“Улс төрийн намын бүтэц, зохион байгуулалт” Чухал сэдэв №6

Монгол Улсын Үндсэн Хуульд 2019 онд оруулсан нэмэлт өөрчлөлтүүдэд улс төрийн намын төлөвшил, намын системийн хөгжлийг чиглүүлэхэд чухал нөлөө үзүүлэх хэд хэдэн заалт багтсан билээ. Үүний нэг нь “Нам […] улсын хэмжээний бодлого дэвшүүлж ажиллана” хэмээсэн заалт юм.
Техник технологийн хурдацтай хөгжлөөр тодорхойлогдох болсон орчин цагт үндэсний хэмжээнд ажиллах намын бүтэц, зохион байгуулалтыг хэрхэн ойлговол зохих вэ, энэ нь засаг захиргааны нэгжүүд дээр суурилсан бүтэц, тэдгээрийг санхүүжүүлэх бусад асуудлуудтай хэрхэн холбогдох вэ гэх мэт асуултуудад хариулт өгсөн энэ удаагийн хэлэлцүүлэгт ШУТИС-ийн багш, улс төр судлаач Я.Төгөлдөр, МУИС-ийн багш, улс төр судлаач Д.Бумдарь, МУИС-ийн багш, улс төр судлаач Д. Бадамдаш, ШУА-ийн Философийн хүрээлэнгийн улс төр судлаач, доктор О. Хатанболд нар уригдан оролцлоо.