية مهمة وباسلوب رائع.. تحياتي وتقديري لك
انت لازم. تمسك منصب سياسي كبير تكون في المخابرات انت عندك مركز المعلومات السياسية كلها بارك الله فيك اخي
هنقول ايه.... مبدع كالعاده.... بس اوعي تكون المعلومات فيها حاجه غلط...... عاوزين تكون معلوماتنا الي بنتعلمها منك موثوق فيها.... بالتوفيق دائما وابدا .
انت افضل يوتيوبر على الاطلاق ، محتوى حلقاتك متميز جدا وطريقة تقديمك للمحتوى عظيمة جدا، انا بستنى حلقاتك بتشوق رهيب وشفت حلقات ليك مرات كتير ، ربنا يبارك في في عمرك ويزيدك من العلم ويجعلك دائما سبب افادة البشر
الف تحية ليك استاذنا نستمتع بفديواتك رائعة جدا ومعلومات جميله جدا شكرا على هذا المحتوى الرائع اخوك المستشار احمد من العراق
استمر وربي يوفقك قصص مثيره وطريقتك واسلوبك اكثر من رائع ......
اجمل حاجه لما تلاقي اشعار جالك من المواطن سعيد ان ف حلقه جديده لا وايه 45دقيقه كمان ♥️♥️👌🏽
محتوى محترم جدا ً .. شاابوه سعيد❤
الحلقة دى رهيبة ، رهيبة. ما عنديش كلمة أحسن من كده أوصفها بيها.
ممتاز يا أستاذ أحمد. والمعلومات فى الحلقة كانت غزيرة ، وما شاء الله عليك قدرت إنك تسردها. أنا عارف إن فيه مونتاج وإسكريبت والحاجات دى ، بس الحلقة صعبة جداً إن الواحد يسردها بالشكل الجميل ده.
طبعاً عملت لايك ، وللأسف ما أقدرتش أعمل غير لايك واحد.
أكمل يا بطل وأمتعنا بقصصك وبمعلوماتك الجميلة.
هي دي الحلقات الجامدة. عايزين منها كتير حلقات المخابرات دي
اعمل حلقه عن اتاتورك وكيف غير تركيا للعلمانيه اقل شي نص ساعه 🥲
بطل عظمه بقا أقسم بالله حلقاتك منملش منها لو ساعتين موافق 😂😂💗💔
افضل محتوي علي السوشيال ميديا كلها ، ممتاز جدا استاذ احمد
طريقة الالقاء رهيبه ..تحياتى للمواطن احمد سعيد
حضرتك جمعت حلقتين فاتوا مع بعض بس هههههههه بس دا دليل أني متابع كل حلقاتك عشان أنت أنسان محترم وطريقتك في السرد روعة
حقك مليون متابع والله
وحتوصلها 💪🏽❤️
كل أعمالك مشرفه ومتحضره وتدعوا للفخر والشرف ربنا يبارك فيك ويحفظك ويديم عليك التألق
ما شاء الله تبارك الرحمن، إبداع ، عمل فاخر من الآخر ...ولا غلطة.
من احلى الحلقات الي شوفتهالك، بجد حاجه رائعه 👏
القصه دى حضرتك قولتها قبل كده ولا انا بتخيل ولا ايه ؟؟
حلقه ممتعه للغاية
استمر
شكرا على تميزكم. 😎
بلاش الكوميكسات في الحلقة!!!
بتقلل من وقار السرد البرنامج بتاعك مش من النوعية اللي تسمح بكده، مش هتفيد،،،،بالعكس.
تحياتي لمحتواك واسلوبك الراقي والشيق في السرد
حلقة 45 دقيقة! لا انا في حلم 😍😍
طرح جميل ومتعوب عليه ماشاء الله عليك استمر 👍🏽🌹
سرد رائع وتسلسل شيق وحسن اختيار للمواضيع والقاء احترافي
تقريبا انا شفت الأجزاء الثلاثة ست مرات
وحين نزلت الحلقة اليوم بشكل كامل استمتعت كأني اول مرة اشوفها.
تبقى هذه من أعظم الحلقات في قناتك يا استاذ أحمد
حلقة رائعة كالمعتاد .
مع ان المحتوى مكرر من حلقات ( فتاة برلين ) هنا على نفس القناة ،، بس سمعته تاني ، الحكايات دي محدش يمل منها
حلقه رائعه جدا استاذ احمد
شكراً علي المحتوى الرائع
ياريت تزود عدد الحلقات البرنامج نفسه ياريت الي موافق ياريت لايك علشان يوصل ليكم اننا كتير ❤️🇪🇬
استاذ احمد مش دى الحلقات بتاعة فتاة برلين وكانت تقريبا ثلاث اجزاء او اربعه .. كانت ممتعه جدا .. بس ليه حضرتك بتعيد الحلقات من تانى ؟؟
اه هي انا قولت كدا بردو
ناس كتير ماشفتش حلقات فتاة برلين وتستاهل فعلا اعادة نشرها بس ياريت يكتب اعادة عشان نعرف + طالما نزل حاجة معادة يبقى لسه شغال ع الجديد
ابداع وتمكن وتفصيل دقيق وهناك جذب للمشاهد من خلال القاء الكلام لديك القاء مبدع وصوت يجذب المشاهد يا أستاذ أحمد
شابوه استمر❤😍
قل لا إله إلا الله محمد رسول الله صلى الله عليه وسلم