"Maratouk" ensemble - Tipi, boran (Armenian folk song)
HTML-код
- Опубликовано: 8 фев 2025
- Հայ ժողովրդական, ֆիդայական «Թիփի, բորան» երգն է՝ «Մարաթուկ» անսամբլի կատարմամբ: Գեղարվեստական ղեկավար՝ Մկրտիչ Սարգսյան (Մըգրո):
Читайте на русском языке: • Ансамбль "Маратук" - Т...
Սա XIX դարի ազգային ազատագրական պայքարին նվիրված ստեղծագործություն է, որը ներկայացնում է հանուն օսմանյան լծից հայրենիքն ու ժողովրդին ազատագրելու զենք վերցրած հայ ֆիդայու վիճակը: Մութ գիշերին մոլեգնում են թիփին ու բորանը, և հայ ֆիդային, մոսին հրացանն ուսին առած, փամփուշտները խաչկապ գցած կրքծին, հեռացած տնից-տեղից, հարազատներից, թափառում է զավթված հայրենիքի լեռներում: Նա լայն թիկունք ունի, հողը մշակելուն սովոր հուժկու թևեր, իր երբեմնի խաղաղ հարազատ վայրերում սիրել է աշխատել դաշտերում, պար բռնել հասակակից ջահելների հետ, իր ուժն ու ճարպկությունը ցույց տալ հարսանեկան մրցախաղերում, բայց այժմ ելել է վարելու ազատության պայքար՝ անփորձ լինելով ռազմական հնարքներում:
Այնուհետև, կարծես հանդես են գալիս բոլոր ֆիդայիների մայրերը, որոնք մաղթում են, որ Մշո հռչակավոր Սուլթան Սուրբ Կարապետ վանքը պահապան լինի նրանց: Երգի հաջորդ հատվածում, ինչպես երևում է, մայրերից մեկը դիմում է իր՝ տանը մնացած որդուն և ամոթանք տալիս, որ ձեռքին զենք չունի, մինչ նրա եղբայրը կռվի դաշտում տապալում է թշնամիներին: Իսկ զինվոր եղբայրը մեկնում է ձեռքը և հրավիրում միասին երդվել, որ թողնելու են աշխարհի փառքը և առյուծաբար կռվելու են՝ ի սեր ճնշված հայ ազգի:
Երգի խոսքերը՝
Թիփի, բորան մութ գիշերին
Պտտում էր ֆիդային՝
Փամփուշտները խաչկապ կապած,
Մոսին հրացան ուսերին:
Թիկունքդ լայն, թեւերդ ուժգին,
Կռնակդ ամուր, պինդ պողպատ,
Սիրել գիտես, կռուիլ չիտես,
Դու հսկայ երիտասարդ:
Ա՜Խ ֆետայիներ, ջա՜ն ֆետայիներ,
Ձեր մայրերը ձեզ ղուրպան,
Մշոյ Սուլթան Սուրբ Կարապետ
Ձեզի լինի պահապան:
Ամօթ է քեզ, հազար ամօթ,
Որ զէնք չունիս քո ձեռքին,
Մինչ քո եղբայր կռուի դաշտում
Տապալում է թշնամին:
Ձեռք տուր եղբայր, երդուենք այստեղ,
Թողնենք փառքը աշխարհի,
Երթանք կռուենք առիւծաբար
Ի սէր ճնշուած հայ ազգի:
Հզոր երգ՝ ազգի գոյության կոդի հիմնահաստատումով։
Ուժեղ, խելացի, նվիրյալ մայրեր՝ ուժեղ, անձնուրաց, հայրենանվեր որդիք...
Շնորհակալություն։
Ինչ ճշմարիտ, իմաստուն բովանդակություն...Առաքինության, արժանապատվության դասագիրք է այս երգը...
HALALA, I'M HAY WOXOVURDNA!
Շնորհակալություն
🇦🇲🇦🇲🇦🇲🇦🇲🇦🇲
Ախ Աստված իմ ուր են հայ ֆիդայինները,այսօր են պետք,վերանում ենք։
Քո գտած վիդեոները քանցեր էն:
Õ